Romains 4:16 - New Testament in Mitsogo

¹⁶ Endé te nane. Nzambé amavanga mbe: Mate mami neetsa ôbiia gôndé ane eetsa me mitéma miaô gétsumé me paga. Ovangee ône ôndé na tsoongo gôndé ana aAbraham muetso. Ane agobeda mige miaNzambé n’ane eetsa Nzambé mitéma miaô gameetsa Abraham ône wedi gébé na paga. Abraham te tétene éasô n’anyô muetso.

Romains 4:16 ပူးပေါင်းရင်းမြစ်များ

LUC TSANGO EAMOSOBA EMATENDA 19:9

Jésus amavovo na Zachée mbe: Géobogeo saNzambé géengéyi deo noo na gô ebee ôdôô. Na éwe kumu ebee ôndéké na gô pie muana aAbraham.

Romains 15:8

Bangôani mbe Christ amakou môyanzi aAjuif gôédugéda éne émavanga Nzambé na téteye yAjuif va mbeego. Te éne étôtubéda mbe Nzambé asapata.

Romains 3:22

Nzambé abono oma ti eembe ahsaba n’oési veetsahngô Jésus-Christ mitémamie miaô. Nzambé atsimaméda muetso ane asatsuma Christ paga. Asatatôa oma mbe ahndé minongo mibaé.

Romains 3:30

Gôébégô Nzambéne te épo na koo. Nzambé eena Ajuif ti eembe asaba n’oési te veetsahngô Jésus mitéma miaô gémôtsumé paga. Gôndé ane asaba Ajuif te mônongovo. Nzambé eena ahngô ti eembe asaba n’oési te veetsahngô Jésus mitéma miaô gémôtsumé paga.

Romains 4:11

Va mbenene vane, Abraham amageetu te ndémbô émeetsô angô na Nzambé gôétubéda mbe mômane ôdôô madeo asigeetu ameetsa me môtémedi gétsumé me paga, na asabadô n’oési va mbene ame, Nzambé. T’ebandô Abraham te tétene amuetso ane asageetuni eetsa Nzambé mitéma miaô na Nzambé eena ahngô ti eembe ahsabadô n’oési.

Romains 5:1

Endé te nane. Wa n’anyô tômeetsa Jésus mitéma miasô n’anyô gémôtsumé paga, tôenanô na Nzambé ti eembe tôsaba n’oési. Na tôdigaa n’edi na gétabé gô ngudi yaKumu Jésus-Christ.

Romains 9:8

Tambô ane amasevoa Nzambé mbe omedi, kaka ane amabôtu gô étondo éamôma étévo. Ivô ane amabôtu gôédugéda ôvangee aNzambé te omedi apie.

Galatie 3:14

Emabaka te nane gôndé Jésus gômbe mate mameetsa Nzambé Abraham, mangeetsô dôta gô ngudi yaJésus‐Christ gôndé ane asaba gô éongo éAjuif. Na gômbe vasatsuma wa n’anyô ngudi yaNzambé paga gôémôétsa mitémamie, atôétsa Gédidi sedi gamavangangô.

Galatie 3:16

Endé te nane. Nzambé amavangana n’Abraham na muanedi ôvanga. Nzambé asivove n’Abraham mbe: Ovanga te gôndé éwe n’anoo. Ivô Nzambé amavovo n’Abraham mbe: Ovangee te gôndé éwe na muanoo. Evéndégéô mbe ôsaba gôndé oma ayekani. Ondé gôndé môvo. Môvo nône te amuene Christ.

Galatie 3:22

Ivô Matendeo MaNzambé matônigôa mbe: Tsinane nyetso éndé gô tsina éangudi yamabégô mabévani, buta mbe ôvanga ôngadugédu gôndé ane eetsa Jésus‐Christ mitéma miaô gébé na paga.

Ephésiens 2:5

Vamabaka édidi éasô n’anyô égébaka gô évitsi éowa gôébégô éamabégô masô n’anyô mabévani, Nzambé gô étondo éedi amakundua we gôéba deo noo monyovo na Christ. Tômoobou te gô ngeba ditôenanô na Nzambé.

Ephésiens 2:8

Nômoobou te gô ngeba dimeenanô anye na Nzambé vameetsanye angô mitémamie gémôtsumé paga. Géôbogeoge géne gésibandôé n’anye. Nômagéétsô na Nzambé géenza.

Tite 3:7

Ameenda nane te mbe gô ngeba yedi tôngeenanô na Nzambé ti eembe tôsaba n’oési, na tôngadiia monyoe ôsakôdéakani, ône ôténdéda wa n’anyô.

II Pierre 1:10

T’ebandô ana aTétee gényôgani na ngudi gôésipa gômaabéa anye mbeeane émabambéô anye na Nzambé na gô gésevôéôge sedi gémasevou anye. Okô nôénda nane, anye nôsangapônga ta na pesu.