Romains 8:30 - New Testament in Mitsogo

³⁰ V’ebandô Nzambé amasevoa ane angaba eedi na amabambéa ahngô. Ane amabambéôni, na amaabéani, Nzambé amatsimaméda ahngô ti eembe asaba n’oési va mbene edi. Ane amatsimaméduni, Nzambé amagésangana n’ahngô g’ôbébayi ôtubéda ôndômbee wedi.

Romains 8:30 ပူးပေါင်းရင်းမြစ်များ

Jean 17:22

Me nameetsa ahngô ôndômbee okumakee ômeetsô me n’ewe, te mbe angaba môtémovo gandé wa n’oo tôndé môtémovo.

Jean 17:24

Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

Romains 1:6

Anye dôta asi môsenge aRome nôndé g’ôkabôé ane aweseda me na gôndé Nzambé. Nzambé amanôbambéa gôéba môvo na Jésus-Christ.

Romains 11:29

Nzambé asamenya éwata éne émeetsa angô oma na asakoa matasa medi gôndé ane amabambéa angô.

Romains 8:1

Ekôdéô éebégôe te édué. Gôsabadô géesédéô gôndé ane andé na vitoo na Jésus-Christ.

Romains 8:21

Tsinane éténdéda mbe ngudiye dibévani disangabadô n’otômu gôébunganéda, na gôébooeda éôma émakanôni. Vangakusédu tsinane g’ôvégee ôndé yangô, éngeetsô ôndômba ôvo n’ana aNzambé gô ngudi yedi.

Romains 8:28

Menyani mbe Nzambé ayanza gôétônyepeda gô mabégô metso mabuéa gôndé wa n’anyô. Endé te nane gôndé wa n’anyô tôndé tômabambéô na Nzambé gamavanga amuene.

I Corinthiens 1:2

Gésangô gegé te sanyô asi mbumu éaNzambé nôndé gô môsenge aCorinthe. Gésangôge te gôndé anye nômabambéô gôéviia mane matsengene ngima gôéba môvo na Nzambé gô pitsi yanyô yava tsina. Te anye nômasevou gôéba oma amatsimamani ambumu éedi. Gésangôge te na gôndé muetso andé gô tsenge yetso ane asabômu ébambéa ina aKumu asô n’anyô Jésus‐Christ. Te Kumune yaô na te Kumune éasô n’anyô.

I Corinthiens 1:9

Nzambé asavétsua divanga yedi. Nzambéne te épo, ône amanôbambéa mbe: Bakani môvo n’ami gô pitsi yanyô yava tsina nômagésangana môtémovo n’ami gô évambevo na muanami Jésus‐Christ.

I Corinthiens 2:7

Me tsamenya éne éodo. Nanigôa te éodoe émabaka gav’esooe na Nzambé na ésinigôganéô n’oma. Na Nzambé amasevoa éangô mbeego na mbeego, tsinane madeo ésikanô. Ameesevoa gôndé wa n’anyô mbe tôngaba n’ondômbee wedi.

I Corinthiens 6:11

Nôeni minongomie mimabaka avo va gatse anyô. Ivô nômagôgédu ébévee éanyô na nômasevou na nômayuu gôéba oma aNzambé. Gô ina aKumu Jésus‐Christ na gô ngudi yaGédidi SaNzambé nômatsimamédu ti eembe nôsabadô n’oési va mbene aNzambé.

II Corinthiens 4:17

Tômenya mbe maguga meena we madita, tambô mandé te na soa na masadingani. Na mangô matôkônzéa ôndômba ôvôni ôsakôdékani ôndé vavo na Nzambé.

Galatie 1:15

Ivô Nzambé gô ngeba yedi, amasevoa me nagébaka gô ébuyi éeya. Amabambéa me gôéyanzéa angô.

Galatie 1:6

Natsapéô gayavôganye égéngôgéa, na nônôtôga gôndé ône amabambéa anye gô ngeba yaChrist. Anye nôtsika Tsangône éamapanga gôéaanda nyene tsangô éamôsôba.

Galatie 5:8

Ene émavovo angô n’anye ésivigé gôndé Nzambé ône amasevoa anye.

Ephésiens 1:11

Gô évambee éndé wa n’anyô na Jésus‐Christ, tômani édiia géôbogeo sasô n’anyô. Gôébégô wa n’anyô madeo tôsibôtu, Nzambé amapanga étôsevoa mbeego gamanyôngéô angô. Nzambé eenda ti metso ganyôngéô amuene na gavangangô mbe éngaba te nane.

Ephésiens 1:5

Buéyé mbeego, Nzambé amabaka n’etondo gôndé wa n’anyô na amatôsevoa mbe tôngakou gôéba anedi gô ngudi yaJésus‐Christ. Te Nzambé amuene amanyôngéô éénda nane.

Ephésiens 2:6

Gô vitoone éndé n’asô n’anyô na Jésus‐Christ, Nzambé amatôkundua g’ôwa gômbe tôndé ôtômu ôvo na Christ. Na tôndé digaa n’edi gô ényanga éag’ôba.

Ephésiens 3:11

Agésa ahngô gamanyôngéô Nzambé v’ebandô na gamakônzangô gô ngudi yaKumu asô n’anyô Jésus‐Christ.

Ephésiens 4:4

Tôndé muetso gô ôtô ôvo. Na gédidige sasô n’anyô SaNzambé te gévo. Tsoongone éasô n’anyô étôétsô na Nzambé te épo.

Colosses 3:4

Monyoe wanyô apie te Christ. Vangatsutsugangô te n’anye muetso nôngatsutsuga nômagésangana ôndômbovo n’edi.

1 Thessaloniciens 2:12

Tômakasôgéda anye na tômasuméda anye mitéma. Tômeekéda anye na môvinéné mbe: Digaani ganyôngéô Nzambé, ône amabambéa anye gôéengéa g’ôkumu edi na gôégésangana g’ôndômbee wedi.

II Timothée 2:11

Mavoviame maNzambé éma kaka meetsuma paga. Masangakoga. Mangô mbe: Okô mbe tômawa n’edi ôwa ôvo Tôngadigaa n’edi dôta monyo ôvo.

Hébreux 9:15

Nôeni ébégô émasevou Christ gôéba môsungéyi gôétôvambéda na Nzambé gô évambee éamôbaé. Andéké môsungéyi awa n’anyô tômabambéô na Nzambé gôédiia ôkiti ag’ôba ômavangéa Nzambé mbe: Te mikuanya mianyô. Wa n’anyô tôngoongôa édiia ôkitie ône gôébégô môvo amawa. Owee ône ôyuua oma muetso gô môtsundu ebévee éaô émadigaahngô gô évambee éambeego.

I Pierre 2:9

Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.

I Pierre 3:9

Gô mabégô mabévani nômbianikéda pégôani. Gô matoki nômbiavénda matoki. Ivô nikédani te mamisôba. Gôébégô Nzambé amakuséda anye gô mabégôme mane gôénôétsa mate medi.

I Pierre 5:10

Nzambé, Kumu éangeba yetso, amanôbambéa gô ina aJésus‐Christ gôéba g’ôndômbedi amôbô na môbô. Vangamana anye ésindéa maguga gô pesu aviyénza, amuene Nzambé anganôbôngaméda, anganôsipéda, anganôkasôgéda na anganôodeda pepe géniké ngima.

II Pierre 1:10

T’ebandô ana aTétee gényôgani na ngudi gôésipa gômaabéa anye mbeeane émabambéô anye na Nzambé na gô gésevôéôge sedi gémasevou anye. Okô nôénda nane, anye nôsangapônga ta na pesu.

Gétsutsuéô 17:14

Dingagenya na Môpagee Endombo na te Môpagee ôngadiiani gôébégô angô te Kumu akumu yetso na angô te môtômi aatômie muetso. Môpagee ôngadiia, angô n’ane andé n’edi. Ane andé n’edi te ane ahmasevouni na ahmabambéôni na amamôétsa mitéma miaô.

Gétsutsuéô 19:9

Môsi g’ôba amatôma me mbe: Otenda te édué. Tenda mbe: Tsôkéakani anye nôkôviô gô môambô ayômba yaMôpaga. Na môsi g’ôba amoomba évovo mbe: Ogie ône te ône apie ômavovo amuene Nzambé.