Romains 8:21 - New Testament in Mitsogo

²¹ Tsinane éténdéda mbe ngudiye dibévani disangabadô n’otômu gôébunganéda, na gôébooeda éôma émakanôni. Vangakusédu tsinane g’ôvégee ôndé yangô, éngeetsô ôndômba ôvo n’ana aNzambé gô ngudi yedi.

Romains 8:21 ပူးပေါင်းရင်းမြစ်များ

Mayanzame 3:21

Gô ndéô nedué Jésus-Christ andé digaa g’ôba. Asanganôtôga gône ngu na vangabuéa ndéône éngakou éetso éka wene mônongo. Amuene Nzambé amatôevéda mbeego mbe éngaba te nane. Te gamavovo apandôédi amatasa medi.

Gétsutsuéô 21:1

Me Jean nameena dôta wene ôba amanza na nyene tsina éamanza. Oba amapanga ômabakani na tsinane éamapanga émabakani émanôtôgaka na miubumie mietso mimanôtôga.

II Pierre 3:13

Géé wa n’anyô tôvéngéa ôba atsatsee na tsinane éatsatsee te gamavanga amuene Nzambé. Wangô gôngabaka te étsimama.

Romains 8:19

Metso mamakana Nzambé mandé môtie gôéenéa ndéône éngatsigéda Nzambé anedi.

Romains 8:30

V’ebandô Nzambé amasevoa ane angaba eedi na amabambéa ahngô. Ane amabambéôni, na amaabéani, Nzambé amatsimaméda ahngô ti eembe asaba n’oési va mbene edi. Ane amatsimaméduni, Nzambé amagésangana n’ahngô g’ôbébayi ôtubéda ôndômbee wedi.

I Corinthiens 15:42

Edué étubéda gangaba wa n’anyô vangatôkunduga g’ôwa. Vangunyu môma aka nzumbi, ôtô edi te sôma gémadônga va tsina g’ôtangô apitsi. Vangakunduga angô ôsabadô ava tsina, ôsangadôtanga pitsi.

Hébreux 12:27

Vavovo angô mbe: Nangoomba nyene kuka, tômenya mbe mane mamakanôni metso mangatatédu na mangadimbana, na éne éngasanéani te éne éngasipani.