Romains 5:2 - New Testament in Mitsogo

² Gô ngudi yaJésus, ône ameetsa wa n’anyô mitémamie, tôndé tômasipéduni gô nzéane éedi na tôwesea gôédiia mate maNzambé. Tsoongone éasô n’anyô étôtsôkéani te mbe tôngaba vavo n’edi g’ôndômbedi.

Romains 5:2 ပူးပေါင်းရင်းမြစ်များ

Matthieu 25:21

Môtômine amamôsénga ôséngu mbe: Mamisôba. Ewe môyanzi amavôma. Omagobeda me gô mane masibaké na tsoongo épôni, tambô nagôétsa mane mootéa na tsoongo. Viga tôtsôkéké, wa n’oo.

Jean 10:7

Jésus amatimbôanéda tsavane mbe: Me nanôbeenda na gô pie mbe me te ôkuké av’ombaa amôgômba ôkeneo mandombo.

Jean 10:9

Me te ômbee wanyô. Okô môma eengéa vandé me angoobou. Angeengéa na angakusa gôéaa môyakô.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

Mayanzame 14:27

Vamatsigahngô gô Antioche, amakôkanganéda asi mbumu éaNzambé muetso gôéahnigôa mane mamayanza Nzambé n’ahngô. Amanigôa gamakukua Nzambé ômbee gôndé ane asaba Ajuif gômbe eengéa muetso na gô Mabégô medi gémôtsumédô paga.

Romains 11:20

Ii, éndé te nane. Miangô mimakitsôkô te gô paga yaô. N’anye nômaviagana na miangô gôsitsumé anye Nzambé paga. Ivô nôwema kabaga nôba na nyemo. Digaani na gomo n’egobeda.

Romains 12:12

Tsôkéakani môténdédee ôndé n’anyô. Bibédani maguga gôéenéa éne éngayanza Kumu. Vovoni na Nzambé gédundé.

Romains 14:4

?Ewe ndaa ôtsundéda môyanzine amuene môma? Asipéyee, asasipéyee gô éyanza éedi ébégôé éndé na kooko edi. Angasipa gôébégô Kumu asô n’anyô andé gôémôsipéda.

Romains 15:13

Gôsatsuma anye Nzambé paga, te mbe angô Kumu atsoongone éasô n’anyô, anôétsa gényônga sedi na gétabé sedi sapie. Okitie wanyô te môténdéda ôndé n’anyô gô ngudi yaGédidi SaNzambé.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

Romains 3:23

Omee muetso eenda mabévani na andé amaagana na Nzambé n’ondômbee ôndé n’edi.

Romains 5:5

Tôsangabômédu n’ene étôténdédani gôébégô Nzambé amatôétsa Gédidi sedi. Na te sangô gétsuéa wa n’anyô étondo éaNzambé gôékuya éangô gô mitéma miasô n’anyô.

Romains 8:1

Ekôdéô éebégôe te édué. Gôsabadô géesédéô gôndé ane andé na vitoo na Jésus-Christ.

Romains 8:24

Wa n’anyô tômoobou na tôndé na môténdéda gô géobogeo sasô n’anyô. Okô môma eena éne ématéndédangô, gôsabadô môténdéda. Ene éenanôni ésaténdédu.

I Corinthiens 15:1

Ana aTéta n’ami, me Paul nanôbangôéda Tsangô Eamôsôba éaJésus‐Christ émeekédu anye. Nômasinga yangô. Nômagésangana mitéma mianyô na Nzambé gô yangô.

II Corinthiens 3:18

Wa n’anyô muetso tôsaba gamabaka Moïse na gédimô gémapikô na môkanda. Tôndé na édimô éasô n’anyô éava vede étana n’obébayi ôtubéda ôndômba ôndé na Kumu. Na wa n’anyô tôndéké tômakoamani tôgono na amuene Kumu. Ondômbee n’obébayi wedi aNzambé ôndé n’asô n’anyô deo noo, madeo ôsigono n’one ôngaba n’asô n’anyô. Eetso éne te éyanza éaGédidi SaKumu gô mitéma miasô n’anyô.

II Corinthiens 4:17

Tômenya mbe maguga meena we madita, tambô mandé te na soa na masadingani. Na mangô matôkônzéa ôndômba ôvôni ôsakôdékani ôndé vavo na Nzambé.

Ephésiens 2:18

Wa n’anyô muetso, na Ajuif na ane asaba Ajuif, tôwesedu na Gédidi SaNzambé na va mbene edi gô ngudi yaChrist.

Ephésiens 3:12

Okô mbe tôndé évambevo na Christ, na ôkô mbe tômamôétsa mitémamie gémôtsumé paga, tôndé ti kuanakue gôéwesea na va mbene aNzambé gébé na mikebanganô.

Ephésiens 6:13

T’ebandô nanôbeenda mbe n’atsatsee tsôpani na tsuani ékeeyi éaNzambé éetso. Vane gô ndéô édangani nôngaba na vévé gôévéngéa môdudeo. Na vangamananye égenya ngu na v’ekôdéô éebadie, nôngaba te ôbéôbéô mitie gô étungue éanyô.

II Thessaloniciens 2:16

Amuene Kumu asô n’anyô Jésus‐Christ, na Tétasô n’anyô Nzambé atônyôngéô na amatôétsa gô ngeba yedi gékasôgédéô gésakôdéakani, na ébégô éatsoongone éténdéda we.

Hébreux 3:6

Ivô Jésus‐Christ amabaka na môvinéné gô éyanzee éedi. Angô Muana, ameetsô ôtômu na Tétedi gôétôma eba aNzambé wetso. Wa n’anyô te ebedi ôkô tôsamôtsuma paga na tôétsa mitémamie gôndé ône atôténdédani.

Hébreux 6:18

Vane tômenya mbe Nzambé amatôvangéa ôvanga edi na amatôsongéa inedi. Mabégô mema mabaé, Nzambé asangoongôa ékoa mangô gôépata. T’ebandô wa n’anyô tômeengéa gôésomo gôndé angô. Tôsinga gébé na paga éne émavangéa angô wa n’anyô éamane mangatôdiiani.

I Pierre 3:18

Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.

Gétsutsuéô 21:11

Omatana n’obébayi ôtubéda ôndômba aNzambé. Môsengee ône ômakadima n’obébayi gandé étaé osunu ôvôni ééndô mbe, jaspe, te éne éndé na vee ga géenô.

Gétsutsuéô 21:23

Môsengee ône ôsaba na tsôvé éakômbéne na ngondene gôéétsa angô gévede, te ôbébayi ôtubéda ôndômba amuene Nzambé ôtanédani na Môpagee te dambine.

Gétsutsuéô 21:3

Namookô ôgi angudi ôvovo gô gédigaa sokumaka Omavovo mbe: Bandôa n’atsatsee gédigaa saNzambé géndéké va gatse oma. Amuene angadigaa n’ahngô. Na omee dôta ahngaba aNzambé. Nzambé amuene angeenanô n’oma na amuene angaba Nzambé aô.

Gétsutsuéô 3:21

Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.