Romains 8:16 - New Testament in Mitsogo

¹⁶ Gédidige sedi géwanyéda moonga na géne sasô n’anyô oma mbe na gô pie tôndé ana amabôtu gô mbumu éaNzambé.

Romains 8:16 ပူးပေါင်းရင်းမြစ်များ

Matthieu 5:9

Ti gô gényônga géndé n’anye nôndé na mitéma mimasumani, nôsuméda dôta na gétabé akanyô mitéma. Nzambé anôénda mbe: Anami.

LUC TSANGO EAMOSOBA EMATENDA 20:36

Asangadôôwa. Angaba gandé asi g’ôba. Angaba ana aNzambé gômakunduga ahngô g’ôwa.

Jean 1:12

Buéyé nane, avo amasinga Ogi na ameetsa angô mitémamie. Ahngô te ane ameetsô na Nzambé ngudi yekoga anedi apie.

Mayanzame 5:32

We adua tôndé mbangi éamabégôme matôvovoni éma. Te we adua na Gédidi gémeetsa Nzambé gôndé ane amôgobedani.

Romains 8:14

Ane asinga Gédidi SaNzambé mbe gétôma ahngô, te ana aNzambé.

Romains 8:19

Metso mamakana Nzambé mandé môtie gôéenéa ndéône éngatsigéda Nzambé anedi.

Romains 8:23

Ivô kaka tsinane étévô. Buéyé na wa n’anyô tôbisa gô mitéma miasô n’anyô gôéenéa géobogeo sayôtô yasô n’anyô vangatôkusédu na v’ekanga mbe: Adua te ana aNzambé. Tôndéké tômakatô na Nzambé môkodi te Gédidi sedi. Na sangô gétôbangôéda éne éngatôdiiani.

Romains 8:26

Wa n’anyô oma tôdagéô énigôgéô. Gédidi SaNzambé géviga gôétôwedéa. Gôébégô tôsamenya évovo na Nzambé ganyôngéô amuene. Ivô Gédidige géndé gô mitéma miasô n’anyô gévovo na Nzambé gôndé wa n’anyô, na géaama gô panda disoongôa wa n’anyô ébubua.

Romains 9:26

Gô tungune émabeendu oma mbe anye kaka oma aNzambé, te gô tungu nene éngookô ahngô dôta mbe: Anye nôndé ti ana aNzambé, angô Kumu amonyo.

Romains 9:8

Tambô ane amasevoa Nzambé mbe omedi, kaka ane amabôtu gô étondo éamôma étévo. Ivô ane amabôtu gôédugéda ôvangee aNzambé te omedi apie.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

II Corinthiens 1:22

Te Nzambé amatôétsa ndémbô éainedi. Angô dôta amayuéséda mitéma miasô n’anyô na Gédidi sedi gétôtubéda mbe tôndé na tsoongo va mbene aNzambé na mbe tôngadiia metso mamavanga angô gôndé wa n’anyô.

II Corinthiens 5:5

Te gamatôvangô na Nzambé v’ebandô mbe tôngakou te nane. Na amatôditéga môkodie, te Gedidige sedi gémeetsangô wa n’anyô. Môkodie ôtômenyeda mbe na gô pie tôngadenga mane mamisôba mamakuégéa angô wa n’anyô.

II Corinthiens 6:18

Me nangaba Tétanyô N’anye dôta te anami amôgôô n’anami ageto. One avovoni te me, Kumu angudi yetso.

Galatie 3:26

We tôndéké ana aNzambé na vitoo na Jésus‐Christ, te gôtôétsa Nzambé mitéma miasô n’anyô gémôtsumé paga.

Galatie 4:6

Nzambé amakudéga na gô mitéma miasô n’anyô Gédidi SaMuanedi Jésus, gôébangôéda wa n’anyôene mbe na gô pie tôndéké anedi. Gédidige géne te sangô géaadôngana mbe: Ah Téta.

Ephésiens 1:13

Anye asi Ephèse nômookô Tsangô Eamôsôba éaJésus‐Christ, yangô te meekédu mapie manônigôa géôbogeo. Vamookô anye nômeetsa Christ mitéma mianyô gébé na paga. Na vane Nzambé amatôéémba ndémbô étubéda inedi. Ndémbône te Gédidi sedi sovanga ômavanga angô mbeego.

Ephésiens 4:30

Nônanikéda Gédidi SaNzambé gévii gô mane meendanye. Sangô te ndémbô éamakuéta Nzambé gôndé anye. Sangô te môkodi ômatôkatôni gôétôbandôéda mbe nyovo Nzambé angatôyuua gô tsinane édué.

I Jean 3:1

Eenakani ganyôngéô Téta Nzambé wa n’anyô. Angô atônyôngéô ti v’ekôdéô éenyôngéô, t’ebandô tôtetu mbe ana aNzambé ag’ôbôtu. Na tôndéké anedi apie. Asi tsengene asamenya Nzambé ?nayee angamenya wa n’anyô gôénigôgéô mônongoe wasô n’anyô tôndé anedi? Asangamenya.

I Jean 3:10

Nôeni éne étubéda na vede mbe adua te ana aNzambé na adua te ana ayabédé, étubéda mbe ône aseenda éne ényôngéô Nzambé na asanyôngéô môkedi, angô kaka muana aNzambé.

I Jean 3:2

Anami amôtéma, deo noo tôndé ti ana aNzambé na mônongo ôngaba n’asô n’anyô gô mbene madeo tôsitubédu angô. Ivô menyani mbe vangaviga Christ, mônongo ôndé n’edi tôngagono n’angô, gôébégô tôngamôéna mônongoe ôndéké angô.

I Jean 4:13

Ndémbo émeembô wa n’anyô étubéda mbe tôndé môvo na Nzambé na angô te môvo n’asô n’anyô ?yéndé? Te ndémbone éaGédidi sedi gémeengédangô na gôndé wa n’anyô.

I Jean 5:10

Na vane ône eetsa môtémedi wetso na gôndé Muana ANzambé ookô gô môtémedi mbe mane mavovo Nzambé mandé ti mapie. Géé ône atsuma Nzambé paga eenda Nzambé mbe, môsi ooboe, gôébégô asaditéga mane manigôa Nzambé maMuanedi.

Gétsutsuéô 21:7

One amadiiani gô ébadi émagenyuni angadiia gôndé me ébégô édué. Me te Nzambé edi, angô dôta te muanami amôtéma.