Romains 2:8 - New Testament in Mitsogo

⁸ Ane akina Nzambé na akékôa mabégô medi mapie na asuméa keaga gô mane mabévani, Nzambé angatubéda ahngô ôbagee wedi na ôpisedi na ôvembee wedi.

Romains 2:8 ပူးပေါင်းရင်းမြစ်များ

Romains 1:18

Endé te nane. Nzambé atubéda ôpisedi ôviga g’ôba. Nzambé eena ôpisee gô ébéva éamôma na gô mabégô metso mabévani mayanza oma. Mayansa maô mabévani meebakanéda mabégô mapie mbe kabaga meenanô.

Romains 10:16

Ivô kaka muetso amasinga Tsangô Eamôsôba éaJésus-Christ. Môpandôédi amatasa maNzambé, Esaïe ameevôa Nzambé mbe: ?Kumu ône ameetsa môtémedi gô meekédume masô, indaa?

Romains 15:18

Tsangoongôa éakuméda memuene buétsé te gô mane mayanza Christ na me Paul gôéweseda ane asaba Ajuif na gôndé Nzambé gôémôgobeda. Christ amayanza na me gô mavovia na gô môdigedi.

Romains 6:17

Tôneegedekeni Nzambé. Va mbeego nômabaka g’ôvéga gôétômu na mabégô mabévani. Ivô ndéô nedué nômeetsa mitéma mianyô pepe gôégôbeda meekédu maNzambé mane mamadiianye.

Romains 9:22

?Gô éne éyanza Nzambé tôngamôsemba nayee? Nzambéamabibéda ti bibéda ane agono n’epedee ébônda ôpisedi gô minongo miaô miebungana. Tambô Nzambé andé na mitayi gôétubéda ôpisedi na ngudi yedi gôndé ahngô.

I Corinthiens 11:16

Gôndé ane anyôngéô étsumana paga gô ébégô édué, apangé éôkô édué. Gôndé wa n’anyô asi mbumu éaNzambé, édué kaka môtôma, ivô te mônongoe asô n’anyô gô eba aNzambé.

II Corinthiens 12:20

Me Paul nakebangana mbe kabaga tsanôdenga gaténdéda me. Na kabaga me dôta tsaba n’anyô gamaténdéda anye gôndé me. Mavooe kabaga nadenga dôta va gatse anyô masaganéda, na ngusu, na dipisa, na tatô, na matoki, na matsuavi, na dienza, na mabégô masagô.

Galatie 5:20

na égobeda mbumba yegoni, na maganga, n’adudanô anguene n’anguene, na masaganédana na ngusu, na dipisa, na misoso, na pingô yéômbé ésaba na vitôô gô mabégô maNzambé,

Philippiens 1:17

Géé avo, andé gôéékéda mabégô maChrist te gandé matséva gôéénda tsaé n’akaô. Ahngô anyôngéô ékôndéga panda yami na pieviane éôkô me gô môtéma gôndé me gô eba atsôgôô.

Philippiens 2:3

Gô metso mayanzanye, nômbiasinga gédidi satsaé gédigaa gôndé anye. Nômbieenda mabégôme gô nyemo gôébuta éôkanô. Ivô sugédani anyene. Buedi mbe môma na môma abé n’etasa mbe akasô ootéa avôni n’ami.

II Thessaloniciens 1:8

Asi g’ôba angavigédu na Nzambé atsiga na soto géyôani gôésiséda ane asineegede Nzambé n’ane asigobede Tsangô Eamôsôba éaKumu asô n’anyô Jésus‐Christ.

Tite 3:9

Tongonéa na masaganédame goégônga mangô. Masaba na tsoongo. Mangô te bikudu mitongoni miambeego, na misoso, na paga ditsuma môma gô mitôma na mige miaNzambé. Vadigaa môma gôévovo mangô, atsogo te bobo, gébé na tsoongo.

Hébreux 10:27

Okô tôdigéyi n’osôbee asô gô mabégô mabévani gôsabadô yene ébégô, te gomo ôtévo gô éne éngabuéani. Ene éngabuéani te môtsundu ôvôni aNzambé na soto géseemakani gékeneo gôndé adudeo aNzambé.

Hébreux 11:8

Abraham ameetsa Nzambé môtémedi wetso na asitsumé môtôma aNzambé paga. Amamôgobeda gôékea na gô nyene tsenge éméétsô angô na Nzambé ga mikuanya. Abraham amatôta go tsenge éedi gémenye gô tsengene ékeangô.

Hébreux 5:9

Vane vamanangô ésipa, ti v’ekôdéô éasipaga, amakoga aka ébandô éagébogeo samôbô na môbô, gôndé muetso amôgobedani.

Jacques 3:14

Okô gô mitéma mianyô nôndé na ngusu na kébuma nônakuméda anyene mbe, tôndé n’eodo. Nômbiapatéda gô mane mapie.

Jacques 3:16

Gôébégô gô tunguye dindéké ngusu na kébuma didenganô dôta na mabégô masagôsagô na mane mabévani.

I Pierre 3:1

Anye ageto ookéôni omée wanyô. Buéyé mbe avo amôgôô asagobeda Mane Mamavovo Nzambé, angô angeetsa Nzambé mitéma miaô, kaka go meekédu na ndongi yanyô ivô te veenahngô midigédi mianyô ageto.

I Pierre 4:17

Géyénza gébuéyi, géne gébandôa môtsundu. Oma aNzambé to angô apanga étsundédu na Nzambé. Okô môtsundu ôbandôi na wa n’anyô oma aNzambé ?ékôdéô éamôtsundue gôndé ane akina Tsangô Eamôsôba éviga gôndé Nzambé éngaba nayee?

Gétsutsuéô 14:10

Anye nônganyua gébungu géyôa n’opisa aNzambé ôsigésu na sôma gôésusua ôbagee. Anye muetso nômasinga Gényamanyama na gégonige sedi nôngabisa gô soto géyôa na mbônga ébévani, géndé va mbene asi g’ôba ayanzie aNzambé na Môpaga.

Gétsutsuéô 16:19

Môsenge ôvôni ômatatôga dikabô ditatô. Yebaye yagô misengemie mietso miava tsina dimapanzéga. Nzambé amabangôa môsenge ôvôni ôéndô mbe Babylone. Nzambé amanyuéséda môsengee ône gébunguge s’opisedi ôsaba na ngeba.