Romains 6:13 - New Testament in Mitsogo

¹³ Nômbiadeekeda éeme éayôtô yanyô gôéyanza mabégô mabévani. Kabaga kumu éebéva ayanza na éangô gô mane medi mabévani. Ivô deekedani anyene na gôndé Nzambé, anye nômakunduga g’ôwa gôéba n’edi monyovo. Itsani anyene gôéyanzéa Nzambé gômbe amuene angayanza na éeme éanyô éne ényôngéô angô.

Romains 6:13 ပူးပေါင်းရင်းမြစ်များ

Romains 12:1

Ana aTétee nanôduka mbe: Itsani anyene na gôndé Nzambé. Mbe yôtô yanyô dibaké ga digondoku didôngani dideekedu na gôndé Nzambé asakina yangô. Gô éne émayanzéa Nzambé wa n’anyô gô ngeba yedi, tônikédé éneegeda angô na yôtôye yasô n’anyô.

Romains 6:16

?Tambô anye nôsamenya mbe nôndé na ngudi yesevoa kumune ényôngéô anye, ône angayanzéa anye-a? Okô nôsevoa mabégô mabévani gôégobeda mangô, manganôétsa ôwa. Okô nôsevoa ôgi aNzambé gôégobeda angô, ônganôtsimaméda gôéba gébé n’oési va mbene aNzambé. Nôngaba avéga akumune éngagobedanye.

I Pierre 2:24

Angô amatsua ébévee éasô n’anyô g’ôtô edi va gésumu sowa gômbe tôngagono na nzumbi géyanzédô mabévani. Ivô tôngaba na monyo gôéyanza étsimama. Gô ngudi yapôta yedi, anye nômadôngédu.

Colosses 3:5

Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba.

Romains 7:5

Endé te nane. Vamadigaanye gô ésimee éanyô éambeego gôédugéda mane mabévani mamanyima yôtô yanyô, nômayanza te mane mamadékéda Nzambé mbe: Nômbienda. Nôsiôngôé ékina mane mabévani makeda môma na g’ôwa.

I Pierre 4:2

Bandôa deo noo môma nône asadigaa gô manyima mamôtéma ômabôtu na ôtô amôma. Ivô gô ndéône égébakangô va tsina adigaa ganyôngéô Nzambé.

Colosses 2:13

Va mbeego gôsikiné anye manyima mabévani mayôtôye yanyô na nôsimenye évamba na Nzambé mitéma mianyô mimabaka g’oma amawani. Géé deo noo, Nzambé amatôsingéa kokoo gô mabégô masô n’anyô mabévani metso. Na amakundua anye gôéba monyovo na Christ.

I Corinthiens 6:20

Nzambé amavana wa n’anyô n’osunu ôvôni. Tambô tôyanzédékéni yôtô yasô n’anyô gôékuméda Nzambé.

I Jean 1:9

Okô tôtuba va mbene aNzambé mbe: Me te môma môbévani, na tôétséni angô mitémamie gôébégô tôsabômu mbe Nzambé te Kumu amavôma na gôndé wa n’anyô asapata, atôsingéa kokoo gô ébévee éasô n’anyô na atôgôgéda éangô.

I Corinthiens 6:15

Nôsabômu mbe yôtô yasô n’anyô te éemé éotô aJésus‐Christ. Ti gôndé wa n’anyô gôégésa géémé saotô aChrist na géne saotô agétôa sagésasô, géndégégé.

Ephésiens 2:5

Vamabaka édidi éasô n’anyô égébaka gô évitsi éowa gôébégô éamabégô masô n’anyô mabévani, Nzambé gô étondo éedi amakundua we gôéba deo noo monyovo na Christ. Tômoobou te gô ngeba ditôenanô na Nzambé.

Philippiens 1:20

Ekegea te nane. Tsoongone éami te Christ, ône eenéa me mbe angaviga. Namôenéa na môtéma agébé na gomo na gébé na tsoyi. Nandé deo noo gamabaka me na mbeego na môtéma ômasumani gébé na buétsé, ônyôngéô mbe ôkumaka aChrist ôenanô gô ôtôe wami, nawéyiee, tsawéyiee.

I Corinthiens 6:9

Nômbiabômu. Abévie asangeengéa g’ôkumu aNzambé. Menyani mbe abévie te angua, asi matasame meengéa gô gésasô na makusa te gô gésasô, na agobedi ambumba yegoni, n’akeyi agésasô n’ane ayanza gésasô amôgôô anguene n’anguene, ageto anguene n’anguene.

Romains 6:19

Me Paul navovo n’anye nakanéga na tsavane éovéga te gôdagéô anye énigôgéô mabégô mema. Gô mbeego nômatsôkéa gôéadeekeda anyene g’ôvéga amayanza mabévani manzooh, na nômadigaa sagô. Tambô n’atsatsee deekedani anyene na gényônga ga avéga akôô aJésus gôéba na môdigédi ômagôgéani.

II Corinthiens 10:4

Ekeeyi égenya n’ami kaka éne éamôma atsengene. Ivô te ékeeyi émeetsô wa n’anyô na Nzambé éndé na ngudi buéyé gôébunza mayanza mayabédé. Tôndé gôébunzéda nzéa yadiboe divaka oma gôékanéga éwesea na gôndé Nzambé.

Romains 6:11

Gôndé wa n’anyô te mônongovo. Tôndéké ga nzumbi ésatômuku na mabégô mabévani. Ivô tôndé misiki na monyo gôédigaa gôndé Nzambé na monyovo na Jésus-Christ.

Ephésiens 5:14

Ene étsutsuu gô évitsi na gô gévede, ékoga éka éagévede. T’ebandô tôôkô mbe’ Timôgaka éwe ôebogani Kunduga va gatse ane amawani Amuene Christ angagôtanédéa gévede sedi.

II Corinthiens 8:5

Na me, namaasingéa. Me tsimenya mbe éngaba nane. Ivô kaka g’ôkiti ôtévo. Ahmapanga éahdeekeda anguene na gôndé Kumu Jésus. Vane amadeekeda anguene dôta na gôndé we eekédi. Nzambé eena buedi gô mônongoe waô.

II Corinthiens 5:15

Amawa gôndé muetso gômbe ane adôngani asangadigaadô gô monyoe ônyôngéô anguene. Ivô ahngadigaa gô monyo te gôndé ône amawa na amakunduga gôndé ahngô muetso.

Romains 7:23

Buéyé mbe namenya mane manyôngéô Nzambé mamisôba, g’ôtô ami gôndéké yene ébégô éagéndégégé égenya na mane mamenya me. Na éangô ékata me gô ésengo éedi mbe nayanza te mabévani matévo gatômu me na ôtô ami.

LUC TSANGO EAMOSOBA EMATENDA 15:32

Ivô deo noo tôtsôkékéni na tôaakéni môambôe gôvigi môdimine woo ône. Môdimine woo ône abaki mônongovo ga môma amawani na aniki gôéba na monyo. Amadimbanaka na atsutsugi.

Jacques 4:1

?Migenye na masaganédana va gatse anyô matubéga nayee? Matubéga te manyima mabévani mayungédanye gô mitéma mianyô.

Romains 1:29

Mitéma mioma mimayôa na mabégô metso masanyepani, na ébéva na ngusu na ôbagaa. Anyima mane maakaô, na eenda mikôbé, na masanganéda. Abôméda akaô na apatéa na atokono.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

LUC TSANGO EAMOSOBA EMATENDA 15:24

?Nôsamenya mbe muanami ôdôô abaki mônongovo ga môma amawani na aniki gôéba na monyo-a? Amadimbanaka na atsutsugi. Na amaba na môambô ôvôni agényônga.

II Thessaloniciens 2:12

Vane muetso ane asiitsé mitéma miaô gô mane mapie, ivô ameena gényônga gôétsôkéa mane mabévani, angakea gôébungana.

II Corinthiens 5:14

Gôébégô étondoe éndé na Christ, te éangô étôma wa n’anyô. Wa n’anyô te ane asaba na paga mbe môvo amawa te gôndé muetso. Evéndégéô mbe wa n’anyô muetso tôwéyi ôwoovo n’edi.

II Timothée 2:15

Ewe Timothée, gényôga gôéétsô na Nzambé ôséngu ôétsô môyanzani asaba na tsoyi gô éyanzee éedi gôébégô eekéda ti kuanakue Mane Mamavovo Nzambé mandé n’edi.