Romains 7:6 - New Testament in Mitsogo

⁶ Ivô ndéô nedué, tôsabadô gô tsina otômu amige miaNzambé. Gôébégô tômani éwa na tômatsika éne émakataka we ga tôndé gô tsôgôô. T’ebandô tôyanzéa Nzambé wene mônongo. N’atsatsee tôyanza gô tsina otômu aGédidi sedi. Géé mbeego tômayanza gô tsina otômu amige miedi mimatenduni.

Romains 7:6 ပူးပေါင်းရင်းမြစ်များ

Romains 1:9

Ene évovo me tsapata. Gémonige sami te Nzambé, ône ayanzéa me na môtémami wetso gôétsua Tsangô Eamôsôba éaMuanedi Jésus-Christ. Angô asabômu gateta me miname manyô

Romains 12:2

Nômbiagésangana mônongo ôvo na ésima évo n’asi tsengene. Ivô tsikéani Nzambé anôkoa matasame mbe mapengana na mane mamabaka n’anye mbeego. Vane nôngamenya éne ényôngéô Nzambé gôndé anye. Te éne éamisôba, na mane meetsimama na masapengana na matasa medi.

Romains 6:11

Gôndé wa n’anyô te mônongovo. Tôndéké ga nzumbi ésatômuku na mabégô mabévani. Ivô tôndé misiki na monyo gôédigaa gôndé Nzambé na monyovo na Jésus-Christ.

Romains 6:19

Me Paul navovo n’anye nakanéga na tsavane éovéga te gôdagéô anye énigôgéô mabégô mema. Gô mbeego nômatsôkéa gôéadeekeda anyene g’ôvéga amayanza mabévani manzooh, na nômadigaa sagô. Tambô n’atsatsee deekedani anyene na gényônga ga avéga akôô aJésus gôéba na môdigédi ômagôgéani.

Romains 6:2

Géndégégé. Tômani éwa gô mane mabévani. ?Tôngoomba éyanza gô mangô nayee?

Romains 6:22

Ivô ndéô nedué nôndé nômoobou gô mabégô mabévani. Na nôndé avéga akôô aJésus gôéyanzéa Nzambé. Tsoongone yanyô te môdigédi ômagôgéani ônyôngéô Nzambé. V’ékôdéôe angô te monyo ôsakôdéakani.

Romains 6:4

Gô ngudi yabateme tômawa n’edi na tômagunyu n’edi gô ngii. Gamakunduga Christ gô ngudi dipôni yondômba okumaka aNzambé gôéba na monyo, na wa n’anyô dôta tôndé na wene monyo gô ngudiye yedi dine.

Romains 7:1

Ana aTétee asi mbumu éaNzambé, nômani éôkô éne énganigôa me anye éva gôébégô anye nôsabômu mabégô mamige mikitsiôni. Ndongi na mitôma na mige mindé n’otômu gôndé môma te vadôngangô.

Romains 7:2

Tôkanéga te n’edué. Môgeto amabaaôni andé gô tsina otômu amômiedi gô yômbaye dimabaanahngô ngu na vangawa mômiedi. Okô mômiedi awéyi, môgetone asabadô g’ôtômue ayômba, andé amatsikôni.

Romains 7:4

Gôndé anye te mônongovo ana aTétee. One amatôma anye va mbeego te mige miaNzambé. Ivô nômawa gô ôtô aChrist va gésumu sowa. Gômawa anye, évambee éanyô na mige miaNzambé ésabadô na ngudi gôénôtôma. Nôka môvo na ône amakundugani gômbé gô évambee éndé anye n’edi nôngayanza mane manyôngéô Nzambé.

II Corinthiens 3:6

Te Amuene Nzambé amatôkoa tôka ayanzi edi eevamba éamanza éawene mônongo évambéda Christ. Evambee éamanza éne ésasipa na mige mimatenduni, ivô ésipa na Gédidi SaNzambé. Mige mimatenduni mibuéda ôwa na gôndé oma. Gédidi SaNzambé géétsa oma monyo.

II Corinthiens 5:17

Okô môma aka monyovo na Christ akou pepe, aka wene mônongo amôma. Metso mane mamabaka n’edi mambeego mamadimbana. Na mane mandéké n’edi te mamanza mamisôba.

Galatie 3:13

Christ amakokou gô gévenga sasô n’anyô. T’ebandô amatôoboo na tôsaba gô tsina amôkokou amige. Matendeo MaNzambé matônigôa mbe: Môkokou ôndé gôndé môma ayôhu gô gésumu sowa.

Galatie 6:15

Ogeetuyee, ôsageetuyee ésaba ébégô. Ene éndé ébégô évôni te gôékoga pepe wene mônongo amôma.

Ephésiens 4:24

Gaatanye mikanda miamanza, aatakani mônongoe atsatsee, ône ôgono na amuene Nzambé. Mônongoe ône ôviga gô Mabégô MaPie na ôenanô gô môdigédi ômatsimamani ônyôngéô Nzambé.

Philippiens 3:3

Gégeetéôge saô kaka géne sapie. Géne sapie te géne sasô n’anyô tôseetsa mitémamie gô ésôgee na gô ésimee éotô. Tôtsôkéa te Jésus‐Christ na tôyanzéa Nzambé gô ngudi yaGédidi sedi.

Colosses 3:10

Nômamana ébongo wene ôtô na wene mônongo. Nôndé oma atsatsee nôgono na môvangine wanyô, Nzambé. Vootéa anye ékoga gandé amuene nôngootéa dôta émômenya.