Romains 3:25 - New Testament in Mitsogo

^25-26 Nzambé amadeekeda Jésus ôgondoku ômayôhuni gôénikéa évambéda oma n’amuene. Gô ngudi yowedi, Christ asingéa kokoo gôndé ane eetsa angô mitéma miaô. Te gô éne tôena étsimama éaNzambé. Va mbeego Nzambé amabibéda mane mabévani mamayanza oma gésisédé ahngô. Ivô ndéône, géesédéô sedi gésapengana. Na dôta gô étsimama éedi, atsimaméda muetso ane eetsa Jésus mitéma miaô ti eembe ahsaba n’oési.

Romains 3:25 ပူးပေါင်းရင်းမြစ်များ

Jean 6:47

Me nanôbeenda ébégôé éapie édué mbe, ône eetsa me môtémedi wetso andé na monyo amôbô na môbô.

Mayanzame 14:16

Va mbeego Nzambé amatsika oma muetso gémôanza gôékea gô nzéaye dimanyôngéô ahngô.

Mayanzame 15:18

Oôkôni éne émavovo Kumu Nzambé ône asabômu mabégô mema bandôa va mbeego.

Mayanzame 17:30

Nzambé asabonodô ndéône émabaka môma g’ôdungé, angô gébeendu. Deo noo Nzambé abambéa oma muetso asi tsengeye yetso mbe: Koani mitéma mianyô gôéba wene mônongo.

Mayanzame 2:23

Jésus madeo asibôtu, Nzambé amamenya mbe oma angamôkaba. Te ône amakomedanye va gésumu sowa. Nômamôyôhéda na mogo moma asagô.

Mayanzame 3:18

Va mbeego Nzambé ameeveda wa n’anyô g’ôgi apandôédi muetso amatasa medi mbe Christ, ône amasevoangô, angeena maguga. Na amameena te gô éne émeendanye.

Mayanzame 4:28

Ewe Nzambé ômasinga ahngô gôéénda éetso émeendahngô te gô ényangee éoo. Te gamamenya éwe va mbeego mbe ébégôe éngaba te nane.

Romains 2:4

Tambô vabibéda Nzambé na suii na veenéa angô abévi akoa mitéma miaô gôéba wene mônongo ?éwe ôenza Nzambé na ôkanéga Nzambé-a? Osamenya mbe ngeba dienanô éwe na Nzambé dindé mbe ôngakoa môtémoo na mônongoe woo.

Romains 5:1

Endé te nane. Wa n’anyô tômeetsa Jésus mitéma miasô n’anyô gémôtsumé paga, tôenanô na Nzambé ti eembe tôsaba n’oési. Na tôdigaa n’edi na gétabé gô ngudi yaKumu Jésus-Christ.

Romains 5:11

Na ésakôdéa na mane. Wa n’anyô tôtsôkéa Nzambé gô ina aKumu asô n’anyô Jésus-Christ, ône amatôvambéda na Nzambé.

Romains 5:18

Géesédéô soma muetso gématsiga te gô ébévee éamôma môvo, Adam. Gékusédéô sagô môtsundu gôéba na monyo, gématsiga gô étsimama éamôma môvo asaba n’oési, te Jésus-Christ.

Romains 5:9

Gô ngudi yowa aJésus, wa n’anyô tôka gébé n’oési va mbene aNzambé. Na va ngongone vane, atôyuua g’ôpisa aNzambé.

I Corinthiens 5:7

Nôtôani mibiemie midingini mine mialevure miebéva, na anye nôngaba oma amagôgéduni. Vane nôngagono na môpemba atsatsee ôsaba na ngôté gôébégô anye nôndéké môpemba ôsaba na ngôté. Suetine éaPâque te éne éaakô môpemba ôsaahndéduni na tôndé gôétsôkéa suetine gôébégô môpaga endombo aPâque ômayôhu gôndé wa n’anyô te Jésus‐Christ.

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

Ephésiens 1:7

Gôébégô wa n’anyô tômoobou na tômasingéô kokoo gô ébévee éasô n’anyô gô ngudi yowa aChrist, ône amatômu na Nzambé. Te gô ébégôe éne tôene gayekégéa ngeba yaNzambé gôndé wa n’anyô.

Ephésiens 2:13

Anye nômatongoniaka na Nzambé, nôka deo noo évambevo na Jésus‐Christ. Gô ngudi yowa aChrist nômawesedu na gôndé Nzambé.

I Timothée 1:15

Bangôa ébégô édué ésangakoga na éndéké évôni na ényepa ôkôngéda éangô gébé na paga. Ebégôe te mbe: Jésus‐Christ amaviga gôédigaa va gatse oma gôéoboo ane amadimbanani gô ébévee éaô. Va gatse ahngô me namootéa ébéva.

Hébreux 10:4

Menyani mbe nzina yataba na yapagasa disibé na ngudi ta na pesu, gôénôtôa môma ébévee éedi.

Hébreux 11:14

Vamavovo ahngô nane, miso maô mamabono nyene tsenge, te éne éapie.

Hébreux 11:17

Gômeetsa Abraham môtémedi wetso na gôndé Nzambé gétsumé mitôma miedi paga amamôgobeda gôédeekeda muanedi Isaac ôgondoku vamakanégu angô na Nzambé. Muanee ône te muanee ovanga aNzambé n’Abraham. Eébéyée nane, Abraham asikékôé ôgi aNzambé gôéyôha muanedi ékika gôémôdeekeda ôgondoku.

Hébreux 11:7

Noé ameetsa Nzambé môtémedi wetso na asitsumé meevédéô maNzambé paga. Buéyé mbe gamabakangô madeo asiena éne émavovo Nzambé mbe éngabuéa, Noé amasaa mbôngône. Angô na gévia sedi amoobou. Gôsibé Noé na paga, mitayimie mimeetsô angô na Nzambé mimeeséda oma muetso. Gôsitsumé angô Nzambé paga, Noé ameetsô n’edi ôséngu.

Hébreux 9:28

Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.

Hébreux 9:5

Va ngongo agégaa géne gômabaka gégoni gémapakôni sasi g’ôba. Gégonige gématubédaka mbe Nzambé andéké éva. Papaye y’asi g’ôba dimawanya gôépika tungu émeenanô ngeba yaNzambé. Te tungu émadeekedu ôgondoku ôsingéa môma kokoo gô mabégô medi mabévani. Ivô gôsaba ndéô gôénigôa metso mane.

I Jean 1:10

Okô tôénda mbe: Me tsaba na ébéva, tôénda Nzambé mbe môpati. Na mabégô medi masaba gôndé wa n’anyô.

I Jean 2:2

Amuene Jésus‐Christ amadeekedu na Nzambé gôéwa gômbe ébévee éasô n’anyô ésingéô kokoo. Kaka éne éasô n’anyô étévo ivô te na éne éoma muetso.

I Jean 4:10

Etondo ékegea mbe, kaka mbe wa n’anyô tômanyôngéô Nzambé ivô te Nzambé amanyôngéô wa n’anyô na amakudéga Muanedi Jésus. Mbeka nane ébévee éasô n’anyô mbe ésisingéô kokoo.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.

Gétsutsuéô 20:15

One asangadenganô inedi ématendu gô miganda miamonyo angagunyu na gô mungu asoto.

Gétsutsuéô 5:9

Ahmatôa émbô éamanza mbe: Ii, te éwe, gôndé éwe te kuanakue gôébongo migandamie na gôépunzua mikatékômie. Gôébégô éwe te ômayôhuni. Na g’ôwee woo ômavanéa Nzambé gôndé omedi. Gôndé omeaa amasevou gô mongo metso na gô yôgi yetso na gôndé oma muetso atsenge yetso yagô tsina.