Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Romains 4:17 - New Testament in Mitsogo

17 Matendeo MaNzambé matônigôa te nane. Nzambé amavovo mbe: Gô ngudi yami, éwe Abraham te tétene oma ayekani. Abraham te tétasô va mbene aNzambé, ône ameetsangô môtémedi. Nzambé nene te éne ékundua ane amawani na atubéda éne ésienanôni mbe éenanô.

အခန်းကိုကြည့်ပါ။ ကော်ပီ




Romains 4:17
32 ပူးပေါင်းရင်းမြစ်များ  

Anye nôanyepeda anyene mbe: we te ana aAbraham. Nônatasa gô éne. Okô Nzambé anyôngéyiô ana aAbraham, andé na ngudi yekoa mataé mema maka ana aAbraham.


Mônongovo gakundua Tétee ane amawani, na Muanee te mônongovo. Angô eetsa monyo gôndé ane anyôngéô angô éétsa.


Me nanôbeenda na gô pie mbe: Gô ndéô évigani, na émani ébuéa, ane amawani angookô ôgie aMuana ANzambé. Ane angookôni, angaba na monyo.


Géne géétsa monyo te Gédidige SaNzambé. Otôe ôsaba na tsoongo. Mane mabeendi me anye maviga gôndé Gédidi SaNzambé na meetsa oma monyo.


Oôkôni éne émavovo Kumu Nzambé ône asabômu mabégô mema bandôa va mbeego.


Me Paul, nanôévôa mbe: ?Nzambé, te Nzambé éAjuif atévo-a? ?Tambô asaba Nzambé éoma muetso-a? Te na gô pie andé te Nzambé éoma muetso.


Abraham asitsumé Nzambé paga buéyé mbe ndéône éaô gôébôta muana émoota. Amabaka na môténdéda. Na éne ématéndéda ahngô émeenanô te gatetu angô mbe tétene éoma ayekani. Endé te gamavovo Nzambé mbe: Otangôe anee woo, ôeni te angôô.


Nzambé ameena Abraham ti eembe asibé n’oési va mbene aNzambé. Amamôena nane, kaka gô mayanza medi mamisôba na gô gékeneo sedi samige na mitôma miaNzambé. Mbe amadiia te gô mayanzame medi, Abraham mbe amaakuméda amuene.


Nzambé amakunda Jésus g’ôwa. Okô Gédidi sedi géne gémakundua Christ g’ôwa gôéba na monyo gédigaa gô mitéma mianyô, sangô dôta génganôétsa monyo gô yôtôye yanyô disaba na ngudi.


Ivô Nzambé andé na étasa éedi gô éne évangangô gôésevoa omedi. Abambéa oma ganyôngéô amuene géboné mane mayanzahngô. Tasani gamavovo Nzambé na Rebecca na vane nôngamenya mbe Nzambé asapenganéda gô éne évangangô. Amavovo na Rebecca, anedi madeo asibôtu na madeo asiyanza mamisôba na mabévani. Nzambé amavovo mbe: Pene angayanzéa môdimine.


Gô tungune émabeendu oma mbe anye kaka oma aNzambé, te gô tungu nene éngookô ahngô dôta mbe: Anye nôndé ti ana aNzambé, angô Kumu amonyo.


N’ane eendô gô tsengene mbe oma abobo na ane adetukuni na asekukuni, Nzambé amasevoa ahngô gôébunzéda mane meendô n’asi tsenge mbe, mabégô mavôni.


Endé te gatônigôu na Matendeo MaNzambé mbe: Mômane amapanga Adam, amavangô sôma gévégumani. Na Adamene amôyusumédu te Gédidi SaNzambé gétôétsa monyo.


Me Paul navovo n’ewe va mbene aNzambé, ône eetsa monyo gôndé éôma éetso évégumani, na va mbene aJésus‐Christ, ône amanigôa ômbangie wedi na mane mamavangana angô na Nzambé va mbene aPonce Pilate. Nagôtôma mbé:


Tasani gôndé mômôgôô nône Abraham. Otôe wedi ômabaka ti ga nzumbi gôébôta muana, na angô te tétee apingô yaana. Anedi ayeka ga minanga miag’ôba, na ayeka ga misige miagô mubu, gétangégé.


Wa n’anyô gôétsa Nzambé mitémamie gébé na paga vanigôgéô we mbe Nzambé amakana tsina n’oba te na ôgi ôtévo. Ene éenanôni émakanô gô ngudi yene éseenanôni.


Noé ameetsa Nzambé môtémedi wetso na asitsumé meevédéô maNzambé paga. Buéyé mbe gamabakangô madeo asiena éne émavovo Nzambé mbe éngabuéa, Noé amasaa mbôngône. Angô na gévia sedi amoobou. Gôsibé Noé na paga, mitayimie mimeetsô angô na Nzambé mimeeséda oma muetso. Gôsitsumé angô Nzambé paga, Noé ameetsô n’edi ôséngu.


Va mbeego anye nôsibaké oma aNzambé. Ivô deo noo nôka asi mbumu éedi. Va mbeego Nzambé asinôeneke ngeba. Ivô deo noo anôena ngeba.


Anami amôtéma nômbieeba ébégô évo édué. Gô étasa éaKumu Nzambé pitsi épo atanga mbe môtônisa ema. Na môtônisa ema atanga mbe pitsi épo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ