Romains 7:14 - New Testament in Mitsogo

¹⁴ Tôsabômu mbe mige miaNzambé misapengana na minyepa. Ebévee éndé na me, môma ava tsina. Namabôtu môvéga amabégô mabévani.

Romains 7:14 ပူးပေါင်းရင်းမြစ်များ

Matthieu 16:23

Ivô Jésus amanikéda miso na amakangéa Pierre mbe: Nôtôga na gôdagôda n’ami Satan. Onyôngéô ébôméda me gôéénda ébégô ébévani. Ewe ôsatasa éne ényôngéô Nzambé. Otasa te éne ényôngéô oma.

Matthieu 18:25

Môyanzine asibaké ta na sôma gévo semôvanéa. Kumu amôtete amavovo na kotene mbe: Bongo môyanzine. Sômbéda angô na môgayedi n’anedi g’ôvéga, na yômee éedi yetso. Vangamanewe ésômbéda angô, ôviga na dodeye. Te yangô dingavanô môtetee wedi.

Matthieu 5:22

Ivô me nanôbeenda mbe muetso angeena môkedi ôpisa angatsundédu n’evovi. Muetso angatoko môkedi angakedu na gô eba ôvôni amisoso. Muetso angakoko môkedi angagunyu gô mungu asoto géseemakani.

Matthieu 5:28

Ivô me nanôbeenda mbe muetso abono môgeto na tsôvé gôékea n’edi gésasô, amani ékea n’edi gésasô gô môtémedi.

LUC TSANGO EAMOSOBA EMATENDA 5:8

Vameena Simon Pierre gômayeka nyamaye, amasiba mabongo medi va mbene aJésus na ameeséda amuene mbe: Ah Kumu, me te môma môbévani, nôtôga vandé me.

LUC TSANGO EAMOSOBA EMATENDA 7:6

Vane Jésus amakea n’ane amamôwanyédani. Vamabangô aka ti gô buéaga gô eba amôtômine, ameena muene môma aviga gôéwanyéda ahngô. Amaviga n’ogie amôtômine eeséda amuene mbe: Ah Kumu, tsanyôngéô égôyungéda na mabégô mami. Me tsaba kuanakue gôébambéa éwe mbe: Oviga na gô ebami.

Romains 3:9

Ovénga. ?Tambô wa n’anyô Ajuif tôôtéa ényepa n’akasô-a? Gôsaba. Me Paul namani énônigôa mbe Ajuif, n’oma muetso tôndé te mônongovo. Na tôndé muetso gô tsina otômu amabégô mabévani.

Romains 6:6

Tônigôgéôni buedi édué. Mônongoe ômabaka n’asô n’anyô va mbeego ômakomedu na Christ kukepo gôéwa n’edi va gésumu sowa. Te gômbe mônongoe wasô n’anyô ôbévani ômadimbana. Na wa n’anyô tôsabadô g’ôvéga amabégô mabévani gôétômu na mangô.

Romains 7:18

Tsabômu mbe gô môtémami gôsaba ta n’ebégô évo éamôsôba te gôndé me môma ava tsina. Endé te nane. Buéyé mbe nookô tsôvé éamane mamisôba, tsoongôa éénda mangô.

Galatie 4:3

Na wa n’anyô tôndé te mônongovo. Vamabaka wa n’anyô tôgébaka ga muanéngé tômabaka te avéga éesôga ébévani éatsengene.

Ephésiens 3:8

Va gatse asi mbumu éaNzambé muetso gô omee abobo, môyusumédue te me. Buéyé mbe nane, Nzambé amasevoa me gôénigôa Tsangô Eamôsôba gôndé ane asaba Ajuif. Tsangône te éokiti agétangégé ôtôdiia gôndé Jésus‐Christ.

Hébreux 4:12

Menyani mbe Mane Mamavovo Nzambé mandé na ngudi na meetsa monyo. Mengôme medi mootéa mane meebaga. Mengéa gôndé môma ngu na gôwanya gédidi na matasa. Meengéa gô mawanyéô na diôngô ngu na gô misoosô. Matsundéda tsôvéye diôkô môma. Matsundéda na matasa magô tsina amôtéma amôma.