Romains 5:18 - New Testament in Mitsogo

¹⁸ Géesédéô soma muetso gématsiga te gô ébévee éamôma môvo, Adam. Gékusédéô sagô môtsundu gôéba na monyo, gématsiga gô étsimama éamôma môvo asaba n’oési, te Jésus-Christ.

Romains 5:18 ပူးပေါင်းရင်းမြစ်များ

Jean 1:7

Jean amatômu gôénigôa ômbangi agévede saNzambé. Amatômu gômbe oma angeetsa Nzambé mitéma miaô vangookô ahngô mane manigôa Jean.

Jean 12:32

Jésus angô mbe: Ivô me, vangatômbu me na va gatse atsina n’oba, nangaweseda oma na gôndé memuene.

Jean 3:26

Aneengie amakea na gôndé Jean na amamôningôa mbe: Môékédi, ôsabômu vamabaka wa n’anyô gô dipo tsényé yambéne ééndô mbe Jourdain. Obangôa mômôgôône amabaka n’ewe na ômanigôa we mônongoe wedi. Oeni, andé te gôéétsa oma bateme. Na muetso akea te na gôndé angô.

Romains 3:25

Nzambé amadeekeda Jésus ôgondoku ômayôhuni gôénikéa évambéda oma n’amuene. Gô ngudi yowedi, Christ asingéa kokoo gôndé ane eetsa angô mitéma miaô. Te gô éne tôena étsimama éaNzambé. Va mbeego Nzambé amabibéda mane mabévani mamayanza oma gésisédé ahngô. Ivô ndéône, géesédéô sedi gésapengana. Na dôta gô étsimama éedi, atsimaméda muetso ane eetsa Jésus mitéma miaô ti eembe ahsaba n’oési.

Romains 4:25

Nzambé ameetsa Jésus gôéwa gô mabégô masô n’anyô mabévani. Amamôkundua gôétôtsimaméda va mbene aNzambé ti eembe tôsaba n’oési.

Romains 5:12

Ebéva éndé n’oma gô tsina, ébandôe te môma môvo, Adam. Na ébévee émakôva ôwa. Na ôwa ôtsôpa oma muetso gôébégô muetso eenda mabégô mabévani.

Romains 5:15

Gékinéô sAdam gô môtôma aNzambé géndé ébégô évôni. Ivô éne émeetsa Nzambé ôbiia éndé ti éôtéa évôni. Na gô pie ayekani amawa gô ôési ômeenda mômane amapanga, Adam. Ivô gô ngudi yamômane amôbaé, Jésus-Christ, ayekani ameetsô na Nzambé ôbiia ôvôni gô ngeba yedi. Na ébégôe éamôbaé éôtéa éne éamapanga.

Romains 5:19

Vamakékôa Adam akékôa ôgi aNzambé, ameengéda oma ayekani gô tsôgôô amabégô mabévani. Vamagobeda Jésus-Christ, agobeda ôgi aNzambé amakuséda oma ayekani gô tsôgôô éamabégô mabévani gôéba gébé n’oési va mbene aNzambé.

Romains 6:14

Mabégô mabévani masatômadô anye gôébégô nôsabadô gô tsina otômu amige miaNzambé, ivô nôndé gô tsina angeba yaNzambé gôétômu na yangô.

I Corinthiens 15:22

Wa n’anyô muetso tôwa te gômatôvamba n’Adam. Na wa n’anyô muetso tôngakunduga gômatôvamba na Jésus‐Christ.

Hébreux 2:9

Ivô tôena môvo, te Jésus amasugéa pesu andéô na gô tsina otômu asi g’ôba ayanzie aNzambé gôéwa gôndé oma muetso gô ngeba yaNzambé. Gô ndéô nedué tômôena abatédu na gô gédigaa sokumaka na sondômba, gôébégô éowa ôdagani ômawa angô gôndé oma.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

I Jean 2:20

Géé ti gôndé anye, nômeengéô na Gédidi SaNzambé géne gémapika Christ gôndé anye. T’ebandô anye muetso nôsabômu mane mapie.