Romains 2:6 - New Testament in Mitsogo

⁶ Te nyee ôngadiia môma na môma gô éne émeenda amuene.

Romains 2:6 ပူးပေါင်းရင်းမြစ်များ

Matthieu 16:27

Endé te nane. Me Muana Amôma nangaviga g’ôkumaka wetso aTéta na ayanzi edi asi g’ôba. Nangeetsa môma na môma ngu na éne émeenda angô gô monyoe wedi.

Romains 14:22

Ene émani éwe évamba na Nzambé gô ébégôe édué, kenea éangô ômuene, anye na Nzambé gô môtémoo. Ti gô gényônga géndé n’one aseesédu vatsundédu angô na môtémedi amuene.

I Corinthiens 3:8

One agaabani na ône eetéa meba andé te mônongovo. Nzambé angeetsa ahngô môsenda kuanakue na éne émayanzahngô.

I Corinthiens 4:5

T’ebandô nanôbeenda mbe nômbiayavôga éeséda môma, ndéône émasevoa Nzambé madeo ésibuéa. Tôenékéni ngu na vangaviga Kumu asô n’anyô. Amuene angakuséda na v’ekanga mane mamasuégu v’esooe. Angatsutsuéda na matasame mav’esooe mandé gô tsina amôtéma amôma. Vane môma na môma angakumédu na Nzambé kumane éndé kuanakue n’edi.

II Corinthiens 11:15

Tambô na ayanzi edi eenda te mônongovo, ahngô abévani akanéga mane mamisôba. Esaba ébégô éatsapéô. V’ekôdéô angeetsô kuanakue n’ene éyanzahngô.

II Corinthiens 5:10

Gô éne éyanza we tôdônga na yôtô yedi tôngatsundédu vatema we va mbene aChrist. Tôngadiia, môma na môma, éne éndé kuanakue n’edi buéyé mbe mane mamisôba vo mane mabévani gamayanza wa n’anyô gô yôtô yedi.

II Timothée 4:14

Alexandre, môgubane, amatubéda me mabégô mayekani madagani. Amuene Kumu Nzambé angamôétsa éne éndé kuanakue n’edi.

Gétsutsuéô 2:23

Va ngongone vane nangayôha anedi. Na vane asi mbumu éaNzambé muetso ahngamenya mbe me navovoni ôdôô, te ône asabômu metso matasa môma na mane manyima môtémedi. Nangeetsanye môma na môma kuanakue n’ene émeendanye, môbévine angabévédu na mônyepine anganyepedu.

Gétsutsuéô 20:12

Nameena ane amawani na payi n’anéngé, ahndé mitie va mbene agédigaage sokumaka. Ebooto éamiganda émakukuu. Gévo gébooto samiganda gémakukuuni te géne samonyo. Ane amawani amatsundédu gô mane mameendangô mamatendu gô migandamie.

Gétsutsuéô 22:12

Jésus angô mbe: Oôkoni édué. Me nangôô navigani ône. Naka gô nzéa gôéviga. Ivô tsabadô gô nzéa, naka ti v’ombaa. Me naviga natsua môsendee te ôséngu gôndé môma na môma ngu na éne émeendangô.