Romains 6:23 - New Testament in Mitsogo

²³ Môvanô ôétsa ébévee gôndé môma te ôwa. Ivô éne éétsa Nzambé ôbiia gôndé môma te monyo amôbô na môbô gôédigaa na vitoo na Kumu asô n’anyô Jésus-Christ.

Romains 6:23 ပူးပေါင်းရင်းမြစ်များ

Matthieu 25:46

Asi géeyo gégeto angakedu na gô soto géseemakani. Géé asi géeyo gémôgôô angeengéa na gô monyo ôsakôdéakani.

Jean 10:28

Me neetsa mangô monyo amôbô na môbô na masangawa. Gôsaba môma oongôa émawata gô mogo mami.

Jean 17:2

Omani éétsa me ényanga gôétôma oma muetso, gômbe neetsa monyoe amôbô na môbô gôbdé ane amamana éwe ésevoa gôéétsa me.

Jean 3:36

One eetsa môtémedi wetso na gôndé Jésus, Muana ANzambé, andé na monyo amôbô na môbô. One aseetsa môtémedi wetso na gôndé Jésus asaba na monyoe ône ta na pesu na Nzambé amôena ôpisa.

Jean 4:14

One anganyua meba mangamôétsa me, asangoombadô éôkô sôé. Na mebame mangamôétsa me mangakoga gôndé angô gétôka gébunduga wene monyo, ône amôbô na môbô.

Jean 4:36

One ayanza gôékôkéga na gôéengéda éne émagaabôkôni adiia môvanô. Agono na ône andé gôéweseda oma na gô monyo amôbô na môbô. Vane môgabine, na môkôkégine angatsôkéa muetso abaé gényônga gévo.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

Jean 6:27

Tsikani éyanza gô môyakô ôbooni. Yanzani gô môyakôe ôdingani na ôétsa monyo ôsakôdéakani. Téta Nzambé ameemba me Muana Amôma ndémbô éenyangee éedi, t’ebandô nandé na ngudi yenôétsa môyakôe ône.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Jean 6:68

Simon Pierre amamôaabéa na nyivô mbe: ?Kumu, we tôngakea na gôndé ndaa? Ewe ôndé na mabégôme meetsa monyo amôbô na môbô.

Romains 1:32

Asabômu mbe gôndé môtsundu owa va mbene aNzambé gô mabégô mayanzahngô mabévani. Buéyé nane, oomba te éénda mayanzame maô masagô. Na va ngongone vane atsôkéa vadiiangô môma gôéyanza mane mabévani meendahngô anguene.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

Romains 5:12

Ebéva éndé n’oma gô tsina, ébandôe te môma môvo, Adam. Na ébévee émakôva ôwa. Na ôwa ôtsôpa oma muetso gôébégô muetso eenda mabégô mabévani.

Romains 5:17

Ekegea te mbe ébéva éamôma môvo, Adam ématsigéda ôwa gôétôma oma muetso. Ivô te môvo, Jésus-Christ amatsigéda monyo mbe ôtôma we. Okô tôsingi éetsô n’edi ngeba n’etsimama éaNzambé te monyoe ôtôtômani.

Romains 5:21

Va mbeego ébéva émabaka n’otômu gôétôétsa ôwa. Ivô ndéô yedi ngeba yaNzambé dindé n’otômu gô étsimama éedi gôétôétsa monyo amôbô na môbô. Monyoe ône ôndéké gôndé Kumu asô n’anyô Jésus-Christ.

Romains 6:16

?Tambô anye nôsamenya mbe nôndé na ngudi yesevoa kumune ényôngéô anye, ône angayanzéa anye-a? Okô nôsevoa mabégô mabévani gôégobeda mangô, manganôétsa ôwa. Okô nôsevoa ôgi aNzambé gôégobeda angô, ônganôtsimaméda gôéba gébé n’oési va mbene aNzambé. Nôngaba avéga akumune éngagobedanye.

Romains 6:21

?Tsoongo ndé gô mabégôme matsoyi mayanzanye-a? Ekôdéô éamangô te ôwa.

Romains 8:13

Okô tôgobeda yôtôye yasô n’anyô na manyimama maô tôngawa. Okô wa n’anyô gô ngudi yaGédidi SaNzambé tôpangi ékina manyimame mane mamabôtu na wa n’anyô, tôngaba na monyo.

Romains 8:38

Me Paul tsatsuma étondoe éedi paga. Gôsaba ta n’ebégô évo éngaaganédana me na éangô, buéyé mbe ôwa, buéyé mbe monyo, buéyé n’asi g’ôba avigédu na Nzambé, vo dipo ditômu na dipo ngudi yagésa na gésa, buéyé mabégô madeo noo, na mane mavigani.

Romains 8:39

Kaka ngudiye yag’ôba, kaka ngudi yava tsina, kaka éôma émakanôni na émavangôni. Gôsaba sôma géngoongôa éaaganédana wa n’anyô n’etondo éaNzambé. Etondoe éne émeenanô gô mane mamayanza Kumu éasô n’anyô Jésus-Christ.

Romains 8:6

Mikebanganô miamane manyima ôtô mikeda môma na g’ôwa. Ivô gékéneo samane manyôngéô Gedidi SaNzambé gétôétsa monyo na gétabé.

Galatie 3:10

Avo ahmenya mbe étsimamee éami éenanô me na Nzambé te gô gékeneo samige miaNzambé. Tambô andéké amakôkôuni. Matendeo meevéda mbe: Môkokou gôndé môma na môma asagobeda pitsi yetso na ngaangaa, éetso ématenduni gô miganda miamige miaNzambé.

Tite 1:2

Nzambé anyôngéô mbe abé na tsoongo gô monyo ôsakôdéakani. Angô te Nzambé asapatani na amavangéa wa n’anyô monyoe ône, tsinane madeo ésikanô.

Jacques 1:15

Mônongovo gatsua môgeto émé évunda, na abôta te muana. Te mônongovo ga môtéma amôma ôtsua ényima ébévani na ôbôta te ébéva. Ebévee évunda, na ékôdéô éangô te ôwa.

I Jean 2:25

Nôeni éne émavanga Christ gôétôétsa te monyo amôbô na môbô.

Gétsutsuéô 21:8

Géé gôndé asi mitéma mideedani, n’ane asa sipani, n’oma asagô na ayôhani, n’asi matasame meengéa gô gésasô na makusa gô gésasô, na eendi amaganga, na aneegedi ambumba yegoni, na asi diboe, gétunguge saô te gô mungu asoto géyôa na mbônga ébévani, sangô te ôwa amôbaé.