Romains 3:21 - New Testament in Mitsogo

²¹ Ivô ndéône, Nzambé andé gôékoa we tôka n’etsimama va mbene edi, ti eembe tôsaba n’oési, kaka gô ngudi yagékeneo samige miedi. Va mbeego apandôédi amatasa maNzambé na mitôma miedi ahmanigôa mbe:

Romains 3:21 ပူးပေါင်းရင်းမြစ်များ

LUC TSANGO EAMOSOBA EMATENDA 24:44

Te vane Jésus amabangôéda ahngô mbe: Nôeni, metso mane mamavovo me vamabaka me n’anye, mane mamatendu gô miganda miaMoïse na mine miapandôédi, na mine miamimbô, mimeevédaka anye mbe gôndé Jésus éngaba te nane. Menyani mbe mamani éenanô.

Jean 1:45

Gô mbene anzéa, Philippe amawanya na Nathanaël. Amamônigôa mbe: Tôenani na ône amavovoko Moïse gô miganda mimatendangô mige na mitôma na ndongi yaNzambé. Te ône amanigôa dôta apandôédi amatasa maNzambé. Te Jésus muana aJoseph, môsi mbôkane ééndô mbe Nazareth.

Mayanzame 10:43

Apandôédi muetso amatasa maNzambé amanigôa mane maJésus. Amanigôa mbe: Okô môma eetsa angô môtémedi wetso, gétsumé angô paga, angasingéô kokoo gô ébévee éedi gô ngudi yaina aJésus.

Mayanzame 15:11

Wa n’anyô tôsabômu mbe tômoobou te gô ngeba dimatôenanô na Kumu Jésus. Na Jésus ameena akasô ngeba te mônongovo.

Mayanzame 26:22

Ivô Nzambé amakenea me na ameebakanéda me ngu na deo noo. T’ebandô ôena me éva, na ôôkô me nandé gôénigôa ane ageage n’ane avôni éne émayanza Nzambé gôndé me. Me tsavovo mabégô mayekani. Mane mavovo me te mane mamanigôa Moïse na apandôédi amatasa naNzambé va mbeego mbe éngaba te nane.

Mayanzame 28:23

Amasevoa inya gôévovo na Paul. Nyoone amaviga ti ayekani na gô eba ômadigaa Paul. Bandôa vamaagiia nyee ngu na vameedangô, te andé wangô. Paul amasupua ahngô mabégôme mokumu aNzambé gômanigôa angô ômbanza aJésus. Amatanga mane mamatenda Moïse na mane mamatenda apandôédi amatasa maNzambé va mbeego gôénigôa mane maJésus. Paul amanyôngéô ékoa ahngô matasame mbe asinga Jésus.

Romains 1:17

Endé te nane. Tsangône Eamôsôba édué étônigôa gatsimaméda Nzambé wa n’anyô oma va mbene edi. Atôtsimaméda vatôétsa angô mitémamie gémôtsumé paga bandôa nyee amapanga ngu na nyee amôyusumédu. Te gatôbeendu gô Matendeo MaNzambé mbe: One asaba n’oési va miso maNzambé te mômane asamôtsuma paga na amamôétsa môtémee wetso. Angô andé na monyo.

Romains 1:2

Matendeo MaNzambé matônigôa mane mamavovo apandôédi amatasa maNzambé mbe: Nzambé amavanga mbeego mbe angatôkudégéa Tsangô éedi Eamôsôba.

Romains 16:26

Ivô ndéô nedué ématsutsuu na v’ekanga va miso moma gô mane mamatenda apandôédi amatasa maNzambé. Na vane Nzambé Amôbô na Môbô ameetsa ôtômu mbe éne émavanga angô gôndé oma éngatsuaô na gô tsenge yetso gômbe oma muetso angookô na angeetsa mitéma miaô gôégôbeda Nzambé gémôtsumé paga.

Romains 3:28

Metso mane, étsinee te édué. Nzambé eena môma ti eembe asaba n’ôési kaka gôgobedangô mige na mitôma miedi, ivô te gôétsangô Jésus môtémedi wetso gétsumé Nzambé paga.

Romains 5:19

Vamakékôa Adam akékôa ôgi aNzambé, ameengéda oma ayekani gô tsôgôô amabégô mabévani. Vamagobeda Jésus-Christ, agobeda ôgi aNzambé amakuséda oma ayekani gô tsôgôô éamabégô mabévani gôéba gébé n’oési va mbene aNzambé.

Romains 5:21

Va mbeego ébéva émabaka n’otômu gôétôétsa ôwa. Ivô ndéô yedi ngeba yaNzambé dindé n’otômu gô étsimama éedi gôétôétsa monyo amôbô na môbô. Monyoe ône ôndéké gôndé Kumu asô n’anyô Jésus-Christ.

Romains 9:30

?Tôngeendani vita nayee? Ekegea te nane. Ane asaba gô éongo éAjuif na asibuta étsimama ényôngéô Nzambé, ahmatsimamédu vameetsahngô Nzambé mitéma miaô gébé na buétsé, gôéenanô n’edi ti eembe ahsaba n’oési.

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

II Corinthiens 3:9

Môtômine amaviga gôéeséda oma amabuéa n’obébayi ondômba. Tambô na môtômine aviga gôétsimanéda oma va mbene aNzambé ?asangaviga n’obébayi ôôtéani ôtubéda ôndômba wedi‐a?

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

Galatie 3:8

Matendeo MaNzambé matôévéda ébégô madeo ésibuéa mbe gôndé ane ahsaba gô éôngo éAjuif, Nzambé angeena angô ti eembe asaba n’oési te vasatsumahngô ngudi yaNzambé paga. T’ebandô Abraham ameevédu ébégôe éamôsôba mbe: Nzambé angeetsa mate gôndé mongo metso mava tsina gô ineoo.

Galatie 5:5

Ivô gôndé wa n’anyô tsoongone éasô n’anyô te mbe tôngatsimamédu na Nzambé ti eembe tôsaba n’oési. Te éne étôenéani gô ngudi yaGédidi SaNzambé géne géyanza veetsa we Nzambé mitéma miasô n’anyô.

Philippiens 3:9

Nanyôngéô éba môvo n’edi. Tsoongôa éénda mbe gôkenea me mige mia Nzambé me tsaba n’oési va mbene éedi. Tsabômu mbe neenanô na Nzambé ti eembe tsaba n’oési, te gômeetsa me Christ môtémami wetso gémôtsumé paga. Amuene Nzambé amakônza nzéane mbe ôkô môma eetsi Jésus‐Christ môtémedi wetso gémôtsumé paga, me Nzambé nangamôbono ti eembe asaba n’oési.

I Pierre 1:10

Apandôédi amatsa maNzambé ahmavasa na môvinéné ôvôni gôébuta émenya gakegea géôbogeo. Géobogeoge géne te géne gémeetsô anye ôbiia na Nzambé.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.