Romains 3:31 - New Testament in Mitsogo

³¹ Tambô veetsa môma Jésus môtémedi wetso gébé na paga ?éndé te mbe migemie na mitômamie miaNzambé misabadô na tsoongo-a? Aé, kaka nane. Migemie na mitômamie mindé na nyene tsoongo éapie.

Romains 3:31 ပူးပေါင်းရင်းမြစ်များ

Matthieu 15:6

Te gakina anee wanyô égobeda iyee yaô na tétee yaô. Gô éne nôbunzéda ôgi aNzambé na nôgobeda te mane manyene.

Matthieu 3:15

Jésus amaabéa angô mbe: Ebaké vita nane. Tôéndé te éne étôtômu na Nzambé. Na Jean asiombé ékina.

Matthieu 5:17

Jésus angô mbe: Nômbiatasa mbe navigi gôénônôtôa gô ndongi na mige mimatsika Moïse, na gô mabégô mamavovo apandôédi amatasa maNzambé. Me tsivigé gôénônôtôa gô mabégôme mane, ivô navigi gôénômenyeda ébandôe éamangô na gakeneo mangô.

Matthieu 5:20

Me nanôbeenda na gô pie mbe gôndé anye gôéengéa g’ôkumu aNzambé, géndégégéé, buétsé te nôgobeda éne ényôngéô Nzambé, éôtéa égobeda na éne éApharisien n’anigôi amige miaNzambé.

LUC TSANGO EAMOSOBA EMATENDA 20:16

Na amanigôa mbe: Vangaviga kumu éatsaga angayôha akeneyie abévani. Angeetsa tsagane muene môma. Ane amookôni ahmakina mbe: Aé ésangaba nane.

Romains 10:4

Ene émakônza Nzambé te mbe Christ te gédugédéô samigemie na mitômamie mimeetsô Moïse gômbe muetso ane eetsa Christ mitéma miaô eenanô na Nzambé ti eembe asaba n’oési.

Romains 2:20

Me te môékédi gôndé asi ôdungé, me te payi, mônigôi aanéngé. Metso mane ôakuméda ômuene gôébégô mige na mitôma miaNzambé misapata na mimadugu étsimama éetso na éodo éetso.

Romains 3:4

Aé. Ogie ôsangakoga. Ondé te ôbéôbéô. Nzambé asakoga. Ayanza te gô mônongoe wedi agépenganédé, buéyé mbe wa n’anyô oma muetso tôbaké asi oboe. Te gatôbeendu gô Matendeo MaNzambé mbe: Buedi mbe ôdenganô gébé n’oboe gô éne évovo éwe. Buedi mbe ôétso mitayi vangatsundédu éwe.

Romains 3:6

Ivô me nanôbeenda mbe, kaka nane. Nzambé mbe asaba na mitayi ?nayee angoongôa étsundéda oma muetso ava tsina-a?

Romains 4:14

Okô mbe mikuanyamie mindé te gôndé agobedi andongi na mige na mitôma miaNzambé atévo, tambô ôvanga ômavanga Nzambé ôsaba na tsoongo gôndé ane asatsuma Nzambé paga. Na ahngô akina paga na eetsa Nzambé mitémamie mbe te bobo.

Romains 7:22

Gô tsina amôtémami nanyôngéô mige miaNzambé ti nyôngéô.

Romains 7:25

Tôkumédékéni Nzambé gô ina aKumu asô n’anyô Jésus-Christ. Buéyé mbe g’ôtô ami amôma nandé gô tsina otômu amane mabévani, ivô gô môtémami nandé gô tsina otômu aNzambé.

Romains 8:4

Tambô gôndé wa n’anyô tôndé n’evamba na Gédidi SaNzambé, na tôsadigaadô gô ébéva gamabôtu we, ndongi na mitôma na mige miaNzambé misadaga égobeda.

I Corinthiens 9:21

Te mônongovo vadigaa me va gatse ane asamenya mige miaMoïse me dôta tsamikenea gômbe nangaweseda omeaa na gôndé Nzambé. Kaka mbe nakina égobeda mige miaNzambé. Nagobeda mitôma miamuene Jésus‐Christ.

Galatie 2:19

Gôébégô éamigemie mine ékegea te nane. Me namayôhu gôébégô éamiangô buta mbe naba monyovo na Nzambé. Vamakomedu Christ va gésumu sowa te na me muetso.

Galatie 2:21

Me tsakina ngeba yaNzambé. Okô mbe te mitôma na mige miaNzambé minyepeda môma ti eembe asaba n’oési va mbene aNzambé, tambô Christ amawa te bobo.