Romains 7:7 - New Testament in Mitsogo

⁷ ?Tongeenda nayee? ?Mige na mitôma miaNzambé, tambô mibéva-a? Aé, kaka nane. Te miangô mimamenyéda me mane meenda Nzambé mbe: Ebévee. Mbeka môge ôbeenda mbe: Ombianyima sôma sagébé soo, me mbe tsimenya mbe ényima éndé n’ami ésanyepa.

Romains 7:7 ပူးပေါင်းရင်းမြစ်များ

Matthieu 5:28

Ivô me nanôbeenda mbe muetso abono môgeto na tsôvé gôékea n’edi gésasô, amani ékea n’edi gésasô gô môtémedi.

LUC TSANGO EAMOSOBA EMATENDA 12:15

Na Jésus angô mbe: Nôwema kabaga nôba n’onzôô okiti. Buéyé mbe ôkiti ôvôni, monyo amôma ôsaba gô éne.

LUC TSANGO EAMOSOBA EMATENDA 20:16

Na amanigôa mbe: Vangaviga kumu éatsaga angayôha akeneyie abévani. Angeetsa tsagane muene môma. Ane amookôni ahmakina mbe: Aé ésangaba nane.

Mayanzame 20:33

Me tsinyima gôndé môma ôkiti, vo dodo vo maduani.

Romains 13:9

Migemie miaNzambé midékéda mbe ômbiakea gésasô, na ômbiayôha, na ômbieesua, na ômbianyima sôma sagébé soo. Menyani mbe migemie mine na gôndé na miene, miwanya gô môtôma ôvo mbe: Nyôngéô môkoo ganyôngéô éwe ôtô omuene.

Romains 3:20

Môma, mbe asibévéké migemie mbe misikitsô. Gékeneo samige gésatsimaméda môma va mbene aNzambé.

Romains 3:5

Me Paul nangavovo gavovo avo oma. Ahngô mbe: Mbeka mbe we oma tôyanza mane mabévani, étsimama éaNzambé mbe ésangamenyanganô. ?Tambô Nzambé asiséda we gôndé? Nzambé asaba na mitayi vasasa ôpisee wedi. Te gavovo avo.

Romains 4:1

?Gôndé tétene éasô n’anyô Abraham tôena nayee? Gô mane magô ôtôe wedi amadiia ndé?

Romains 4:15

Menyani mbe mige na mitôma miaNzambé mibuéda ôpisa na gôndé oma. Okô gôsaba mige na mitôma gôsaba dôta gékékôéô.

Romains 5:20

Mige miaNzambé mimakitsô gômbe ébévee éamôma éngeenanô mbe émaata évanga. Ivô vayeka ébévee, menyani mbe na ngeba yaNzambé dingootéa éaata évanga.

Romains 6:15

?Tôngeenda nayee? Wa n’anyô tôenanô na Nzambé ngeba ?tôngoomba éénda mabégô mabévani tsangô mbe tôsaba gô tsina amige miedi-a? Géndégégé.

Romains 7:11

Mabégô mabévani mamabômédu me. Te mangô meeséda me gô mige na mitôma miaNzambé na mameetsa me tsôgôô éowa.

Romains 7:13

Tambô éne ényepani ?éôngôa ékoga éka ébégôe éowa gôndé me-a? Aé, ésangoongôa ékoga. Ebandôe eebégôe te ébéva ámôtéma amôma. Minongomie mietso mibévani mindé na mabégô mabévani mienanô gôwanya mabégôme na mige. Mabégô mabévani mamabévéda ényepa émabaka na mige miaNzambé gôétsigéda me na g’ôwa. Ebéva éamôtéma amôma ébévéda ti v’ekôdéô abévaga.

Romains 7:5

Endé te nane. Vamadigaanye gô ésimee éanyô éambeego gôédugéda mane mabévani mamanyima yôtô yanyô, nômayanza te mane mamadékéda Nzambé mbe: Nômbienda. Nôsiôngôé ékina mane mabévani makeda môma na g’ôwa.

Romains 7:8

Vamookô me môge ône, ébéva éámôtémami émayungéda me gôényima sôma sagébé sami. Ebéva éamôtémami éndé ga nzumbi gébé na ngudi, buétsé te édékédu na mige.

I Corinthiens 15:56

Ebéva éamôma te éangô éétsa ôwa miangaga. Mige miaNzambé te miangô miitsa ébéva ngudi gô môtéma amôma.

Ephésiens 5:3

Anye asi mbumu éaNzambé, nônasinga mbe gésasô n’esima éasangô na onzôô okiti éôkanô va gatse anyô.

Colosses 3:5

Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba.

1 Thessaloniciens 4:5

Abaké gésingé ôtô edi ôtômu na manyima mabévani gatômu ane asavamba na Nzambé.

Hébreux 7:19

Mige na mitôma miaMoïse misibé na ngudi gôényepeda na gôédugéda monyo amôma. Ivô tômeetsô wene mônongo gôényepedu na gôédugédu. Gô ngudi yamônongo amôbaé tôwesea na gôndé Nzambé gôévamba n’edi.