Romains 8:1 - New Testament in Mitsogo

¹ Ekôdéô éebégôe te édué. Gôsabadô géesédéô gôndé ane andé na vitoo na Jésus-Christ.

Romains 8:1 ပူးပေါင်းရင်းမြစ်များ

Jean 14:20

Gô nyaa ôvigani ône, anye nônganigôgéô mbe me Jésus nandé gôndé Téta. Na anye nôndé gôndé me. Me dôta nandé gôndé anye.

Jean 15:4

Bakani môvo n’ami na me nangaba môvo n’anyô. Mônongovo gandé môtabé agéétété mbe ôsaba gô môkuba agéétété mbe ôsabôta miônda. Mônongovo gandé anye dôta mbe nôsaba môvo n’ami mbe nôsangoongôa éénda mane manyôngéô me.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

Romains 16:3

Kômbôani gô inami Priscille na Aquilas wee yami ahndé éyanzevo n’ami éaKumu Jésus.

Romains 16:7

Kômbôani gô inami dôta kindami Andronicus na Junias. Ahmadigaa n’ami gô eba atsôgôô. Me madeo tsisinga Christ te ahngô aka oma aChrist na ootéa éneegedu va gatse ane amasevou na amatôkuku na Jésus-Christ.

Romains 5:1

Endé te nane. Wa n’anyô tômeetsa Jésus mitéma miasô n’anyô gémôtsumé paga, tôenanô na Nzambé ti eembe tôsaba n’oési. Na tôdigaa n’edi na gétabé gô ngudi yaKumu Jésus-Christ.

Romains 5:16

Ene émeetsa Nzambé ôbiia ésagono n’ene émeetsa mômane amapanga. Mômane amapanga amatsigéda ébéva. Ebévee éne ématsigéda môtsundu. Na môtsundue ômatsigéda géesédéô soma. Géé ôbiie ômatsigéda ône amôbaé, ôsingéa môma kokoo gô mabégô medi mabévani mayekani, na ôtsigéda génzeegédéô samôma gô éne émakatôkô angô.

Romains 7:17

Tambô kaka me neenda éne ésanyôngéô me, ivô te ébévee éndéké gô môtemami étinda me.

Romains 7:20

Okô me neenda mane masanyôngéô me éénda, tambô kakadô me, ivô te ébévee éndéké gô môtémami étinda me.

Romains 8:11

Nzambé amakunda Jésus g’ôwa. Okô Gédidi sedi géne gémakundua Christ g’ôwa gôéba na monyo gédigaa gô mitéma mianyô, sangô dôta génganôétsa monyo gô yôtôye yanyô disaba na ngudi.

Romains 8:14

Ane asinga Gédidi SaNzambé mbe gétôma ahngô, te ana aNzambé.

Romains 8:2

Gôébégô ôtômu aGédidi SaNzambé, géne gétôvambéda monyovo na Jésus-Christ, gémayuua me g’ôtômu amabégô mabévani na g’ôtômu owa.

Romains 8:34

?One angeeséda ane amasevouni indaa? Kaka Christ. Gôébégô te Jésus-Christ amawa, na va ngongone vane amakunduga. Na angô andé digaa gô géeyo gémôgôô saNzambé gôétôsungéa.

Romains 8:39

Kaka ngudiye yag’ôba, kaka ngudi yava tsina, kaka éôma émakanôni na émavangôni. Gôsaba sôma géngoongôa éaaganédana wa n’anyô n’etondo éaNzambé. Etondoe éne émeenanô gô mane mamayanza Kumu éasô n’anyô Jésus-Christ.

Romains 8:4

Tambô gôndé wa n’anyô tôndé n’evamba na Gédidi SaNzambé, na tôsadigaadô gô ébéva gamabôtu we, ndongi na mitôma na mige miaNzambé misadaga égobeda.

Romains 8:9

Ivô anye, nôsadigaa gô ngudi yaanyene na gô manyima mayôtô yanyô. Gédidi SaNzambé géndéké gô mitéma minayô. N’anye nôdigaa ganyôngéô sangô. One asaba na Gédidi SaChrist gô môtémedi, angô asamenyanganô na Nzambé.

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

I Corinthiens 15:22

Wa n’anyô muetso tôwa te gômatôvamba n’Adam. Na wa n’anyô muetso tôngakunduga gômatôvamba na Jésus‐Christ.

II Corinthiens 12:2

Gôndéké môma aChrist andé na me n’evamba na Jésus. Amatsuaô na gô ngongo g’ôba amôtatô. Okô mbe na gô pie amatsuaô g’ôtô edi géé kaka g’ôtô tsamenya ivô te amuene Nzambé asabômuni. G’étsuéô angô gôka nzima na mipuma minayi.

II Corinthiens 5:17

Okô môma aka monyovo na Christ akou pepe, aka wene mônongo amôma. Metso mane mamabaka n’edi mambeego mamadimbana. Na mane mandéké n’edi te mamanza mamisôba.

Galatie 3:13

Christ amakokou gô gévenga sasô n’anyô. T’ebandô amatôoboo na tôsaba gô tsina amôkokou amige. Matendeo MaNzambé matônigôa mbe: Môkokou ôndé gôndé môma ayôhu gô gésumu sowa.

Galatie 3:26

We tôndéké ana aNzambé na vitoo na Jésus‐Christ, te gôtôétsa Nzambé mitéma miasô n’anyô gémôtsumé paga.

Galatie 3:28

Tambô gôsabadô ôkabô va gatse Ajuif n’ane ahsaba Ajuif, va gatse avéga n’ane asaba avéga, va gatse amôgôô n’ageto. Muetso tôndé môvo na vitoo na Jésus‐Christ.

Galatie 5:16

Neendidô mbe digaani gatômu anye na Gédidi SaNzambé gômbe nôsangagobeda manyima mabévani mamôtéma gamabôtu angô.

Galatie 5:25

Gédidi SaNzambé gémeetsa wa n’anyô monyo. Tambô tôsingéni sangô gétôma wa n’anyô.

Ephésiens 1:1

O te me Paul namasevou na Nzambé na namatômu na Jésus‐Christ gôétsua tsangô éedi. Nanôtendéa, anye asi mbumu éaNzambé nôndé gô Ephèse. Anye nôsitatôané gô vitoone éndé n’anye na Jésus‐Christ.

Philippiens 3:9

Nanyôngéô éba môvo n’edi. Tsoongôa éénda mbe gôkenea me mige mia Nzambé me tsaba n’oési va mbene éedi. Tsabômu mbe neenanô na Nzambé ti eembe tsaba n’oési, te gômeetsa me Christ môtémami wetso gémôtsumé paga. Amuene Nzambé amakônza nzéane mbe ôkô môma eetsi Jésus‐Christ môtémedi wetso gémôtsumé paga, me Nzambé nangamôbono ti eembe asaba n’oési.