Romains 7:5 - New Testament in Mitsogo

⁵ Endé te nane. Vamadigaanye gô ésimee éanyô éambeego gôédugéda mane mabévani mamanyima yôtô yanyô, nômayanza te mane mamadékéda Nzambé mbe: Nômbienda. Nôsiôngôé ékina mane mabévani makeda môma na g’ôwa.

Romains 7:5 ပူးပေါင်းရင်းမြစ်များ

Matthieu 15:19

Mangô matubéda matasa mabévani makeda môma gôéyôha môkedi, na mbe akea gésasô, na adigaa sagôsagô, na eesua, na apata, na atsuava akedi.

Jean 3:6

One amabôtu n’otô n’edi te ôtô. Na ône amabôtu na Gédidi SaNzambé te Gédidi.

Romains 1:26

T’ebandô Nzambé amatsika oma gémôanza gô tsôvé yaô yagébé na tsoyi. Gô mabégô mageto na amôgôô, ageto amatsika éne émavanga Nzambé na ayanza anguene ageto n’ageto.

Romains 3:20

Môma, mbe asibévéké migemie mbe misikitsô. Gékeneo samige gésatsimaméda môma va mbene aNzambé.

Romains 4:15

Menyani mbe mige na mitôma miaNzambé mibuéda ôpisa na gôndé oma. Okô gôsaba mige na mitôma gôsaba dôta gékékôéô.

Romains 5:20

Mige miaNzambé mimakitsô gômbe ébévee éamôma éngeenanô mbe émaata évanga. Ivô vayeka ébévee, menyani mbe na ngeba yaNzambé dingootéa éaata évanga.

Romains 6:13

Nômbiadeekeda éeme éayôtô yanyô gôéyanza mabégô mabévani. Kabaga kumu éebéva ayanza na éangô gô mane medi mabévani. Ivô deekedani anyene na gôndé Nzambé, anye nômakunduga g’ôwa gôéba n’edi monyovo. Itsani anyene gôéyanzéa Nzambé gômbe amuene angayanza na éeme éanyô éne ényôngéô angô.

Romains 6:19

Me Paul navovo n’anye nakanéga na tsavane éovéga te gôdagéô anye énigôgéô mabégô mema. Gô mbeego nômatsôkéa gôéadeekeda anyene g’ôvéga amayanza mabévani manzooh, na nômadigaa sagô. Tambô n’atsatsee deekedani anyene na gényônga ga avéga akôô aJésus gôéba na môdigédi ômagôgéani.

Romains 6:21

?Tsoongo ndé gô mabégôme matsoyi mayanzanye-a? Ekôdéô éamangô te ôwa.

Romains 6:23

Môvanô ôétsa ébévee gôndé môma te ôwa. Ivô éne éétsa Nzambé ôbiia gôndé môma te monyo amôbô na môbô gôédigaa na vitoo na Kumu asô n’anyô Jésus-Christ.

Romains 7:23

Buéyé mbe namenya mane manyôngéô Nzambé mamisôba, g’ôtô ami gôndéké yene ébégô éagéndégégé égenya na mane mamenya me. Na éangô ékata me gô ésengo éedi mbe nayanza te mabévani matévo gatômu me na ôtô ami.

I Corinthiens 15:56

Ebéva éamôma te éangô éétsa ôwa miangaga. Mige miaNzambé te miangô miitsa ébéva ngudi gô môtéma amôma.

II Corinthiens 10:3

Na gô pie ôtôe wami te amôma, ivô ébadi égenya me tsagenya ga môma asamenya éne ééndangô.

Galatie 3:10

Avo ahmenya mbe étsimamee éami éenanô me na Nzambé te gô gékeneo samige miaNzambé. Tambô andéké amakôkôuni. Matendeo meevéda mbe: Môkokou gôndé môma na môma asagobeda pitsi yetso na ngaangaa, éetso ématenduni gô miganda miamige miaNzambé.

Galatie 5:24

Ane andé na vitoo na Jésus‐Christ ameeséda anguene gôésiséda mitéma mimabôtu n’ahngô, na tsôvéye yetso dibévani na manyima metso mabévani.

Ephésiens 2:11

Me Paul navovo n’anye nôsibôtu gô éongo éAjuif. Te anye nôtetu n’Ajuif mbe: nôndé te ane asigeetuni, na anguene te ane amageetuni. Avovo nane te gô gémbégéa gékitsô gô yôtô yaô. Bangôani anyene éne émabakanye mbeego.

Ephésiens 2:3

Wa n’anyô muetso tômabaka gandé ane akékôani. Tômadigaa gadigaahngô gôédugéda manyima mabévani mamabôtu na yôtô yasô n’anyô. Tômayanza mane mamatômu we na yôtô yasô n’anyô na édidi éasô n’anyô éasagô. Vamabaka we tôgébaka gamabôtu we, tômabaka gô tsina opisa aNzambé gôésisédu n’edi gandé akasô, ane agébaka wangô.

Colosses 3:5

Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.

Jacques 1:15

Mônongovo gatsua môgeto émé évunda, na abôta te muana. Te mônongovo ga môtéma amôma ôtsua ényima ébévani na ôbôta te ébéva. Ebévee évunda, na ékôdéô éangô te ôwa.

Jacques 4:1

?Migenye na masaganédana va gatse anyô matubéga nayee? Matubéga te manyima mabévani mayungédanye gô mitéma mianyô.

I Jean 3:4

Môma na môma veendangô ébégô ébévani ookua mige miaNzambé. Te nane ébévee te géokuéô samige miaNzambé.