Romains 7:15 - New Testament in Mitsogo

¹⁵ Me tsamenya éne éénda me. Na gô pie nanyôngéô éénda te éne éamôsôba ivô, tsaba na ngudi yeenda éangô. Na éne ébévani ésanyôngéô me éénda ta na pesu, neenda te éangô.

Romains 7:15 ပူးပေါင်းရင်းမြစ်များ

LUC TSANGO EAMOSOBA EMATENDA 11:48

Gô éne nôtubéda ganyôngéô anye gamayôhu ahngô na tétee yanyô. Ene émabaka na tétee yanyô te gôéyôha ahngô. Anye dôta éne éndé n’anye te gôényepeda ngiiye dimagunyu ahngô.

Jean 15:15

Me tsoongôa énôénda mbe ayanzi ami gôébégô môyanzine asamenya éne éndé na kooko edi. Nanôteta mbe wee yami yamôtéma gôébégô namani énômenyeda metso mamatubédu me na Téta Nzambé.

Romains 12:9

Etondo éndé n’anyô ébaké éagébé na buembe. Kékôani ébévee éetso. Nômbiaagana na mane mamisôba.

Romains 14:22

Ene émani éwe évamba na Nzambé gô ébégôe édué, kenea éangô ômuene, anye na Nzambé gô môtémoo. Ti gô gényônga géndé n’one aseesédu vatsundédu angô na môtémedi amuene.

Romains 7:16

Okô me tsanyôngéô éénda éne éénda me, tsabômu mbe nanyôngéô édékédu éangô na môge gôébégô migemie minyepa.

Galatie 5:17

Te nane, môtéma na ésimedi ôndé na tsôvé dipengana na Gédidi SaNzambé. Tsôvé yaGédidi SaNzambé dôta disanyônganéô na môtéma gabôtu môma. Tsôvé yamôtéma na dine yaGédidi SaNzambé dipengana anguene n’anguene te gadagéô anye éénda mane masabômu anye mbe te mamisôba.

II Timothée 2:19

Buéyé veendahngô nane, diboboye dimavumba Nzambé gôésipéda ôbôgee amabégô medi mapie, disipa ti v’ekôdéô éasipaga. Na gô yangô gômakuétu béndaye mbe: Kumu Nzambé asabômu ane andé omedi. Na dôta dimakuétu mbe: One avovo mbe: Me te môma aNzambé aviié mane mabévani metso ngima.

Hébreux 1:9

Onyôngéô éénda te mane mamatsimamani. Okina éénda ébévani. T’ebandô Nzambé, te Nzambé éoo, amagôsevoa. Môtémoo ômayôa na gényônga gô gédigaa soo sokumaka. Akoo asidigédu gô sangô.

Jacques 3:2

We muetso tôénda ôési aminongo minongo. Okô môma asapônga gô mavovia te môma apie. Te angô atôma ôtôé wedi wetso gébé n’oési.

Jude 1:23

Ooboni ahngô ti eembe nôwati ahngô gô soto. Eenani ngeba na gôndé avo te mônongovo. Ngebaye dine digésangana na gomo. Ivô kinani ti v’ekôdéô éakinanga ti na mikandamie miaô mindé na matodi mamane mabévani mayanzahngô gô manyima mamitéma miaô.