Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Romains 6:3 - New Testament in Mitsogo

3 Vamabatésu wa n’anyô gôéba monyo ôvo na Jésus-Christ gô monyoe wedi ?tambô nôsamenya mbe tômabatésu gôéba môvo n’edi g’ôwedi-a?

အခန်းကိုကြည့်ပါ။ ကော်ပီ




Romains 6:3
24 ပူးပေါင်းရင်းမြစ်များ  

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.


Vamookô asi Ephèse nane, amanyôngéô ébatésu gô ina aKumu Jésus. Na amabatésu.


Pierre amanigôa ahngô mbe: Koani mitéma mianyô gôéba wene mônongo oma. Buedi mbe môma na môma abatésu gô ina aJésus-Christ, gômbe ébévee éanyô ésingéô na Nzambé kokoo. Vane Nzambé anganôétsa Gédidi sedi, ôbiia.


Gôébégô gôndé ahngô gôsibaké ta na môvo amayuésédu môtémedi na Gédidi SaNzambé. Amabaka te amabatésu batememe éaina aKumu Jésus étévo.


?Tambô anye nôsamenya mbe nôndé na ngudi yesevoa kumune ényôngéô anye, ône angayanzéa anye-a? Okô nôsevoa mabégô mabévani gôégobeda mangô, manganôétsa ôwa. Okô nôsevoa ôgi aNzambé gôégobeda angô, ônganôtsimaméda gôéba gébé n’oési va mbene aNzambé. Nôngaba avéga akumune éngagobedanye.


Okô mbe mônongoe wasô n’anyô ôbévani ômawa na Christ, tambô tôka na wene mônongoe amonyo ôdigaa wa n’anyô n’edi.


Ana aTétee asi mbumu éaNzambé, nômani éôkô éne énganigôa me anye éva gôébégô anye nôsabômu mabégô mamige mikitsiôni. Ndongi na mitôma na mige mindé n’otômu gôndé môma te vadôngangô.


G’ôbôngé na gô mubu ahmeenaméa muetso ga batemene émeetsô ahngô kukepo na Moïse môtômine waô.


Na wa n’anyô muetso tôbéyee Ajuif, tôsabéyee Ajuif, tôbéyee avéga tôsabéyee avéga, tômeetsô bateme gôékanda g’ôtô ôvo gô ngudi yaGédidi gévo, te géne SaNzambé. Na wa n’anyô muetso tôdônga gô ngudi yaGédidige géne.


Anye nôdigaa gô paga yagékundugéô. Tasani gô gésima géndéké n’avo gôédiia bateme gôényepeda ane amawani. Okô mbe ane amawani asangakunduga ?bateme nene tsoongo ndé? ?Gôébégô ndé abuta édiia bateme gôényepeda ane asangadôkundugani?


Anye nôsabômu mbe anye te eba aNzambé. Gédidi sedi gédigaa gô mitéma mianyô.


?Anye nônyemôga nayee? Nôsabômu tsavane égunyu mbe, vipesu viamibie vialevure vigésu gô môpemba viaahndéda mipemba miyekani.


?Anye madeo nôsiôkô mbe yôtô yasô n’anyô te yeba yaGédidi SaNzambé‐a? Sangô te géne gémeetsô wa n’anyô na Nzambé gédigaa gô mitéma miasô n’anyô. Yôtôye yasô n’anyô kaka yawa n’anyôene.


Nômbiabômu. Abévie asangeengéa g’ôkumu aNzambé. Menyani mbe abévie te angua, asi matasame meengéa gô gésasô na makusa te gô gésasô, na agobedi ambumba yegoni, n’akeyi agésasô n’ane ayanza gésasô amôgôô anguene n’anguene, ageto anguene n’anguene.


Anye nôsabômu mbe ayanzie eba aNzambé adiia môyakôe waô te gône. Na adeekedi adigondoku adiia gô digondokuye dine ôkabôe waô.


Anye nôsabômu mbe ane akea matséé akea muetso pita ivô kaka muetso angadiiani. Gôdiia te môvo. Tambô wa n’anyô tôyavôgéni évevea pita buta mbe tôbuéa.


Vasani gô mitémamie na kanégani anyene ôkô mbe nôndé kuanakue gô mane manyôngéô Nzambé gô nzéane éedi émeetsanye mitémamie. ?Anye nôôkô mbe Jésus andéké gô mitéma mianyô‐a? ?Na ngudi yedi dindé wangô‐a? Vakanéga anye mitémamie mianyô? ?nôéna mbe nôndé na gô pie oma aChrist‐a?


Anye muetso nômeetsô bateme gôéba na vitoo na Jésus‐Christ nômakou wene mônongo. Na nômadeka mônongoe ôndé na amuene Jésus‐Christ, ôndéké amôsôba.


Anye nôvamba mavamba mabaé. ?Nôsamenya mbe ône andé n’evamba n’esima éatsengene asaba n’evamba na Nzambé? One andé na vitoo n’esima éatsange nedué akoga te môdudeo aNzambé.


Mebame mane mamabaka gémébégéa sabateme éne éagéobogeo sasô n’anyô deo noo. Bateme, kaka gégôgédéô sevindo éotô. Ivô bateme te môma adeekeda muanga amôtémedi na gôndé Nzambé mbe amôgôgéda. Deo noo batemene yangô éoboo wa n’anyô gô ngudi yagékundugéô saJésus‐Christ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ