Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Romains 2:29 - New Testament in Mitsogo

29 One andé na gô pie Môjuif asigeetu gô gékeneo samige mimatenduni, ivô amageetu na Gédidi SaNzambé gô môtémedi. One andé na gô pie Môjuif asakumédu na môma. Akumédu te na Nzambé.

အခန်းကိုကြည့်ပါ။ ကော်ပီ




Romains 2:29
27 ပူးပေါင်းရင်းမြစ်များ  

Kumu Jésus amanigôa angô mbe: Nôeni geendanye. Gô ébungue éanyô na gô épedee éanyô, nôsabômu éôvôa te gésa géngongo géenanôni. Géé va gatse nôndé nômayôa na manyima meesua, na ébévee éetso.


Môma asangavovo mbe: Bonoko, ôkumu aNzambé ôtsigi gô tungu asimbe na bôkaye. Vo, nôeni ôkumu aNzambé angôô. Menyani mbe ôkumu aNzambé ômani étsiga va gatse anyô.


Amootéa ényôngéô ékumédu n’oma na asinyôngéô ékumédu na Nzambé.


Gô ndéône évigani, na yangô émani éviga, Gédidi SaNzambé géétsa oma ngudi yeneegeda Nzambé, ône aseenanôni, angô kumune amabégô mapie. Nzambé anyôngéô aneegedie apie amôneegeda nane, pati tungu.


Nônyôngéô éakuméda anyene n’anyene. Anye nôsanyôngéô ékumédu n’amuene Nzambé. ?Nôngamôétsa mitéma mianyô nayee?


Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.


Menyani mbe mômôgôône asigeetuni ône akenea migemie angagôeséda, éwe ôsakenea migemie, buéyé mbe ôndé na miangô mimatenduni na ôndé ômageetuni gô gésôgage.


?Omenya mbe ôngadiia sôma, tsangô mbe ôndé Môjuif? ?Gégeetéô sesôga éAjuif géndé na tsoongô-a?


Ivô ndéô nedué, tôsabadô gô tsina otômu amige miaNzambé. Gôébégô tômani éwa na tômatsika éne émakataka we ga tôndé gô tsôgôô. T’ebandô tôyanzéa Nzambé wene mônongo. N’atsatsee tôyanza gô tsina otômu aGédidi sedi. Géé mbeego tômayanza gô tsina otômu amige miedi mimatenduni.


T’ebandô nanôbeenda mbe nômbiayavôga éeséda môma, ndéône émasevoa Nzambé madeo ésibuéa. Tôenékéni ngu na vangaviga Kumu asô n’anyô. Amuene angakuséda na v’ekanga mane mamasuégu v’esooe. Angatsutsuéda na matasame mav’esooe mandé gô tsina amôtéma amôma. Vane môma na môma angakumédu na Nzambé kumane éndé kuanakue n’edi.


Ogeetuye, ôsageetuyee ésaba ébégô. Ene éndéké ébégô évôni te gôégobeda mitôma miaNzambé.


Endé te nane. Okô môma asénga amuene, ôséngue ône ôsaba na tsoongo. Oséngue ôndé na tsoongo te ône ôséngu môma na Kumu Nzambé.


Te Amuene Nzambé amatôkoa tôka ayanzi edi eevamba éamanza éawene mônongo évambéda Christ. Evambee éamanza éne ésasipa na mige mimatenduni, ivô ésipa na Gédidi SaNzambé. Mige mimatenduni mibuéda ôwa na gôndé oma. Gédidi SaNzambé géétsa oma monyo.


Gégeetéôge saô kaka géne sapie. Géne sapie te géne sasô n’anyô tôseetsa mitémamie gô ésôgee na gô ésimee éotô. Tôtsôkéa te Jésus‐Christ na tôyanzéa Nzambé gô ngudi yaGédidi sedi.


Ivô éne ébuta we te gôévovo kuka yetso ganyôngéô amuene Nzambé. Amatôétsa ôséngue wedi. Amatôétsa na Tsangô éedi Eamôsôba. We tôsabuta ôséngu ôétsa môma. Tônyôngéô te ône aNzambé, môvasi na mômenyi amitéma miasô.


Ivô bakani n’enyepa ésenanôni éndé gô môtéma. Enyepee éagô môtéma ésagukani na ésakogani te éne éndé gô môtéma ômasumani na agébé na mikebanganô. Te éne ésingéda Nzambé.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ