Romains 3:5 - New Testament in Mitsogo

⁵ Me Paul nangavovo gavovo avo oma. Ahngô mbe: Mbeka mbe we oma tôyanza mane mabévani, étsimama éaNzambé mbe ésangamenyanganô. ?Tambô Nzambé asiséda we gôndé? Nzambé asaba na mitayi vasasa ôpisee wedi. Te gavovo avo.

Romains 3:5 ပူးပေါင်းရင်းမြစ်များ

Romains 12:19

Wee yami, nômbianikéa événda ébégô édagani. Ivô nôtsika ébégôe g’ôpisa aNzambé amuene angayanza ganyôngéô angô. Matendeo MaNzambé matônigôa mbe: MeNzambé, te ône anganikéa événda ébégô édagani. Te me Kumu éanyô navéndéa anye.

Romains 2:5

Ti g’ôsôba amôtémee woo ôsasinga ndongi, na ôsasinga ékoga. Menya mbe ôkôva ômuene tsôgôô éôtéa édagani na gôndé ômuene, nyaa ôngeenanô ôpisa aNzambé na géesédéô sedi gésapenganani.

Romains 3:19

Tôsabômu mbe migemie mimakitsôni mindé te gôndé ane adigaa gô tsina amiangô. Gô mitôma na mige miaNzambé gôsaba môma angayuuéga gô miangô. Na vane oma muetso ava tsina tôésédu te gô miangô.

Romains 3:7

Okô ôboe wami ôtubéda na gô pie étsimama éaNzambé ône asapatani, ôboe wami ôkuméda Nzambé. ?Neesédu mbe môma môbévani gôndé?

Romains 4:1

?Gôndé tétene éasô n’anyô Abraham tôena nayee? Gô mane magô ôtôe wedi amadiia ndé?

Romains 5:8

Ivô Jésus-Christ amasinga éwa gôndé wa n’anyô tômabaka tôgébaka abévie. Tôéna étondo éena Nzambé gôndé wa n’anyô oma te gô éne.

Romains 6:1

?Wa n’anyô vo tôngeenda nayee? ?Tôomba te édigaa gô ébévee buta mbe ngeba yaNzambé diomba éyuua we gô éangô-a?

Romains 6:19

Me Paul navovo n’anye nakanéga na tsavane éovéga te gôdagéô anye énigôgéô mabégô mema. Gô mbeego nômatsôkéa gôéadeekeda anyene g’ôvéga amayanza mabévani manzooh, na nômadigaa sagô. Tambô n’atsatsee deekedani anyene na gényônga ga avéga akôô aJésus gôéba na môdigédi ômagôgéani.

Romains 7:7

?Tongeenda nayee? ?Mige na mitôma miaNzambé, tambô mibéva-a? Aé, kaka nane. Te miangô mimamenyéda me mane meenda Nzambé mbe: Ebévee. Mbeka môge ôbeenda mbe: Ombianyima sôma sagébé soo, me mbe tsimenya mbe ényima éndé n’ami ésanyepa.

Romains 8:31

?Gô mabégôme mavôni éma tôngeenda nayee? Okô mbe Nzambé andéké na wa n’anyô ?ône angatôvingani indaa?

Romains 9:30

?Tôngeendani vita nayee? Ekegea te nane. Ane asaba gô éongo éAjuif na asibuta étsimama ényôngéô Nzambé, ahmatsimamédu vameetsahngô Nzambé mitéma miaô gébé na buétsé, gôéenanô n’edi ti eembe ahsaba n’oési.

I Corinthiens 15:32

Vagenya me nandé gô Ephèse môgenye ôvôni gandé môma agenya na gémbungu ?te gôéba na monyo ava tsina éva ôtévo‐a? ?Buéyé mbe nadiia vagenya me, tsoongo ndé? Okô mbe va mbene owa gôsaba gékundugéô tambô tsava égunyuni ésapata. Tsavane eendô mbe: ôka deo noo tôaakéni na tônyuakéni. Mene tôngawa.

I Corinthiens 9:8

Me tsavovo gô mane meenanô matsengene matévo. Oôkôni gawanya mangô na mane mamatsika Moïse mbeego.

II Corinthiens 6:4

Tônyôngéô étubéda oma muetso mbe we te ayanzie aNzambé. Tôbibéda ti bibéda magugame na panda na mabégô madagani maminongo mietso.

II Corinthiens 7:11

Vamadita mitéma mianyô na tsoyi, eenakani gamayanza Nzambé na ngudi gôndé anye. Mbeka mbe anye nômeena tsoyi na gésangôge sami, anye mbe nôsibé na tsambu gôéyavôga ékônza ébégôe émabaka n’anye. Nômakuadima na gomo mbe: ?Môma môbévani angadigaa va gatse asô nayee? Nômanyôngéô éôkô ndongi yami. Nômaba na géviôviô gôétsimaméda mbumu éaNzambé. Anye nôsiene éso avio gôéeséda mômôgôô nône môbévani. Gômeendanye metso mane nômayuéga gô ébégôe ébévani éne.

Galatie 2:18

Okô nanikéa ésaa éne émapanza me, natubéda mbe tsagobeda mige miaNzambé.

Galatie 3:15

Anee aTéta asi mbumu éaNzambé, nagunyéa anye tsavane édué. Môma aka gôéwa atsika ôgi edi amôyusumédu va mbene oma. Gôsaba muene angoongôa ékékôa angô. Gôsaba muene angakôndéga mavo mabégô gô angô.

Gétsutsuéô 15:3

Ahmatôa imbô ématuba môyanzi aNzambé, Moïse na émbô étôa Môpaga. Ahmatôa mbe: Ah Kumu Nzambé, éwe Kumu angudi yetso. Mane mayanzewe mootéa ényepa na mootéa ékasôgéda môma. Ewe Môtômi atsengeye yetso, matasa moo mapie masakoga.

Gétsutsuéô 18:20

Ewe ôba, tsôkéaka gôbungani môsengee ône. Anye asi mbumu éaNzambé, n’anye nômatômuku na Christ, n’anye apandôédi amatasa maNzambé, tsôkéakani. Gôébégô Nzambé ameeséda môsengee ône gô gékuanô na panda dimatubédangô anye.