Romains 3:23 - New Testament in Mitsogo

²³ Omee muetso eenda mabévani na andé amaagana na Nzambé n’ondômbee ôndé n’edi.

Romains 3:23 ပူးပေါင်းရင်းမြစ်များ

Romains 1:28

Oma amagônga Nzambé gô disôba yaô mbe: Tôsamenya ône. Na Nzambé amanzeegeda ahngô na matasa maô magô évitsi, n’esima éaô éasagô, ésanyôngéô Nzambé.

Romains 11:32

Nzambé amasinga mbe oma atsôpu muetso te mônongovo gô tsôgôô éagékékôéôge saô gékékôa ahngô ôgie wedi, gômbe ngeba yedi dingeenanô dôta gôndé muetso te mônongovo.

Romains 3:19

Tôsabômu mbe migemie mimakitsôni mindé te gôndé ane adigaa gô tsina amiangô. Gô mitôma na mige miaNzambé gôsaba môma angayuuéga gô miangô. Na vane oma muetso ava tsina tôésédu te gô miangô.

Romains 3:9

Ovénga. ?Tambô wa n’anyô Ajuif tôôtéa ényepa n’akasô-a? Gôsaba. Me Paul namani énônigôa mbe Ajuif, n’oma muetso tôndé te mônongovo. Na tôndé muetso gô tsina otômu amabégô mabévani.

Romains 5:2

Gô ngudi yaJésus, ône ameetsa wa n’anyô mitémamie, tôndé tômasipéduni gô nzéane éedi na tôwesea gôédiia mate maNzambé. Tsoongone éasô n’anyô étôtsôkéani te mbe tôngaba vavo n’edi g’ôndômbedi.

Galatie 3:22

Ivô Matendeo MaNzambé matônigôa mbe: Tsinane nyetso éndé gô tsina éangudi yamabégô mabévani, buta mbe ôvanga ôngadugédu gôndé ane eetsa Jésus‐Christ mitéma miaô gébé na paga.

1 Thessaloniciens 2:12

Tômakasôgéda anye na tômasuméda anye mitéma. Tômeekéda anye na môvinéné mbe: Digaani ganyôngéô Nzambé, ône amabambéa anye gôéengéa g’ôkumu edi na gôégésangana g’ôndômbee wedi.

II Thessaloniciens 2:14

Nzambé amanôbambéa gôédiia géobogeo, te gô ngudi yaTsangô Eamôsôba émeekéda we anye. Amanôbambéa mbe nôngagésangana ôndômba ôvo na Kumu asô n’anyô Jésus‐Christ.

Hébreux 4:1

Nzambé amavanga na wa n’anyô ôvanga mbe tôngeengéa na gô tungune éngavôgima wa n’anyô n’edi. Bakani na gomo na ékéna kabaga tôsanéa ta na môvo gôéengéa gô gévôgiméôge géne.

I Pierre 4:13

Eébéyée nane tsôkéakani g’ôkabô ômadiia anye gô maguga mameena Christ. Mônongovo gangatsôkéanye na gényônga gémootéani vangatsutsuga ôbébayi ôtubéda ôndômba aJésus.

I Pierre 5:1

Natenda ndongi yedi gôndé anye nôndé peeye yenyanga gô mbumu éaNzambé. Me nandé payi gandé anye. Me nandé mbangi gô maguga mameena Christ. Me nangadenga ôkabô g’ôndômba ôvigani.

I Pierre 5:10

Nzambé, Kumu éangeba yetso, amanôbambéa gô ina aJésus‐Christ gôéba g’ôndômbedi amôbô na môbô. Vangamana anye ésindéa maguga gô pesu aviyénza, amuene Nzambé anganôbôngaméda, anganôsipéda, anganôkasôgéda na anganôodeda pepe géniké ngima.