Romains 3:29 - New Testament in Mitsogo

²⁹ Me Paul, nanôévôa mbe: ?Nzambé, te Nzambé éAjuif atévo-a? ?Tambô asaba Nzambé éoma muetso-a? Te na gô pie andé te Nzambé éoma muetso.

Romains 3:29 ပူးပေါင်းရင်းမြစ်များ

Matthieu 22:32

Me te Nzambé éneegeda Abraham na Isaac na Jacob. Nzambé te Nzambé ane adôngani, kaka Nzambé ane amawani.

Matthieu 28:19

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.

Mayanzame 10:34

Vane te vamasiia Pierre mbe: Tambô na gô pie, nanigôgéyiô deo noo mbe Nzambé asatatôa oma.

Mayanzame 22:21

Vane Kumu Jésus amoomba évovo n’ami mbe: Kiaka. Nagôtôma na gô dipo tungu yagôtongoni disibuéô na mbeego. Kiaka na gôndé mavo mongo masaba Ajuif.

Mayanzame 26:17

Nagôkudéga va gatse Ajuif n’avo oma. Agôtsôpeye, me nangagôwata gô mogo maô.

Mayanzame 9:15

Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi.

Romains 1:16

Me tsookô tsoyi gôénigôa Tsangône Eamôsôba éaJésus-Christ. Tsangô nedué étômenyeda ngudi yaNzambé dioboo muetso eetsa angô mitéma miaô. Mapangame te Ajuif. Buéyé n’ane asaba Ajuif.

Romains 10:12

Tambô gôndé Ajuif na ane asaba gô éongo éAjuif gôsaba éômbé ébaé. Kumune éaô te épo. Akaba mane medi mamisôba na gôndé muetso ahwesea na gôndé angô gôémôduka.

Romains 15:16

Amasevoa me gôéba môyanzi aJésus-Christ gôndé ane asaba Ajuif. Eyanzee éami te gôénigôa ane asaba Ajuif Tsangô Eamôsôba émaviga gôndé Nzambé. Nayanza gameenda môdeekedi adigondoku. Nadeekeda ane asaba Ajuif ôbiia na gôndé Nzambé. Gô ngudi yaGédidi sedi, Nzambé asinga ôgondokue ône.

Galatie 3:14

Emabaka te nane gôndé Jésus gômbe mate mameetsa Nzambé Abraham, mangeetsô dôta gô ngudi yaJésus‐Christ gôndé ane asaba gô éongo éAjuif. Na gômbe vasatsuma wa n’anyô ngudi yaNzambé paga gôémôétsa mitémamie, atôétsa Gédidi sedi gamavangangô.

Ephésiens 3:6

Nôeni étasa éaNzambé émabaka ga éav’esooe, te éangôéé. Gô ngudi yaTsangô Eamôsôba éaJésus‐Christ, ane asaba Ajuif amagésu n’Ajuif gôédiia mikuanya mimakôkéga Nzambé gôndé omedi, ane asaba Ajuif aka ôtô ôvo n’Ajuif. Ovanga ômavanga Nzambé gôndé ahngô muetso ôenanô gôndé Jésus‐Christ.

Colosses 3:11

Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.