Romains 4:9 - New Testament in Mitsogo

⁹ ?Ane eena gényônga te ane amageetu gô gésôga sAjuif atévo-a? ?Tambô gényôngage géne gésaba na gôndé ane asigeetuni-a? Namani énôbeenda mbe Abraham ameetsa Nzambé môtémedi wetso gémôtsumé paga. Na Nzambé ameena angô ti eembe asibé n’oési ta n’ovo.

Romains 4:9 ပူးပေါင်းရင်းမြစ်များ

LUC TSANGO EAMOSOBA EMATENDA 2:32

Angô te gévede gévôni géngatanéda éwe gôndé asi tsengeye yetso. Gôndé angô omee woo, ana aIsraël angakumédu.

Romains 4:10

?Nzambé amavovo nane te Abraham amamana égeetu-a¿ Vo madeo asigeetu? Amavovo te Abraham madeo asigeetu.

Romains 4:3

Endé te ganigôa Matendeo MaNzambé mbe: Abraham asitsumé Nzambé paga. Na Nzambé ameena angô ti eembe asibé n’oési ta n’ovo, gôébégô Abraham asitsumé Nzambé paga.

Galatie 3:14

Emabaka te nane gôndé Jésus gômbe mate mameetsa Nzambé Abraham, mangeetsô dôta gô ngudi yaJésus‐Christ gôndé ane asaba gô éongo éAjuif. Na gômbe vasatsuma wa n’anyô ngudi yaNzambé paga gôémôétsa mitémamie, atôétsa Gédidi sedi gamavangangô.

Ephésiens 3:8

Va gatse asi mbumu éaNzambé muetso gô omee abobo, môyusumédue te me. Buéyé mbe nane, Nzambé amasevoa me gôénigôa Tsangô Eamôsôba gôndé ane asaba Ajuif. Tsangône te éokiti agétangégé ôtôdiia gôndé Jésus‐Christ.

Colosses 3:11

Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.