Romains 8:11 - New Testament in Mitsogo

¹¹ Nzambé amakunda Jésus g’ôwa. Okô Gédidi sedi géne gémakundua Christ g’ôwa gôéba na monyo gédigaa gô mitéma mianyô, sangô dôta génganôétsa monyo gô yôtôye yanyô disaba na ngudi.

Romains 8:11 ပူးပေါင်းရင်းမြစ်များ

Jean 14:17

Asi tsengene asangagédiia gôébégô asaba na ngudi yegéena na asangoongôa égémenya. Géé anye, nôngagémenya gôébégô sangô, Gédidi gétsutsuéda mabégô mapie géngaba n’anyô na géngadigaa gô mitéma mianyô.

Jean 5:21

Mônongovo gakundua Tétee ane amawani, na Muanee te mônongovo. Angô eetsa monyo gôndé ane anyôngéô angô éétsa.

Mayanzame 2:24

Nzambé amamôkundua g’ôwa. Amamôtsôbôa ésengo éowa. Owa ôsibé n’otômu gôédingéda Jésus gô ngii.

Romains 16:10

Kômbôani Apelles, te ône amatubéda ga ootéa angô ényôngéô Christ. Kômbôani dôta géômbé sAristobule.

Romains 16:3

Kômbôani gô inami Priscille na Aquilas wee yami ahndé éyanzevo n’ami éaKumu Jésus.

Romains 16:7

Kômbôani gô inami dôta kindami Andronicus na Junias. Ahmadigaa n’ami gô eba atsôgôô. Me madeo tsisinga Christ te ahngô aka oma aChrist na ootéa éneegedu va gatse ane amasevou na amatôkuku na Jésus-Christ.

Romains 16:9

Kômbôani gô inami Urbain, wa n’edi ayanzi aChrist na dôta kômbôani wee ami Stachys.

Romains 6:12

Nômbiasinga mbe mabégô mabévani matôma yôtô yanyô. Nômbiagobeda tsôvéyé dibévani ditômu anye na yôtô yanyô.

Romains 8:1

Ekôdéô éebégôe te édué. Gôsabadô géesédéô gôndé ane andé na vitoo na Jésus-Christ.

Romains 8:12

Menyani mbe wa n’anyô ana aTéta, tôsaba na môtete na yôtô yasô n’anyô mbe tôngatômu na yangô gô manyima maô.

Romains 8:2

Gôébégô ôtômu aGédidi SaNzambé, géne gétôvambéda monyovo na Jésus-Christ, gémayuua me g’ôtômu amabégô mabévani na g’ôtômu owa.

Romains 8:9

Ivô anye, nôsadigaa gô ngudi yaanyene na gô manyima mayôtô yanyô. Gédidi SaNzambé géndéké gô mitéma minayô. N’anye nôdigaa ganyôngéô sangô. One asaba na Gédidi SaChrist gô môtémedi, angô asamenyanganô na Nzambé.

I Corinthiens 15:16

Tambô ôkô mbe ane amawani asangakunduga g’owa eembe na amuene Christ asikundugé.

I Corinthiens 6:14

Nzambé amakundua Kumu Jésus g’ôwa. Gô ngudi yedi angatôkundua g’ôwa te mônongovo.

II Corinthiens 4:11

Pitsi yetso tôvétsu n’owa gôébégô éaJésus gômbe ngudi yamonyoe wedi dienanô gô yôtô yasô didôngani yava tsina.

II Corinthiens 4:14

Tôsabômu mbe Nzambé te ône amakundua Kumu Jésus g’ôwa na te angô angatôkunduani dôta g’ôwa na Jésus. Angatôtsigéda n’anye muetso géômbé gévo va mbene edi.

II Corinthiens 5:4

Pitsi yasô yetso yava tsina tôbisa na panda gô gatse ayeba yasô n’anyô yebandé gôébégô yangô te magumba. Kaka mbe tôkina yôtô yedi yamagumba, ivô tôbénga te dine diôtéa ényepani yag’ôba. Buedi mbe yebaye yamonyo ôsakôdéakani didimbanéda dine yebandé yowa.

Galatie 6:8

Okô môma agaaba mane mabévani manyima môtémee, angô akandéda te ôwa. Na môma agaaba mane manyôngéô Gédidi SaNzambé, sangô gékandéda angô monyo amôbô na môbô.

Ephésiens 2:5

Vamabaka édidi éasô n’anyô égébaka gô évitsi éowa gôébégô éamabégô masô n’anyô mabévani, Nzambé gô étondo éedi amakundua we gôéba deo noo monyovo na Christ. Tômoobou te gô ngeba ditôenanô na Nzambé.

Philippiens 3:21

Angakoa yôtô yasô n’anyô yava tsina disaba na tsoongo mbe digono na ône wedi ondômba ôndé na tsoongo. Angadikoa gô ényangee éndé n’edi. Enyangee éne te éne émasugédangô éôma yetso na gô tsina amatambé medi.

Hébreux 13:20

Tôkumédéni Nzambé Kumu agétabé ône amakundua Kumu asô n’anyô Jésus va gatse ane amawani. Gô ngudi yowedi, Jésus aka môkeneyi môvôni amandombo medi. Ene émavambédu môma na Nzambé gô nzina yedi te évambee amôbô na môbô.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.

I Pierre 3:18

Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.

Gétsutsuéô 1:18

Me te Kumu amonyo. Namawaaka, géé deo noo nandé na monyo ôsakôdéakani. Môsapie owa, na tsengene éowa ôndéké te n’ami.

Gétsutsuéô 11:11

Vangoota pitsiye ditatô dine na gébéndéké, modi ôétsa monyo ôngaviga gôndé Nzambé na ôngeengéa gôndé nzumbiye dibaé. Na ahngô angatimôga. Muetso angadenganôni angeena na angakuadima na mangongo. Gomo ôngeengéa gô mitéma miaô.