Romains 4:11 - New Testament in Mitsogo

¹¹ Va mbenene vane, Abraham amageetu te ndémbô émeetsô angô na Nzambé gôétubéda mbe mômane ôdôô madeo asigeetu ameetsa me môtémedi gétsumé me paga, na asabadô n’oési va mbene ame, Nzambé. T’ebandô Abraham te tétene amuetso ane asageetuni eetsa Nzambé mitéma miaô na Nzambé eena ahngô ti eembe ahsabadô n’oési.

Romains 4:11 ပူးပေါင်းရင်းမြစ်များ

Matthieu 16:16

Simon Pierre amamôaabéa mbe: Ewe te Christ, ône amatômu na Nzambé. Ewe te Muana ANzambé, angô Kumu amonyo.

Matthieu 8:11

Nanôbeenda mbe oma ayekani angaviga gô gésa géviga kômbéne na gô gésa gékea yangô. Angadigaa tabudé épo na Abraham na Isaac na Jacob g’ôkumu aNzambé.

LUC TSANGO EAMOSOBA EMATENDA 19:9

Jésus amavovo na Zachée mbe: Géobogeo saNzambé géengéyi deo noo na gô ebee ôdôô. Na éwe kumu ebee ôndéké na gô pie muana aAbraham.

Jean 3:33

One amasinga ômbanzedi asabômu mbe Nzambé te kumu amabégô mapie na asoongôa épatani.

Jean 3:36

One eetsa môtémedi wetso na gôndé Jésus, Muana ANzambé, andé na monyo amôbô na môbô. One aseetsa môtémedi wetso na gôndé Jésus asaba na monyoe ône ta na pesu na Nzambé amôena ôpisa.

Jean 6:35

Jésus amapandôéda angô mbe: Me te môpemba ôétsa môma monyo. One aviga na gôndé me asangadôôkô nzaa. One eetsa me môtémedi asangadôôkô sôé.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Jean 6:47

Me nanôbeenda ébégôé éapie édué mbe, ône eetsa me môtémedi wetso andé na monyo amôbô na môbô.

Jean 8:33

Ajuif amatôna mbe: We kaka avéga. We te ana aAbraham na we tôsookô mbe tômadigaa g’ôvéga. ?Oénda we mbe: nôngoobou g’ôvéga nayee?

Romains 10:11

Matendeo MaNzambé matônigôa mbe: Gôndé ône eetsa Nzambé môtémedi asangatsikô na tsoyi.

Romains 10:4

Ene émakônza Nzambé te mbe Christ te gédugédéô samigemie na mitômamie mimeetsô Moïse gômbe muetso ane eetsa Christ mitéma miaô eenanô na Nzambé ti eembe asaba n’oési.

Romains 10:6

Na ôôkôni dôta éne étôbeendu gôndé ane eetsa Nzambé mitéma miaô gébé na buétsé gôétsimamédu n’edi. Etendu mbe: Ombiatsuma paga ômuene gô môtémoo mbe ?ône angabata na g’ôba gôésutuméda Christ indaa?

Romains 3:22

Nzambé abono oma ti eembe ahsaba n’oési veetsahngô Jésus-Christ mitémamie miaô. Nzambé atsimaméda muetso ane asatsuma Christ paga. Asatatôa oma mbe ahndé minongo mibaé.

Romains 3:30

Gôébégô Nzambéne te épo na koo. Nzambé eena Ajuif ti eembe asaba n’oési te veetsahngô Jésus mitéma miaô gémôtsumé paga. Gôndé ane asaba Ajuif te mônongovo. Nzambé eena ahngô ti eembe asaba n’oési te veetsahngô Jésus mitéma miaô gémôtsumé paga.

Romains 4:10

?Nzambé amavovo nane te Abraham amamana égeetu-a¿ Vo madeo asigeetu? Amavovo te Abraham madeo asigeetu.

Romains 9:30

?Tôngeendani vita nayee? Ekegea te nane. Ane asaba gô éongo éAjuif na asibuta étsimama ényôngéô Nzambé, ahmatsimamédu vameetsahngô Nzambé mitéma miaô gébé na buétsé, gôéenanô n’edi ti eembe ahsaba n’oési.

Romains 9:33

Nôeni, gô Sion nadigédi étaé éngapôngéda oma. Te ôbobo ôngakuéséda oma. Ivô ône angamôétsa môtémedi asangabômédu.

Romains 9:6

Tsangoongôa évovo mbe ôvangee ômavanga Nzambé ôsibôngamé. Menyani mbe muetso amabôtu gô mbumu éaIsraël, kaka muetso eenanô na Nzambé mbe ana aIsraël.

II Corinthiens 1:22

Te Nzambé amatôétsa ndémbô éainedi. Angô dôta amayuéséda mitéma miasô n’anyô na Gédidi sedi gétôtubéda mbe tôndé na tsoongo va mbene aNzambé na mbe tôngadiia metso mamavanga angô gôndé wa n’anyô.

Galatie 3:22

Ivô Matendeo MaNzambé matônigôa mbe: Tsinane nyetso éndé gô tsina éangudi yamabégô mabévani, buta mbe ôvanga ôngadugédu gôndé ane eetsa Jésus‐Christ mitéma miaô gébé na paga.

Galatie 3:29

Okô mbe nôndéké oma aChrist nôndéké ana aAbraham. Ene éndéké ga mikuanya mimavanga Nzambé, éndé te gôndé anye.

Galatie 3:7

Menyani ébégô édué. Ane eetsa Nzambé mitéma miaô gémôtsumé paga, ahngô te ana aAbraham apie.

Galatie 5:5

Ivô gôndé wa n’anyô tsoongone éasô n’anyô te mbe tôngatsimamédu na Nzambé ti eembe tôsaba n’oési. Te éne étôenéani gô ngudi yaGédidi SaNzambé géne géyanza veetsa we Nzambé mitéma miasô n’anyô.

Galatie 6:16

Gôndé muetso ane akenea ndongi yedi gô mitéma miaô me navovo mbe: Gétabé na mate maNzambé mabaké gôndé anye. Na gébaké dôta gôndé oma muetso avamba na Nzambé.

Ephésiens 1:13

Anye asi Ephèse nômookô Tsangô Eamôsôba éaJésus‐Christ, yangô te meekédu mapie manônigôa géôbogeo. Vamookô anye nômeetsa Christ mitéma mianyô gébé na paga. Na vane Nzambé amatôéémba ndémbô étubéda inedi. Ndémbône te Gédidi sedi sovanga ômavanga angô mbeego.

Ephésiens 4:30

Nônanikéda Gédidi SaNzambé gévii gô mane meendanye. Sangô te ndémbô éamakuéta Nzambé gôndé anye. Sangô te môkodi ômatôkatôni gôétôbandôéda mbe nyovo Nzambé angatôyuua gô tsinane édué.

Philippiens 3:9

Nanyôngéô éba môvo n’edi. Tsoongôa éénda mbe gôkenea me mige mia Nzambé me tsaba n’oési va mbene éedi. Tsabômu mbe neenanô na Nzambé ti eembe tsaba n’oési, te gômeetsa me Christ môtémami wetso gémôtsumé paga. Amuene Nzambé amakônza nzéane mbe ôkô môma eetsi Jésus‐Christ môtémedi wetso gémôtsumé paga, me Nzambé nangamôbono ti eembe asaba n’oési.

Hébreux 11:7

Noé ameetsa Nzambé môtémedi wetso na asitsumé meevédéô maNzambé paga. Buéyé mbe gamabakangô madeo asiena éne émavovo Nzambé mbe éngabuéa, Noé amasaa mbôngône. Angô na gévia sedi amoobou. Gôsibé Noé na paga, mitayimie mimeetsô angô na Nzambé mimeeséda oma muetso. Gôsitsumé angô Nzambé paga, Noé ameetsô n’edi ôséngu.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

Gétsutsuéô 9:4

Mimadékédu mbe: Nômbiabata ésinga na éétété. Na éetso ékandani, nômbiambata. Na mimatômu mbe: Nômbata te oma atévo, ane asiitsô ndémbo étubéda ina aNzambé.