Romains 8:14 - New Testament in Mitsogo

¹⁴ Ane asinga Gédidi SaNzambé mbe gétôma ahngô, te ana aNzambé.

Romains 8:14 ပူးပေါင်းရင်းမြစ်များ

Matthieu 5:9

Ti gô gényônga géndé n’anye nôndé na mitéma mimasumani, nôsuméda dôta na gétabé akanyô mitéma. Nzambé anôénda mbe: Anami.

Jean 1:12

Buéyé nane, avo amasinga Ogi na ameetsa angô mitémamie. Ahngô te ane ameetsô na Nzambé ngudi yekoga anedi apie.

Romains 8:19

Metso mamakana Nzambé mandé môtie gôéenéa ndéône éngatsigéda Nzambé anedi.

Romains 8:5

Gôébégô ane adigaa gô ébéva gamabôtu ahngô, matasame maô metso te gô mane manyima yôtô yaô. Ivô ane adigaa évambevo na Gédidi SaNzambé, matasa maô metso te gô mane manyôngéô Gédidige géne.

Romains 8:9

Ivô anye, nôsadigaa gô ngudi yaanyene na gô manyima mayôtô yanyô. Gédidi SaNzambé géndéké gô mitéma minayô. N’anye nôdigaa ganyôngéô sangô. One asaba na Gédidi SaChrist gô môtémedi, angô asamenyanganô na Nzambé.

Romains 9:26

Gô tungune émabeendu oma mbe anye kaka oma aNzambé, te gô tungu nene éngookô ahngô dôta mbe: Anye nôndé ti ana aNzambé, angô Kumu amonyo.

Romains 9:8

Tambô ane amasevoa Nzambé mbe omedi, kaka ane amabôtu gô étondo éamôma étévo. Ivô ane amabôtu gôédugéda ôvangee aNzambé te omedi apie.

II Corinthiens 6:18

Me nangaba Tétanyô N’anye dôta te anami amôgôô n’anami ageto. One avovoni te me, Kumu angudi yetso.

Galatie 3:26

We tôndéké ana aNzambé na vitoo na Jésus‐Christ, te gôtôétsa Nzambé mitéma miasô n’anyô gémôtsumé paga.

Galatie 4:5

Ameenda nane te mbe muanedi angoobo wa n’anyô muetso tôndé gô tsina amige miaNzambé gômbe tôngaba asi mbumu éaNzambé, anedi apie.

Galatie 4:6

Nzambé amakudéga na gô mitéma miasô n’anyô Gédidi SaMuanedi Jésus, gôébangôéda wa n’anyôene mbe na gô pie tôndéké anedi. Gédidige géne te sangô géaadôngana mbe: Ah Téta.

Galatie 5:16

Neendidô mbe digaani gatômu anye na Gédidi SaNzambé gômbe nôsangagobeda manyima mabévani mamôtéma gamabôtu angô.

Galatie 5:18

Okô mbe Gédidi SaNzambé gétôma anye tambô kaka mige miaNzambé mitôma anye.

Ephésiens 1:5

Buéyé mbeego, Nzambé amabaka n’etondo gôndé wa n’anyô na amatôsevoa mbe tôngakou gôéba anedi gô ngudi yaJésus‐Christ. Te Nzambé amuene amanyôngéô éénda nane.

Ephésiens 5:9

Va tungune éndé gévede veenanô ésima éetso éamisôba, n’etsimama, na mabégô metso mapie.

I Jean 3:1

Eenakani ganyôngéô Téta Nzambé wa n’anyô. Angô atônyôngéô ti v’ekôdéô éenyôngéô, t’ebandô tôtetu mbe ana aNzambé ag’ôbôtu. Na tôndéké anedi apie. Asi tsengene asamenya Nzambé ?nayee angamenya wa n’anyô gôénigôgéô mônongoe wasô n’anyô tôndé anedi? Asangamenya.

I Jean 3:24

One agobeda mitôma na mige miaNzambé andé na vitoo na Nzambé, na Nzambé andé na vitoo n’edi. Ndémbone émeembô wa n’anyô étubéda mbe Nzambé andé na vitoo na wa n’anyô, te Gédidi sedi gémeengédangô na gôndé wa n’anyô.

Gétsutsuéô 21:7

One amadiiani gô ébadi émagenyuni angadiia gôndé me ébégô édué. Me te Nzambé edi, angô dôta te muanami amôtéma.