Romains 3:4 - New Testament in Mitsogo

⁴ Aé. Ogie ôsangakoga. Ondé te ôbéôbéô. Nzambé asakoga. Ayanza te gô mônongoe wedi agépenganédé, buéyé mbe wa n’anyô oma muetso tôbaké asi oboe. Te gatôbeendu gô Matendeo MaNzambé mbe: Buedi mbe ôdenganô gébé n’oboe gô éne évovo éwe. Buedi mbe ôétso mitayi vangatsundédu éwe.

Romains 3:4 ပူးပေါင်းရင်းမြစ်များ

Matthieu 11:19

Me, Muana Amôma namaviga. Me naa. Me nanyua. Na oma avovo mbe: Bononi angô. Sedi gémba te aakagane, na sedi gémba te nyuakagane. Angô avamba n’abongi adepu n’oma abévani. Na Jésus angô mbe: Ivô éodo éaNzambé éenanô te gô éne éyanzangô na éodo éne.

LUC TSANGO EAMOSOBA EMATENDA 20:16

Na amanigôa mbe: Vangaviga kumu éatsaga angayôha akeneyie abévani. Angeetsa tsagane muene môma. Ane amookôni ahmakina mbe: Aé ésangaba nane.

Jean 3:33

One amasinga ômbanzedi asabômu mbe Nzambé te kumu amabégô mapie na asoongôa épatani.

Romains 11:1

Me Paul natsapéô mbe ?tambô Nzambé amakina omedi ana aIsraël-a? Aé, asiakiné. Memuene Paul nandé môsi éongo éaIsraël. Tétene éami te Abraham. Ebôtee éami te Benjamin.

Romains 11:11

Me Paul natsapéô. ?Vamapônga Ajuif amakuéa te môbô, gétimôgé-a? Aé. Angatimôga. Ivô gô gékôbage saô avo oma ameetsô géobogeo, te mbe Ajuif angeenda tsingayi gôénikéa édiia sangô.

Romains 3:31

Tambô veetsa môma Jésus môtémedi wetso gébé na paga ?éndé te mbe migemie na mitômamie miaNzambé misabadô na tsoongo-a? Aé, kaka nane. Migemie na mitômamie mindé na nyene tsoongo éapie.

Romains 6:15

?Tôngeenda nayee? Wa n’anyô tôenanô na Nzambé ngeba ?tôngoomba éénda mabégô mabévani tsangô mbe tôsaba gô tsina amige miedi-a? Géndégégé.

Romains 6:2

Géndégégé. Tômani éwa gô mane mabévani. ?Tôngoomba éyanza gô mangô nayee?

Romains 7:13

Tambô éne ényepani ?éôngôa ékoga éka ébégôe éowa gôndé me-a? Aé, ésangoongôa ékoga. Ebandôe eebégôe te ébéva ámôtéma amôma. Minongomie mietso mibévani mindé na mabégô mabévani mienanô gôwanya mabégôme na mige. Mabégô mabévani mamabévéda ényepa émabaka na mige miaNzambé gôétsigéda me na g’ôwa. Ebéva éamôtéma amôma ébévéda ti v’ekôdéô abévaga.

Romains 7:7

?Tongeenda nayee? ?Mige na mitôma miaNzambé, tambô mibéva-a? Aé, kaka nane. Te miangô mimamenyéda me mane meenda Nzambé mbe: Ebévee. Mbeka môge ôbeenda mbe: Ombianyima sôma sagébé soo, me mbe tsimenya mbe ényima éndé n’ami ésanyepa.

Romains 9:14

?Tôngavovo mbe ndé? ?Tôngeenda mbe Nzambé apenganéda mayanza medi-a? Aé, kaka nane.

I Corinthiens 6:15

Nôsabômu mbe yôtô yasô n’anyô te éemé éotô aJésus‐Christ. Ti gôndé wa n’anyô gôégésa géémé saotô aChrist na géne saotô agétôa sagésasô, géndégégé.

II Corinthiens 1:18

Gandé amuene Nzambé asoongôa évétsua divanga yedi na me tsoongôa énôpatéda éne émavovo me n’anye mbe nasinga. Menyani mbe tsikina.

Galatie 2:17

Wa n’anyô tôbuta étsimamédu va mbene aNzambé gô évambee éndé we na Christ. Na tôôkô mbe tôndé oma abévani mônongovo gandé ane ahsaba Ajuif. ?Evéndégéô mbe Christ te ébandô éebéva éasô‐a? Viaa. Esaba nane.

Galatie 2:21

Me tsakina ngeba yaNzambé. Okô mbe te mitôma na mige miaNzambé minyepeda môma ti eembe asaba n’oési va mbene aNzambé, tambô Christ amawa te bobo.

Galatie 6:14

Gôndé me tsanyemôga gô éne ébégô buétsé te gésumuge sowa gémayôhu Kumu asô n’anyô Jésus‐Christ. Gôébégô éagésumu sedi sowa, éôma éetso éatsengene éndé ga sôma gémabooni gôndé me. Na gô mane matsengene, tsôvé yami dimawa gô mangô.

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

Tite 1:2

Nzambé anyôngéô mbe abé na tsoongo gô monyo ôsakôdéakani. Angô te Nzambé asapatani na amavangéa wa n’anyô monyoe ône, tsinane madeo ésikanô.

Hébreux 6:18

Vane tômenya mbe Nzambé amatôvangéa ôvanga edi na amatôsongéa inedi. Mabégô mema mabaé, Nzambé asangoongôa ékoa mangô gôépata. T’ebandô wa n’anyô tômeengéa gôésomo gôndé angô. Tôsinga gébé na paga éne émavangéa angô wa n’anyô éamane mangatôdiiani.

I Jean 5:10

Na vane ône eetsa môtémedi wetso na gôndé Muana ANzambé ookô gô môtémedi mbe mane mavovo Nzambé mandé ti mapie. Géé ône atsuma Nzambé paga eenda Nzambé mbe, môsi ooboe, gôébégô asaditéga mane manigôa Nzambé maMuanedi.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

Gétsutsuéô 3:7

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Philadelphie. Oôkéôni ndongiye divovo ône andé Amatsimamani, te angô Kumu amabégô metso mapie. Na angô te asumbéda môsapie aDavid môtômi atsenge. Angô Amatsimamani akukua na gôsaba môma angôôkukégani. Angô abandéka na gôsaba môma angôôkukégani.