Romains 3:9 - New Testament in Mitsogo

⁹ Ovénga. ?Tambô wa n’anyô Ajuif tôôtéa ényepa n’akasô-a? Gôsaba. Me Paul namani énônigôa mbe Ajuif, n’oma muetso tôndé te mônongovo. Na tôndé muetso gô tsina otômu amabégô mabévani.

Romains 3:9 ပူးပေါင်းရင်းမြစ်များ

LUC TSANGO EAMOSOBA EMATENDA 7:39

Môpharisien, kumu eba amabono te bonogo. Na amatasa gô tsina amôtémedi mbe: Okô mbe ôdôô te na gô pie môpandôédi amatasa maNzambé, angamenya mbe môgetone oovôa makôdôme medi ôdôô, te môgeto môbévani.

Romains 1:18

Endé te nane. Nzambé atubéda ôpisedi ôviga g’ôba. Nzambé eena ôpisee gô ébéva éamôma na gô mabégô metso mabévani mayanza oma. Mayansa maô mabévani meebakanéda mabégô mapie mbe kabaga meenanô.

Romains 11:32

Nzambé amasinga mbe oma atsôpu muetso te mônongovo gô tsôgôô éagékékôéôge saô gékékôa ahngô ôgie wedi, gômbe ngeba yedi dingeenanô dôta gôndé muetso te mônongovo.

Romains 11:7

?Tôngeenda nayee? Ana aIsraël asidiia éne émabuta ahngô. Ane amadiiani te ane amasevou na amuene Nzambé. N’ane amasanéani atsapéô ti tsapéô asoongôa éditéga.

Romains 2:1

?Ewe ôeséda akoo éwe ndaa? Omuene gébé na mitayi. Veeséda éwe akoo, éwe dôta ôénda te mônongovo ga ahngô, ôndé gôéasiséda ômuene tsôgôô.

Romains 3:1

?Omenya mbe ôngadiia sôma, tsangô mbe ôndé Môjuif? ?Gégeetéô sesôga éAjuif géndé na tsoongô-a?

Romains 3:19

Tôsabômu mbe migemie mimakitsôni mindé te gôndé ane adigaa gô tsina amiangô. Gô mitôma na mige miaNzambé gôsaba môma angayuuéga gô miangô. Na vane oma muetso ava tsina tôésédu te gô miangô.

Romains 3:5

Me Paul nangavovo gavovo avo oma. Ahngô mbe: Mbeka mbe we oma tôyanza mane mabévani, étsimama éaNzambé mbe ésangamenyanganô. ?Tambô Nzambé asiséda we gôndé? Nzambé asaba na mitayi vasasa ôpisee wedi. Te gavovo avo.

Romains 6:15

?Tôngeenda nayee? Wa n’anyô tôenanô na Nzambé ngeba ?tôngoomba éénda mabégô mabévani tsangô mbe tôsaba gô tsina amige miedi-a? Géndégégé.

Romains 7:14

Tôsabômu mbe mige miaNzambé misapengana na minyepa. Ebévee éndé na me, môma ava tsina. Namabôtu môvéga amabégô mabévani.

I Corinthiens 10:19

Vavovo me vane ?te mbe mbumba éndé na ngudi‐a? Aé. ?Te mbe nyama édeekedu na gôndé mbumba éndé na tsoongo‐a? Aé.

I Corinthiens 14:15

?Tambô nangeenda nayee? Me nangavovo na Nzambé gô gédidige sami, me géôkô na vede. Nangavovo na Nzambé dôta na matasame mbe nookô na vede éne évovo me. Na mimbôme te mônongovo. Nangatôa gô gédidige, nangatôa dôta na éodo éetso.

I Corinthiens 4:7

?One amanyepeda éwe mbe ôsaba gandé akoo indaa? ?Kaka Nzambé‐a? Eetso éndé n’ewe te Nzambé ameetsa éwe éangô. Endéké te nane. ?Onganyemôga ômuene gô éne éndé n’ewe nayee? ?Osidiié éangô éetso te ôbiia‐a?

Galatie 3:10

Avo ahmenya mbe étsimamee éami éenanô me na Nzambé te gô gékeneo samige miaNzambé. Tambô andéké amakôkôuni. Matendeo meevéda mbe: Môkokou gôndé môma na môma asagobeda pitsi yetso na ngaangaa, éetso ématenduni gô miganda miamige miaNzambé.

Galatie 3:22

Ivô Matendeo MaNzambé matônigôa mbe: Tsinane nyetso éndé gô tsina éangudi yamabégô mabévani, buta mbe ôvanga ôngadugédu gôndé ane eetsa Jésus‐Christ mitéma miaô gébé na paga.

Philippiens 1:18

Ebandôe ékeangô éékéda ényepéyee, ésanyepéyee mbôôkô. Eekédéké. Tsangô éaChrist énigôganéô gô minongo mietso, na me neena te gényônga. Tsangatsika étsôkéa.