Romains 5:14 - New Testament in Mitsogo

¹⁴ Eébéyée nane, ôwa ômatsôpa oma muetso bandôa n’Adam ngu na gô ndéône éaMoïse, buéyé mbe asiindé muetso éne ébévani émeenda Adam gôékina môtôma aNzambé. Adam te gégoni sone angavigani.

Romains 5:14 ပူးပေါင်းရင်းမြစ်များ

Romains 5:12

Ebéva éndé n’oma gô tsina, ébandôe te môma môvo, Adam. Na ébévee émakôva ôwa. Na ôwa ôtsôpa oma muetso gôébégô muetso eenda mabégô mabévani.

Romains 5:17

Ekegea te mbe ébéva éamôma môvo, Adam ématsigéda ôwa gôétôma oma muetso. Ivô te môvo, Jésus-Christ amatsigéda monyo mbe ôtôma we. Okô tôsingi éetsô n’edi ngeba n’etsimama éaNzambé te monyoe ôtôtômani.

Romains 5:21

Va mbeego ébéva émabaka n’otômu gôétôétsa ôwa. Ivô ndéô yedi ngeba yaNzambé dindé n’otômu gô étsimama éedi gôétôétsa monyo amôbô na môbô. Monyoe ône ôndéké gôndé Kumu asô n’anyô Jésus-Christ.

Romains 8:20

Tsinane nyetso éndéké g’ôtômu one asaba na tsoongo. Tsinane ésibaké nane v’ebandô, ivô émakokou na Nzambé gô pesu andéô. Ivô gôndé ébégô éténdéduni.

Romains 8:22

Tôsabômu mbe ndéô nedué tsinane nyetso ébisa na pievia ga môgeto abisa na misongo andé gôébôta.

I Corinthiens 15:22

Wa n’anyô muetso tôwa te gômatôvamba n’Adam. Na wa n’anyô muetso tôngakunduga gômatôvamba na Jésus‐Christ.

I Corinthiens 15:45

Endé te gatônigôu na Matendeo MaNzambé mbe: Mômane amapanga Adam, amavangô sôma gévégumani. Na Adamene amôyusumédu te Gédidi SaNzambé gétôétsa monyo.

Hébreux 9:27

Emakitsô mbe: Môma na môma angawa te éta épo, na va mbene owa angatsundédu na Nzambé.