Romains 3:27 - New Testament in Mitsogo

²⁷ ?Gôndé wa n’anyô oma tôndé na mitayi gôényemôga mbe nandé kuanakue, môma amavôma-a? Aé, tôsoongôa évovo nane. ?Gôndé? ?Te gôgobeda we mige na mitôma miaNzambé-a? Aé, ébégôe ésaba gô mayanza na gô mige. Endé te gôétsa môma Jésus môtémedi wetso.

Romains 3:27 ပူးပေါင်းရင်းမြစ်များ

Marc 16:16

One eetsa môtémedi na eetsô bateme, te angô angoobouni. Ivô ône aseetsa môtémedi angeesédu na g’ôwa.

Jean 3:36

One eetsa môtémedi wetso na gôndé Jésus, Muana ANzambé, andé na monyo amôbô na môbô. One aseetsa môtémedi wetso na gôndé Jésus asaba na monyoe ône ta na pesu na Nzambé amôena ôpisa.

Romains 10:5

Oôkôni éne ématenda Moïse gôndé ane akanéga égobeda mitôma na mige miaNzambé gôétsimamédu va mbene edi. Moïse mbe: One agobeda migemie, adige pitsi yetso te gô miangô.

Romains 11:6

Amasevoa omedi gô ngeba yedi, kaka gô ényepa éaô gômbe ngeba yaNzambé dienanô mbe te ti ndi ngeba. Mbe amasevoaka omedi gô mayanza maô mamisôba, ngeba yaNzambé mbe disamenyanganô.

Romains 2:17

Ivô me navovo n’ewe ôakuméda mbe: Me Môjuif. Môtémoo wetso ôndé gôékenea migemie ga meba magô ôvéé. Na ônyemôga gô Nzambéne éoo.

Romains 2:23

Ewe ôkuméda mitômamie na migemie, ivô ôkô ôsagobeda miangô ôndé gôéenza Nzambé ône amakitsa miangô.

Romains 3:19

Tôsabômu mbe migemie mimakitsôni mindé te gôndé ane adigaa gô tsina amiangô. Gô mitôma na mige miaNzambé gôsaba môma angayuuéga gô miangô. Na vane oma muetso ava tsina tôésédu te gô miangô.

Romains 4:2

Nzambé ameena Abraham ti eembe asibé n’oési va mbene aNzambé. Amamôena nane, kaka gô mayanza medi mamisôba na gô gékeneo sedi samige na mitôma miaNzambé. Mbe amadiia te gô mayanzame medi, Abraham mbe amaakuméda amuene.

Romains 7:21

Gô môtémami gôndéké ébégô éagéndégégé édékéda me gôékina éénda mane mamisôba mbe neendaka te mane mabévani.

Romains 7:23

Buéyé mbe namenya mane manyôngéô Nzambé mamisôba, g’ôtô ami gôndéké yene ébégô éagéndégégé égenya na mane mamenya me. Na éangô ékata me gô ésengo éedi mbe nayanza te mabévani matévo gatômu me na ôtô ami.

Romains 7:25

Tôkumédékéni Nzambé gô ina aKumu asô n’anyô Jésus-Christ. Buéyé mbe g’ôtô ami amôma nandé gô tsina otômu amane mabévani, ivô gô môtémami nandé gô tsina otômu aNzambé.

Romains 8:2

Gôébégô ôtômu aGédidi SaNzambé, géne gétôvambéda monyovo na Jésus-Christ, gémayuua me g’ôtômu amabégô mabévani na g’ôtômu owa.

Romains 9:11

Ivô Nzambé andé na étasa éedi gô éne évangangô gôésevoa omedi. Abambéa oma ganyôngéô amuene géboné mane mayanzahngô. Tasani gamavovo Nzambé na Rebecca na vane nôngamenya mbe Nzambé asapenganéda gô éne évangangô. Amavovo na Rebecca, anedi madeo asibôtu na madeo asiyanza mamisôba na mabévani. Nzambé amavovo mbe: Pene angayanzéa môdimine.

Romains 9:31

Géé ana aIsraël, amakanéga ékenea mige na mitôma miaNzambé gôétsimamédu va mbene edi. Na ahsiôngôé étsimamédu.

Romains 9:32

?Gôndé? Gôébégô ahsimenye éwesea na gôndé Nzambé gôémôétsa mitéma miaô gébé na buétsé. Ahmakanéga éanyepeda anguene va mbene aNzambé gô mayanzame. Amooka ébaku étaé épôngéda oma. Te gatônigôu na Matendeo MaNzambé mbe:

I Corinthiens 4:7

?One amanyepeda éwe mbe ôsaba gandé akoo indaa? ?Kaka Nzambé‐a? Eetso éndé n’ewe te Nzambé ameetsa éwe éangô. Endéké te nane. ?Onganyemôga ômuene gô éne éndé n’ewe nayee? ?Osidiié éangô éetso te ôbiia‐a?

Galatie 2:16

Béyé nane tôsabômu mbe môma aseenanô na Nzambé ti eembe asaba n’oési tsangô mbe akenea mitôma na mige miaNzambé. Ivô andé gébé n’oési va mbene aNzambé te gôétsa angô Jésus‐Christ môtémedi wetso gémôtsumé paga. Na we dôta tômeetsa Jésus mitéma miasô gôéba gébé n’oési va mbene aNzambé, kaka gô ngudi yegékeneo samige miedi ivô te gôsatsuma we Jésus paga. Gôsaba môma andé n’etsimama va mbene aNzambé tsangô mbe akenea mige miedi.

Galatie 3:22

Ivô Matendeo MaNzambé matônigôa mbe: Tsinane nyetso éndé gô tsina éangudi yamabégô mabévani, buta mbe ôvanga ôngadugédu gôndé ane eetsa Jésus‐Christ mitéma miaô gébé na paga.