Romains 7:4 - New Testament in Mitsogo

⁴ Gôndé anye te mônongovo ana aTétee. One amatôma anye va mbeego te mige miaNzambé. Ivô nômawa gô ôtô aChrist va gésumu sowa. Gômawa anye, évambee éanyô na mige miaNzambé ésabadô na ngudi gôénôtôma. Nôka môvo na ône amakundugani gômbé gô évambee éndé anye n’edi nôngayanza mane manyôngéô Nzambé.

Romains 7:4 ပူးပေါင်းရင်းမြစ်များ

Matthieu 26:26

Vamaakangô, Jésus amabongo môpemba. N’emana ékuméda Nzambé gô angô amoobukua. Ameetsa aneengi edi. Angô mbe: Bongoni. Aakani. Odôô te ôtôe wami.

Marc 4:20

Avo ahgono na toto éamôsôba. Te ahngô ahmookô Mabégô MaNzambé na ahkenea mangô, makuséda ésima éamisôba gô mitéma miaô. Môvo nzima ditatô. Môvo nzima môtôba. Môvo môkama.

Jean 15:8

Okô anye nôbôti miônda miyekani miangô te ésimee éamisôba, nôngamenyanganô mbe aneengi aJésus. Na Téta Nzambé angakumédu.

Jean 3:29

Muéba te amômiedi, kaka amuene môma. Buéyé nane, wee amômôgôône andé te va kôbangô edi gôéôkô ôgie edi. Na angô atsôkéa gô gényôngage sawee edi. Gényôngage géne te sami. Na géndéké gémadugani.

Jean 6:51

Jésus amapandôéda mbe: Me te môpemba ôviga g’ôba ôétsa môma monyo. One angaa môpembee ône angaba na monyo ôsakôdéakani. Môpembee ôngamôétsa me te ôtôe wami. Nadeekeda oma ôtôe wami te mbe muetso angadiia monyo te gô angô.

Romains 6:11

Gôndé wa n’anyô te mônongovo. Tôndéké ga nzumbi ésatômuku na mabégô mabévani. Ivô tôndé misiki na monyo gôédigaa gôndé Nzambé na monyovo na Jésus-Christ.

Romains 6:14

Mabégô mabévani masatômadô anye gôébégô nôsabadô gô tsina otômu amige miaNzambé, ivô nôndé gô tsina angeba yaNzambé gôétômu na yangô.

Romains 6:2

Géndégégé. Tômani éwa gô mane mabévani. ?Tôngoomba éyanza gô mangô nayee?

Romains 6:22

Ivô ndéô nedué nôndé nômoobou gô mabégô mabévani. Na nôndé avéga akôô aJésus gôéyanzéa Nzambé. Tsoongone yanyô te môdigédi ômagôgéani ônyôngéô Nzambé. V’ékôdéôe angô te monyo ôsakôdéakani.

Romains 7:3

Okô môgetone akea akeabaaô na muene mômôgôô, mômiedi agédôngaka, angeendô mbe môkeyi agésasô. Ivô ôkô mômiedi awéyi amatsikô, asabadô n’edi gô yômba. Na vane buéyé mbe abaaôkô na muene mômôgôô asangeendô mbe môkeyi agésasô.

Romains 7:6

Ivô ndéô nedué, tôsabadô gô tsina otômu amige miaNzambé. Gôébégô tômani éwa na tômatsika éne émakataka we ga tôndé gô tsôgôô. T’ebandô tôyanzéa Nzambé wene mônongo. N’atsatsee tôyanza gô tsina otômu aGédidi sedi. Géé mbeego tômayanza gô tsina otômu amige miedi mimatenduni.

Romains 8:2

Gôébégô ôtômu aGédidi SaNzambé, géne gétôvambéda monyovo na Jésus-Christ, gémayuua me g’ôtômu amabégô mabévani na g’ôtômu owa.

I Corinthiens 10:16

Tasani gô gébunguge gématôétsô na Nzambé na tôduka mate medi gô sangô. Vatônyua gébunguge ége? ?gésatôvambéda évambevo na nzina yaJésus‐Christ‐a? Tasani dôta môpemba ôtôbukuani. ?Vatôaa angô ôsatôvambéda évambevo na ôtô aJésus‐Christ‐a?

II Corinthiens 11:2

Me nakenea anye gakeneo tômbô ématetedu gô yômba, na ésangabongu na muene. Môkeneyi edi ookô mangongo vabonu angô na muene mômôgôô. Te gookô me mangongo gôndé anye. Na mangongome mangô maviga te gôndé Nzambé. Me nakenea anye ngu na vangaviga mômé anyô Jésus‐Christ gôénôbongo.

Galatie 3:13

Christ amakokou gô gévenga sasô n’anyô. T’ebandô amatôoboo na tôsaba gô tsina amôkokou amige. Matendeo MaNzambé matônigôa mbe: Môkokou ôndé gôndé môma ayôhu gô gésumu sowa.

Galatie 5:18

Okô mbe Gédidi SaNzambé gétôma anye tambô kaka mige miaNzambé mitôma anye.

Ephésiens 2:15

Jésus amanôtôa mige miaNzambé na mitôma miedi gôégésanganéda mongome mabaé mane. Amakoa mangô maka yene éongo éamanza éndé n’evamba n’amuene. Eongo éne éka na gétabé.

Philippiens 1:11

Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.

Philippiens 4:17

Kaka mbe nabuta éetsô éôma ôbiia. Ivô nanyôngéô mbe anye nôséngu na Nzambé ôséngu veetsanye gébé na ninga.

Colosses 1:10

Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

Colosses 1:22

Ivô deo noo, gô ôgondoku ômayôhu ôtô aMuanedi Jésus, Nzambé amanikéa énôvambéda na amuene. Ameenda nane gômbe nôngeenanô n’edi ti eembe nôsaba n’oési, na nôndé n’etsimama nômagôgéani.

Colosses 1:6

Tsangô Eamôsôba étsanzabana gô tsengeye yetso yava tsina. Ebuéda oma mabégô medi mamisôba gamabuéda yangô mangô na gôndé anye. Mabégôme mane mamisôba mandéké n’anye bandôa gô nyee ômapanganye éôkô mbe: Nzambé eena môma te ngeba. Na vane nômabandôa émenya na gô pie gakegea ngebaye dine.

Colosses 2:14

Nzambé amabusua matendeo mamôtsundue ômasiisédu wa n’anyô. Tômeetsô môtsundue ône ômatenduni gôsikenee wa n’anyô mige na mitôma miaNzambé. Amabôkéda matendeome mane va gésumu sowa gôébusua mangô.

Colosses 2:20

Gômeetsanye Christ mitéma mianyô mietso nôndé ti nômawa gô matasame na mônongoe atsengene na nôsaba g’ôtômue waô. ?Nôngoomba édigaa gadigaa oma agétômuku na mane matsengene nayee? ?Nôsinga oma anônikéa étsôpa g’ôvéga gôétômu na mige miatsengene nayee?

Hébreux 10:10

Gôébégô Jésus‐Christ amadugéda éne émanyôngéô Nzambé. Wa n’anyô tôgôgédu mabégô metso mabévani g’ôgondokue ômadeekedangô, te ôtô edi amuene kukepo gôndé muetso.

I Pierre 2:24

Angô amatsua ébévee éasô n’anyô g’ôtô edi va gésumu sowa gômbe tôngagono na nzumbi géyanzédô mabévani. Ivô tôngaba na monyo gôéyanza étsimama. Gô ngudi yapôta yedi, anye nômadôngédu.

Gétsutsuéô 19:7

Tôtsôkékéni. Tôenéni gényônga. Tôkumédéni ôndômbedi. Ndéône ébuéyi éne éayômba dingabaa Môpaga Endombo. Môgetone angabaaôni amani ékôkéga.

Gétsutsuéô 21:9

Môvo va gatse asi g’ôba tsambué amasimbéda ébungue tsambué émayôa na panda yevunga tsambué yamôyusumédue, amabambéa me Jean mbe: Vigaka. Nagôtubéda muéba ôbayiô na Môpaga Endombo.