Romains 2:25 - New Testament in Mitsogo

²⁵ Okô éwe Môjuif ôgebeda migemie na mitômamie tambô na gégeetéôge géne sagémbégéa sAjuif géndé na tsoongo. Okô ôsigobeda migemie na mitômamie tambô na gégeetéôge gésaba na tsoongo.

Romains 2:25 ပူးပေါင်းရင်းမြစ်များ

Mayanzame 7:51

Vane Etienne amabono ane amadenganôni. Na angô mbe: Ah anye oma akéndé. Mitéma mianyô mindé na bôpeeo na matôme manyô makina mbééane ébambéô anye na Nzambé. Nôkékôéa Gédidi SaNzambé mbe gésayanza gô mitéma mianyô. Anye nôgono na peeye yanyô.

Romains 2:13

Nzambé asanyôngéô ane ookô mabégô medi na matô matévo. Anyôngéô te ane ookô na agobeda mangô metso gamakitsa amuene na gamatôma amuene Nzambé.

Romains 2:23

Ewe ôkuméda mitômamie na migemie, ivô ôkô ôsagobeda miangô ôndé gôéenza Nzambé ône amakitsa miangô.

Romains 2:26

Tôkanéga te mbe: Okô mômôgôô asigeetu gô gésôga sAjuif ivô angô akenea mitôma na mige mietso ?Nzambé asangabono angô ga amageetu-a?

Romains 2:27

Menyani mbe mômôgôône asigeetuni ône akenea migemie angagôeséda, éwe ôsakenea migemie, buéyé mbe ôndé na miangô mimatenduni na ôndé ômageetuni gô gésôgage.

Romains 2:28

Nômenya mbe ône andé Môjuif te gô mônongoe wedi na gômageetu ôtôe wedi gô gésôgage sanyô tambô, Ojuifue te gô môtéma, kaka gô ôtô.

I Corinthiens 7:19

Ogeetuye, ôsageetuyee ésaba ébégô. Ene éndéké ébégô évôni te gôégobeda mitôma miaNzambé.

Galatie 6:13

Omeaa andé na gésima segeetu anguene asagobeda mige na mitôma miaNzambé. Abuta énôgeeteda ahngô ahkiaka anyemôga anguene mbe: Te we tôétsédi ahngô gémbégéa gô yôtô taô.

Galatie 6:15

Ogeetuyee, ôsageetuyee ésaba ébégô. Ene éndé ébégô évôni te gôékoga pepe wene mônongo amôma.