Romains 8:23 - New Testament in Mitsogo

²³ Ivô kaka tsinane étévô. Buéyé na wa n’anyô tôbisa gô mitéma miasô n’anyô gôéenéa géobogeo sayôtô yasô n’anyô vangatôkusédu na v’ekanga mbe: Adua te ana aNzambé. Tôndéké tômakatô na Nzambé môkodi te Gédidi sedi. Na sangô gétôbangôéda éne éngatôdiiani.

Romains 8:23 ပူးပေါင်းရင်းမြစ်များ

LUC TSANGO EAMOSOBA EMATENDA 20:36

Asangadôôwa. Angaba gandé asi g’ôba. Angaba ana aNzambé gômakunduga ahngô g’ôwa.

LUC TSANGO EAMOSOBA EMATENDA 21:28

Vangabandôa étsiga mabégô mema, vétsani na bôgôani édimôe éanyô gôébégô génôtôgéô sanyô sava tsina géka gôpégôpé.

Romains 5:11

Na ésakôdéa na mane. Wa n’anyô tôtsôkéa Nzambé gô ina aKumu asô n’anyô Jésus-Christ, ône amatôvambéda na Nzambé.

Romains 5:3

Na va ngongone vane, tôtsôkékéni buéyé gô magugame masô n’anyô. Gôébégô tôsabômu mbe maguga meena wa n’anyô matsigéda gô mitéma miasô n’anyô ôbibo na môvinéné.

Romains 5:5

Tôsangabômédu n’ene étôténdédani gôébégô Nzambé amatôétsa Gédidi sedi. Na te sangô gétsuéa wa n’anyô étondo éaNzambé gôékuya éangô gô mitéma miasô n’anyô.

Romains 7:24

Gétséké samôma gandé me ?ône angayuua me g’ôtôe ôdôô ôkeda me na g’ôwa, indaa?

Romains 8:19

Metso mamakana Nzambé mandé môtie gôéenéa ndéône éngatsigéda Nzambé anedi.

I Corinthiens 1:7

Nôsivee ta na môgôô ôvo aNzambé. Tambô anye véngéani na ngudi yetso génikéô saKumu asô n’anyô Jésus‐Christ na gô tsina.

II Corinthiens 1:22

Te Nzambé amatôétsa ndémbô éainedi. Angô dôta amayuéséda mitéma miasô n’anyô na Gédidi sedi gétôtubéda mbe tôndé na tsoongo va mbene aNzambé na mbe tôngadiia metso mamavanga angô gôndé wa n’anyô.

II Corinthiens 7:5

Menyani mbe vamatsiga we eekédi gô tsenge éaMacédoine tôsibé na gévogiméô ta na pesu. Tômawanya na panda na gésa na gésa. Gône tôsépa nzinziye, gône tôkebangana.

Galatie 5:5

Ivô gôndé wa n’anyô tsoongone éasô n’anyô te mbe tôngatsimamédu na Nzambé ti eembe tôsaba n’oési. Te éne étôenéani gô ngudi yaGédidi SaNzambé géne géyanza veetsa we Nzambé mitéma miasô n’anyô.

Ephésiens 1:14

Gédidi sedi te môkodi ôkata Nzambé wa n’anyô gôétôbangôéda môkuanya asô n’anyô omedi ômatôtsikéô gô géôbogeo. Nzambé atôsuméda mitémami mbe: Nômbiaba na mikebanganô gô môkuanya. Nôngadiia angô vangakôdéda me éyanza éami éetso. Tambô tôkumédéni ôndômbee aNzambé.

Ephésiens 4:30

Nônanikéda Gédidi SaNzambé gévii gô mane meendanye. Sangô te ndémbô éamakuéta Nzambé gôndé anye. Sangô te môkodi ômatôkatôni gôétôbandôéda mbe nyovo Nzambé angatôyuua gô tsinane édué.

Ephésiens 5:9

Va tungune éndé gévede veenanô ésima éetso éamisôba, n’etsimama, na mabégô metso mapie.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Tite 2:13

Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.

Hébreux 9:28

Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.

I Pierre 1:7

Ekuanô éenanye étubéda gôsipanye mitéma mianyô gô mabégô maNzambé. Te gandé dodo sôma gébunganani, ivô yangô ékanégu gôkanzô yangô gô soto. Te mônongovo gandé anye. Veetsanye Nzambé mitéma mianyô gébé na paga mika na génemba géôtéa buéyé géne sadodo. Na mikanégu gô gékuanô. Okô mitéma mianyô misipi nôngeetsô ôséngu na ôndômba n’egoba vangaviga Jésus‐Christ.

I Jean 3:2

Anami amôtéma, deo noo tôndé ti ana aNzambé na mônongo ôngaba n’asô n’anyô gô mbene madeo tôsitubédu angô. Ivô menyani mbe vangaviga Christ, mônongo ôndé n’edi tôngagono n’angô, gôébégô tôngamôéna mônongoe ôndéké angô.