Romains 8:13 - New Testament in Mitsogo

¹³ Okô tôgobeda yôtôye yasô n’anyô na manyimama maô tôngawa. Okô wa n’anyô gô ngudi yaGédidi SaNzambé tôpangi ékina manyimame mane mamabôtu na wa n’anyô, tôngaba na monyo.

Romains 8:13 ပူးပေါင်းရင်းမြစ်များ

Romains 6:21

?Tsoongo ndé gô mabégôme matsoyi mayanzanye-a? Ekôdéô éamangô te ôwa.

Romains 6:23

Môvanô ôétsa ébévee gôndé môma te ôwa. Ivô éne éétsa Nzambé ôbiia gôndé môma te monyo amôbô na môbô gôédigaa na vitoo na Kumu asô n’anyô Jésus-Christ.

Romains 7:5

Endé te nane. Vamadigaanye gô ésimee éanyô éambeego gôédugéda mane mabévani mamanyima yôtô yanyô, nômayanza te mane mamadékéda Nzambé mbe: Nômbienda. Nôsiôngôé ékina mane mabévani makeda môma na g’ôwa.

Romains 8:12

Menyani mbe wa n’anyô ana aTéta, tôsaba na môtete na yôtô yasô n’anyô mbe tôngatômu na yangô gô manyima maô.

I Corinthiens 9:27

Natôma ôtôe wami gôéyanzéda angô ganyôngéô me gôéekaganédu angô. Neenda nane kabaga me môékédi aNzambé, nakuba gô mane meekédi me anye mbe: Nôwema, nômbiakuba gô mangô.

Galatie 5:24

Ane andé na vitoo na Jésus‐Christ ameeséda anguene gôésiséda mitéma mimabôtu n’ahngô, na tsôvéye yetso dibévani na manyima metso mabévani.

Galatie 6:8

Okô môma agaaba mane mabévani manyima môtémee, angô akandéda te ôwa. Na môma agaaba mane manyôngéô Gédidi SaNzambé, sangô gékandéda angô monyo amôbô na môbô.

Ephésiens 4:22

T’ébandô gasasanye mikanda mievindô, sasani dôta mônongo wanyô ambeego ômabôtu n’anye na ômatôma anye gô metso mamayanzanye mbeego. Mônongoe ône ônde na manyima mabôméda môma gôémôkeeda gôébungana.

Ephésiens 4:30

Nônanikéda Gédidi SaNzambé gévii gô mane meendanye. Sangô te ndémbô éamakuéta Nzambé gôndé anye. Sangô te môkodi ômatôkatôni gôétôbandôéda mbe nyovo Nzambé angatôyuua gô tsinane édué.

Ephésiens 5:18

Nômbiaba n’edangi éamaduku. Nzéane éamaduku éndéké te éadiyunga. Ivô bakani nômayuésédu mitémamie na Gédidi SaNzambé.

Tite 2:12

Ngebaye yedi dine ditubéda we ganyôngéô Nzambé mbe tôviié ngima môdigédi asagô na tsôvé yetso yava tsina. Na ganyôngéô angô mbe tôdigéé na mavôma gô tsengene na ésima éamisôba ésapengana n’ene ényôngéô amuene.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Pierre 2:11

Anami amôtéma, me noongô anye nôndé g’ôgenda gô tsengene. Kinani tsôvé yetso dibévani digenya na mitéma mianyô.