Romains 3:2 - New Testament in Mitsogo

² Ii, na gô pie gômabôtu éwe gô éongo éAjuif, ôndé n’ebégô. Ogi aNzambé ômapanga ébuéa te gôndé Ajuif.

Romains 3:2 ပူးပေါင်းရင်းမြစ်များ

Jean 5:39

Anye nôvasa Matendeo MaNzambé, nôbuta édiia monyoe amôbô na môbô ôtasanye mbe ôndé gô mangô. Tambô mangô te mbangi énigôa gôndé me.

Mayanzame 7:38

Bangôani mbe Moïse te ône amakénga na omee asô n’anyô gô tsenge émagasani. Amabaka na peeye yasô n’anyô. Amabaka gékambi va gatse ana aIsraël na môsi g’ôba amavovo n’edi gô ngongo amôkôdi aSinaï. Ameetsô na Nzambé mabégô mavôni matôétsa monyo, na amatsika mangô gôndé wa n’anyô.

Romains 1:2

Matendeo MaNzambé matônigôa mane mamavovo apandôédi amatasa maNzambé mbe: Nzambé amavanga mbeego mbe angatôkudégéa Tsangô éedi Eamôsôba.

Romains 2:18

Osabômu éne ényôngéô Nzambé na dôta ndongi na mige miékéda éwe gôésevoa mane mamisôba gôéénda mangô.

Romains 3:1

?Omenya mbe ôngadiia sôma, tsangô mbe ôndé Môjuif? ?Gégeetéô sesôga éAjuif géndé na tsoongô-a?

Romains 3:3

Na gô pie avo va gatse aô amatsuma Nzambé paga. ?Ivô pagaye yaô dingakoa ôgi aNzambé mbe ôsaba na ngudi-a?

Romains 9:4

Ebandôe yaô te tétaô Israël. Nzambé amasingéa ahngô mbe: Anami. Amabambana n’ahngô na ôbébayi ôtubéda ôndômbee wedi wetso. Amaba n’evamba évôni n’ahngô. Amakitséa ahngô mige miedi na amatôma ahngô mitôma miedi. Amatubéda ahngô mônongo ôneegedu amuene. Ameetsa ahngô divanga yedi.

I Corinthiens 9:17

Mbe te memuene namateka éyanza éyanzee édué, me mbe nanôduka dode. Ivô me nameetsô éyanzee édué te iitsôgô tambô nayanzéké gamatômu me.

II Corinthiens 5:19

Endé te nane. Nzambé amayanza na Jésus‐Christ gôénikéa évambéda oma n’amuene géboné ébévee éasô n’anyô oma. Na amatôtôma tungu yetso gôénigôa tsangô éevamba émavangangô.

Galatie 2:7

Ivô ahmamenya na gô pie mbe Nzambé ameetsa me éyanzee éekéda Tsangô Eamôsôba gôndé ane ahasaba gô éongo éAjuif, mônongovo gameetsô Pierre gôéékéda Tsangô nene gôndé ane amabôtu gô éongo éAjuif.

I Timothée 6:20

Ah muanami Timothée, kenea n’ekenge éne émeetsô éwe na Nzambé. Ombiookô mavovia mavôni mapengana na mabégô maNzambé manganigôa asi géneenga gésaba sapie. Ane eenda mbe: Tôsabômu mabégô metso. Tambô.

Hébreux 5:12

G’edingéa anye go mabégô mema nôndé ngu goeekéda akanyô. Géé anye, nôgébutaka éékédu. ?Tambô anye madeo nôsinigéô mabégôme mamapanga maNzambé mameekédu anye‐a? Anye nôsoongôa éaa môyakô ôodôni. Nônyôngéô te ényua ôbuba.

I Pierre 4:11

One asabômu évovoni, anigôé akedi meekédu maNzambé. One asabômu éyanza na mogo medi ayanzé akedi gô ngudi yaNzambé. Gômbe gô mabégô metso kumane éngabata na gôndé Nzambé gô ina aJésus‐Christ. Ondômba na ôkumaka na ngudi dindé gôndé Jésus‐Christ gô môbô na môbô. Amen.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.

Gétsutsuéô 22:6

Môsi g’ôba amoomba évovo na me Jean mbe: Mabégô mema te mapie na moongôa môma eetsa môtémedi gôématéndéda. Menya mbe Kumu Nzambé, ône ameetsa Gédidi sedi na gôndé apandôédi amatasa medi, te ône amakudéga asi g’oba ayanziedi gôétubéda ayanzi edi agô tsina mane masangaamba ébuéani.