Romains 6:11 - New Testament in Mitsogo

¹¹ Gôndé wa n’anyô te mônongovo. Tôndéké ga nzumbi ésatômuku na mabégô mabévani. Ivô tôndé misiki na monyo gôédigaa gôndé Nzambé na monyovo na Jésus-Christ.

Romains 6:11 ပူးပေါင်းရင်းမြစ်များ

Jean 20:31

Ivô mane mamatenduni éma, mamatendu gômbe anye nôngamenya na gô pie, mbe Jésus te Christ Muana ANzambé. Na veetsanye Jésus mitéma mianyô mietso, nôndé na monyo apie.

Romains 16:27

Tôkumédéni Nzambé, Kumu éodo na ôndômbee wetso, gô ina aJésus-Christ, môbô na môbô, amen.

Romains 5:1

Endé te nane. Wa n’anyô tômeetsa Jésus mitéma miasô n’anyô gémôtsumé paga, tôenanô na Nzambé ti eembe tôsaba n’oési. Na tôdigaa n’edi na gétabé gô ngudi yaKumu Jésus-Christ.

Romains 6:10

Christ amawa kukepo gôémana ôtômu ômabaka na ôwa. Gô monyoe ôndéké n’edi n’atsatsee andé te môvo na Nzambé.

Romains 6:13

Nômbiadeekeda éeme éayôtô yanyô gôéyanza mabégô mabévani. Kabaga kumu éebéva ayanza na éangô gô mane medi mabévani. Ivô deekedani anyene na gôndé Nzambé, anye nômakunduga g’ôwa gôéba n’edi monyovo. Itsani anyene gôéyanzéa Nzambé gômbe amuene angayanza na éeme éanyô éne ényôngéô angô.

Romains 6:2

Géndégégé. Tômani éwa gô mane mabévani. ?Tôngoomba éyanza gô mangô nayee?

Romains 6:23

Môvanô ôétsa ébévee gôndé môma te ôwa. Ivô éne éétsa Nzambé ôbiia gôndé môma te monyo amôbô na môbô gôédigaa na vitoo na Kumu asô n’anyô Jésus-Christ.

Romains 7:4

Gôndé anye te mônongovo ana aTétee. One amatôma anye va mbeego te mige miaNzambé. Ivô nômawa gô ôtô aChrist va gésumu sowa. Gômawa anye, évambee éanyô na mige miaNzambé ésabadô na ngudi gôénôtôma. Nôka môvo na ône amakundugani gômbé gô évambee éndé anye n’edi nôngayanza mane manyôngéô Nzambé.

Romains 7:6

Ivô ndéô nedué, tôsabadô gô tsina otômu amige miaNzambé. Gôébégô tômani éwa na tômatsika éne émakataka we ga tôndé gô tsôgôô. T’ebandô tôyanzéa Nzambé wene mônongo. N’atsatsee tôyanza gô tsina otômu aGédidi sedi. Géé mbeego tômayanza gô tsina otômu amige miedi mimatenduni.

Romains 8:18

Me Paul namenya mbe, na maguga meena wa n’anyô va tsina, na ôndômba ôngaba n’asô g’ôba, ôndômba ôsaba makanégéô na maguga. Ondômbee ôvôô.

I Corinthiens 6:20

Nzambé amavana wa n’anyô n’osunu ôvôni. Tambô tôyanzédékéni yôtô yasô n’anyô gôékuméda Nzambé.

Ephésiens 2:7

Gô metso mane Nzambé atubéda môbô na môbô gandéké angô na ngeba, n’etondo gôndé môma gô éne émayanzéa angô wa n’anyô gô ngudi yaJésus‐Christ.

Philippiens 1:11

Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.

Philippiens 4:7

Vane gétabé saNzambé, géne géôtéa pepe gétabé gémenya môma, génganôsuméda mitémamie na génganôsipéda édidie gôndé Jésus‐Christ.

Colosses 2:20

Gômeetsanye Christ mitéma mianyô mietso nôndé ti nômawa gô matasame na mônongoe atsengene na nôsaba g’ôtômue waô. ?Nôngoomba édigaa gadigaa oma agétômuku na mane matsengene nayee? ?Nôsinga oma anônikéa étsôpa g’ôvéga gôétômu na mige miatsengene nayee?

Colosses 3:17

Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.

I Pierre 2:24

Angô amatsua ébévee éasô n’anyô g’ôtô edi va gésumu sowa gômbe tôngagono na nzumbi géyanzédô mabévani. Ivô tôngaba na monyo gôéyanza étsimama. Gô ngudi yapôta yedi, anye nômadôngédu.

I Pierre 2:5

N’anye dôta nôndé mataé mamonyo. Weseani gôégésu n’edi gôésaô na Nzambé eba aGédidi. Te eba ômapuumani nôndé adeekedi adigondoku, asungéyi amatsimamani oma. Digondokuye dideekeda anye dindé na géneemba gôndé Nzambé gô ina aJésus‐Christ.

I Pierre 4:11

One asabômu évovoni, anigôé akedi meekédu maNzambé. One asabômu éyanza na mogo medi ayanzé akedi gô ngudi yaNzambé. Gômbe gô mabégô metso kumane éngabata na gôndé Nzambé gô ina aJésus‐Christ. Ondômba na ôkumaka na ngudi dindé gôndé Jésus‐Christ gô môbô na môbô. Amen.