Romains 8:32 - New Testament in Mitsogo

³² Nzambé asibé na ninga gôétôétsa Muanedi na amadeekeda angô gôéwa gôndé wa n’anyô muetso. Buéyé muanedi amatôétsa ?tambô na éômee éetso nayee asangatôétsa éangô?

Romains 8:32 ပူးပေါင်းရင်းမြစ်များ

Matthieu 3:17

Ogi ômookanô ôvovo g’ôba mbe: Odôô te muanami amôtôma amiso. Me namônyôngéô na nzoo na gô môtéma.

Matthieu 7:11

Buéyé anye oma abévani, nômenya éétsa ananyô yôma éamisôba ?tambô na Tétanyô ône andé g’ôba, asangootéa éétsa anye yôma éamisôba gôndé anye nômôdukani‐a?

Jean 3:16

Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Romains 11:21

Okô Nzambé asidagéô gôékeeda mitabémie mimabôtu na géétété, te Ajuif, asangadagéô gôékeeda na mine mimananéguni, te anye nôsibôtu gô éongo éAjuif.

Romains 4:25

Nzambé ameetsa Jésus gôéwa gô mabégô masô n’anyô mabévani. Amamôkundua gôétôtsimaméda va mbene aNzambé ti eembe tôsaba n’oési.

Romains 6:23

Môvanô ôétsa ébévee gôndé môma te ôwa. Ivô éne éétsa Nzambé ôbiia gôndé môma te monyo amôbô na môbô gôédigaa na vitoo na Kumu asô n’anyô Jésus-Christ.

Romains 8:28

Menyani mbe Nzambé ayanza gôétônyepeda gô mabégô metso mabuéa gôndé wa n’anyô. Endé te nane gôndé wa n’anyô tôndé tômabambéô na Nzambé gamavanga amuene.

I Corinthiens 2:12

Wa n’anyô asi mbumu éaNzambé tôsiitsô gédidi géndé gô tsengene. Wa n’anyô tômadiia Gédidi géviga gôndé amuene Nzambé na sangô gétôtubéda metso mane matôétsô na Nzambé.

II Corinthiens 4:15

Eetso étôenani édué ébuéa te gôékasôgéda anye. Gô ngudi yaNzambé omedi angayeka. Vangayeka ahngô, tambô n’asambédie, n’akumédi aNzambé amani éyeka dôta.

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

II Corinthiens 6:10

Miso masô te keba, ivô gô mitéma tôndé na gényônga. Tômenyanganô mbe misuga, tambô tôdôngéda ayekani n’okitie ôndé n’asô. Tôsaba ta na dode épo mbe tôsômba sôma, tambô tôsabuta sôma.

I Jean 4:10

Etondo ékegea mbe, kaka mbe wa n’anyô tômanyôngéô Nzambé ivô te Nzambé amanyôngéô wa n’anyô na amakudéga Muanedi Jésus. Mbeka nane ébévee éasô n’anyô mbe ésisingéô kokoo.

Gétsutsuéô 21:7

One amadiiani gô ébadi émagenyuni angadiia gôndé me ébégô édué. Me te Nzambé edi, angô dôta te muanami amôtéma.