Romains 5:8 - New Testament in Mitsogo

⁸ Ivô Jésus-Christ amasinga éwa gôndé wa n’anyô tômabaka tôgébaka abévie. Tôéna étondo éena Nzambé gôndé wa n’anyô oma te gô éne.

Romains 5:8 ပူးပေါင်းရင်းမြစ်များ

Jean 15:13

Enyônganéô éôtéa metso, te mbe môma eetsee monyoe wedi gôéwa gôndé môkedi.

Jean 3:16

Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Romains 3:5

Me Paul nangavovo gavovo avo oma. Ahngô mbe: Mbeka mbe we oma tôyanza mane mabévani, étsimama éaNzambé mbe ésangamenyanganô. ?Tambô Nzambé asiséda we gôndé? Nzambé asaba na mitayi vasasa ôpisee wedi. Te gavovo avo.

Romains 4:25

Nzambé ameetsa Jésus gôéwa gô mabégô masô n’anyô mabévani. Amamôkundua gôétôtsimaméda va mbene aNzambé ti eembe tôsaba n’oési.

Romains 5:20

Mige miaNzambé mimakitsô gômbe ébévee éamôma éngeenanô mbe émaata évanga. Ivô vayeka ébévee, menyani mbe na ngeba yaNzambé dingootéa éaata évanga.

Romains 5:6

Ekegea te nane. Vamabaka wa n’anyô tôgébaka gébé na ngudi. Christ amaviga gô ndéône émasavoa Nzambé. Gô ndéône éopôpéa asô n’anyô amawa gôndé wa n’anyô abévie muetso.

Romains 5:7

Ti gôéwa gôndé môma buéyé mbe andé amatsimamani te édagani. Mavooe môma te asinga éwa gôndé môkedi, môma amôsôba.

Romains 8:32

Nzambé asibé na ninga gôétôétsa Muanedi na amadeekeda angô gôéwa gôndé wa n’anyô muetso. Buéyé muanedi amatôétsa ?tambô na éômee éetso nayee asangatôétsa éangô?

Romains 8:39

Kaka ngudiye yag’ôba, kaka ngudi yava tsina, kaka éôma émakanôni na émavangôni. Gôsaba sôma géngoongôa éaaganédana wa n’anyô n’etondo éaNzambé. Etondoe éne émeenanô gô mane mamayanza Kumu éasô n’anyô Jésus-Christ.

Galatie 2:20

Nabéyee na monyo, monyoe ône ôsaba wami, te aChrist ayuéséda môtémami. Deo noo nandé na monyo g’ôtô ami, te gôétsa me Jésus môtémami wetso. Angô Muana ANzambé amanyôngéô me na amaadeekeda amuene amawa gôébégô éami.

Ephésiens 2:7

Gô metso mane Nzambé atubéda môbô na môbô gandéké angô na ngeba, n’etondo gôndé môma gô éne émayanzéa angô wa n’anyô gô ngudi yaJésus‐Christ.

Ephésiens 5:2

Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.

I Timothée 1:16

T’ebandô Nzambé ameena me ngeba. Amanyôngéô mbe ôkana angeba yaJésus‐Christ dienanô gôndé me, pene oma abévani. Amanyôngéô mbe ébégôe édué émenyanganô na muetso ane ahngamôétsa mitéma miaô gôédiia monyo ôsakôdéakani.

Hébreux 8:3

Adeekedie muetso adigondoku eengédu gô éyanzee éne gôédeekeda Nzambé dibiia na digondoku yoma. Buedi mbe ône wasô n’anyô dôto aba na sôma sedeekeda.

I Pierre 3:18

Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.

I Jean 3:16

?Ene étubéda mbe tônyônganéôni yéndé? Jésus‐Christ ameetsa monyo edi gôéwa gôndé wa n’anyô. Tambô na wa n’anyô tôéndé mônongovo gôndé ana aTétee agô mbumu éaNzambé.