Romains 6:4 - New Testament in Mitsogo

⁴ Gô ngudi yabateme tômawa n’edi na tômagunyu n’edi gô ngii. Gamakunduga Christ gô ngudi dipôni yondômba okumaka aNzambé gôéba na monyo, na wa n’anyô dôta tôndé na wene monyo gô ngudiye yedi dine.

Romains 6:4 ပူးပေါင်းရင်းမြစ်များ

Jean 11:40

Jésus amavovo n’edi mbe: Me tsigômanaka égôbeenda mbe ?ôkô ôsitsuma ngudi yami paga ôngeena ôndômba aNzambé ôsutuméa?

Jean 2:11

Géne te gémbégéage samapanga gématubéda Jésus oma ondômbedi. Amayanza ébégôé évôni éne ématsapéô oma na ésiôngôé môma ésupua te gô mbôkane ééndô mbe Cana gô tsenge éaGalilée. Aneengi edi asitsumédô ôtômue wedi paga.

Mayanzame 2:24

Nzambé amamôkundua g’ôwa. Amamôtsôbôa ésengo éowa. Owa ôsibé n’otômu gôédingéda Jésus gô ngii.

Mayanzame 2:32

Nzambé amakundua te Jésus ôdôô. Na wa n’anyô muetso tômôeni na tômôôkiô.

Romains 6:19

Me Paul navovo n’anye nakanéga na tsavane éovéga te gôdagéô anye énigôgéô mabégô mema. Gô mbeego nômatsôkéa gôéadeekeda anyene g’ôvéga amayanza mabévani manzooh, na nômadigaa sagô. Tambô n’atsatsee deekedani anyene na gényônga ga avéga akôô aJésus gôéba na môdigédi ômagôgéani.

Romains 6:3

Vamabatésu wa n’anyô gôéba monyo ôvo na Jésus-Christ gô monyoe wedi ?tambô nôsamenya mbe tômabatésu gôéba môvo n’edi g’ôwedi-a?

Romains 6:8

Okô mbe mônongoe wasô n’anyô ôbévani ômawa na Christ, tambô tôka na wene mônongoe amonyo ôdigaa wa n’anyô n’edi.

Romains 6:9

Tôsabômu mbe vamakunduga Jésus g’ôwa gôéba na monyo asangadôwa. Owee ôsabadô n’otômu gôndé angô.

Romains 7:6

Ivô ndéô nedué, tôsabadô gô tsina otômu amige miaNzambé. Gôébégô tômani éwa na tômatsika éne émakataka we ga tôndé gô tsôgôô. T’ebandô tôyanzéa Nzambé wene mônongo. N’atsatsee tôyanza gô tsina otômu aGédidi sedi. Géé mbeego tômayanza gô tsina otômu amige miedi mimatenduni.

Romains 8:11

Nzambé amakunda Jésus g’ôwa. Okô Gédidi sedi géne gémakundua Christ g’ôwa gôéba na monyo gédigaa gô mitéma mianyô, sangô dôta génganôétsa monyo gô yôtôye yanyô disaba na ngudi.

I Corinthiens 6:14

Nzambé amakundua Kumu Jésus g’ôwa. Gô ngudi yedi angatôkundua g’ôwa te mônongovo.

II Corinthiens 13:4

Na gô pie amakoga vipôpéa gôékomedu va gésumu sowa. Ivô deo noo andé na monyo gô ngudi yaNzambé. Gô évambevo éndé wa n’anyô na Christ, na wa n’anyô dôta te tôpôpéa. Ivô deo tôndé na monyo ovo n’edi gô ngudi yaNzambé. Te gô ngudiye yedi we eekédi tôtôma anye.

II Corinthiens 5:17

Okô môma aka monyovo na Christ akou pepe, aka wene mônongo amôma. Metso mane mamabaka n’edi mambeego mamadimbana. Na mane mandéké n’edi te mamanza mamisôba.

Ephésiens 4:17

Oôkôni éne énôbeenda me gô ina aKumu Jésus. Me mbe nômbiadigaadô ga oma asamenya Nzambé. Mane manyôngéô omeaa masaba na tsoongo.

Ephésiens 5:8

Va mbeego nômabaka gô évitsi. Ivô ndéô nedué nômani étsiga gô gévede gômagésangananye na Kumu Jésus. Tambô digaakani gôémenyanganô mbe nôndé oma andé gô gévede saNzambé.

Colosses 3:10

Nômamana ébongo wene ôtô na wene mônongo. Nôndé oma atsatsee nôgono na môvangine wanyô, Nzambé. Vootéa anye ékoga gandé amuene nôngootéa dôta émômenya.

Colosses 4:1

Anye kookoye, tômani avéga ayanzéa anye na ngeba gépenganédé ébégô. Nômbiabômu mbe n’anye muetso nôndé na môtômi môvôni andé g’ôba.

I Pierre 3:21

Mebame mane mamabaka gémébégéa sabateme éne éagéobogeo sasô n’anyô deo noo. Bateme, kaka gégôgédéô sevindo éotô. Ivô bateme te môma adeekeda muanga amôtémedi na gôndé Nzambé mbe amôgôgéda. Deo noo batemene yangô éoboo wa n’anyô gô ngudi yagékundugéô saJésus‐Christ.

I Jean 2:6

One avovo mbe: Me te môvo na Nzambé, adigéké gamabaka Jésus.