Romains 6:12 - New Testament in Mitsogo

¹² Nômbiasinga mbe mabégô mabévani matôma yôtô yanyô. Nômbiagobeda tsôvéyé dibévani ditômu anye na yôtô yanyô.

Romains 6:12 ပူးပေါင်းရင်းမြစ်များ

Romains 13:14

Bandôa gô matambé na gô môtsé tôaatékéni monyo aKumu asô n’anyô Jésus-Christ gatôaata maduani. Nômbiasingana na manyima mabévani mayôtô yasô n’anyô gôédugéda mangô.

Romains 2:8

Ane akina Nzambé na akékôa mabégô medi mapie na asuméa keaga gô mane mabévani, Nzambé angatubéda ahngô ôbagee wedi na ôpisedi na ôvembee wedi.

Romains 5:21

Va mbeego ébéva émabaka n’otômu gôétôétsa ôwa. Ivô ndéô yedi ngeba yaNzambé dindé n’otômu gô étsimama éedi gôétôétsa monyo amôbô na môbô. Monyoe ône ôndéké gôndé Kumu asô n’anyô Jésus-Christ.

Romains 6:14

Mabégô mabévani masatômadô anye gôébégô nôsabadô gô tsina otômu amige miaNzambé, ivô nôndé gô tsina angeba yaNzambé gôétômu na yangô.

Romains 6:16

?Tambô anye nôsamenya mbe nôndé na ngudi yesevoa kumune ényôngéô anye, ône angayanzéa anye-a? Okô nôsevoa mabégô mabévani gôégobeda mangô, manganôétsa ôwa. Okô nôsevoa ôgi aNzambé gôégobeda angô, ônganôtsimaméda gôéba gébé n’oési va mbene aNzambé. Nôngaba avéga akumune éngagobedanye.

Romains 8:11

Nzambé amakunda Jésus g’ôwa. Okô Gédidi sedi géne gémakundua Christ g’ôwa gôéba na monyo gédigaa gô mitéma mianyô, sangô dôta génganôétsa monyo gô yôtôye yanyô disaba na ngudi.

Romains 8:13

Okô tôgobeda yôtôye yasô n’anyô na manyimama maô tôngawa. Okô wa n’anyô gô ngudi yaGédidi SaNzambé tôpangi ékina manyimame mane mamabôtu na wa n’anyô, tôngaba na monyo.

II Corinthiens 4:11

Pitsi yetso tôvétsu n’owa gôébégô éaJésus gômbe ngudi yamonyoe wedi dienanô gô yôtô yasô didôngani yava tsina.

II Corinthiens 5:4

Pitsi yasô yetso yava tsina tôbisa na panda gô gatse ayeba yasô n’anyô yebandé gôébégô yangô te magumba. Kaka mbe tôkina yôtô yedi yamagumba, ivô tôbénga te dine diôtéa ényepani yag’ôba. Buedi mbe yebaye yamonyo ôsakôdéakani didimbanéda dine yebandé yowa.

Galatie 5:16

Neendidô mbe digaani gatômu anye na Gédidi SaNzambé gômbe nôsangagobeda manyima mabévani mamôtéma gamabôtu angô.

Galatie 5:24

Ane andé na vitoo na Jésus‐Christ ameeséda anguene gôésiséda mitéma mimabôtu n’ahngô, na tsôvéye yetso dibévani na manyima metso mabévani.

Ephésiens 2:3

Wa n’anyô muetso tômabaka gandé ane akékôani. Tômadigaa gadigaahngô gôédugéda manyima mabévani mamabôtu na yôtô yasô n’anyô. Tômayanza mane mamatômu we na yôtô yasô n’anyô na édidi éasô n’anyô éasagô. Vamabaka we tôgébaka gamabôtu we, tômabaka gô tsina opisa aNzambé gôésisédu n’edi gandé akasô, ane agébaka wangô.

Ephésiens 4:22

T’ébandô gasasanye mikanda mievindô, sasani dôta mônongo wanyô ambeego ômabôtu n’anye na ômatôma anye gô metso mamayanzanye mbeego. Mônongoe ône ônde na manyima mabôméda môma gôémôkeeda gôébungana.

1 Thessaloniciens 4:5

Abaké gésingé ôtô edi ôtômu na manyima mabévani gatômu ane asavamba na Nzambé.

II Timothée 2:22

Tôngonéa pita pita na mane meenda akoo gô tsôvé yonzambu, mbe ôbusuga mangô. Wesea gôédigaa gétsumé Nzambé paga. Odigaa gô étsimama na gô étondo éapie na gétabé. Ovamba n’ane andé na mitéma mimagôgéani gôéneegeda Kumu Nzambé.

Tite 2:12

Ngebaye yedi dine ditubéda we ganyôngéô Nzambé mbe tôviié ngima môdigédi asagô na tsôvé yetso yava tsina. Na ganyôngéô angô mbe tôdigéé na mavôma gô tsengene na ésima éamisôba ésapengana n’ene ényôngéô amuene.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.

I Pierre 1:14

Mônongovo g’ana ookéô ôgi apayi, anye ookéôni Nzambé. Nômbioomba éaanda tsôvé yanyô yava mbeego vamabakanye g’ôdungé.

I Pierre 2:11

Anami amôtéma, me noongô anye nôndé g’ôgenda gô tsengene. Kinani tsôvé yetso dibévani digenya na mitéma mianyô.

Jude 1:16

Amôgôôe ane agiangana kuka yetso na asanyôngéô buéyé n’ene éamôsôba. Adigaa te gô manyima maô mabévani. Ahnyemôga anguene. Andé n’enyepa éamiônya gôévooto oma buta mbe anguene ahdiia sôma.

Jude 1:18

Ameevéda anye mbe: Gô pitsiye yamôyusumédu oma anganôdeta na angadigaa gô manyima mabévani mamitéma miaô mikékôa Nzambé.