Romains 2:20 - New Testament in Mitsogo

²⁰ Me te môékédi gôndé asi ôdungé, me te payi, mônigôi aanéngé. Metso mane ôakuméda ômuene gôébégô mige na mitôma miaNzambé misapata na mimadugu étsimama éetso na éodo éetso.

Romains 2:20 ပူးပေါင်းရင်းမြစ်များ

Matthieu 11:25

Gô ndéô nene Jésus amavovo na Tétedi mbe: Ah Téta, Ewe Kumu atsina n’oba, nagôkuméda. Ewe ômatsutsuéda mabégô mavôni gôndé oma abobo mbe amamenya. Géé gôndé oma éodo, na oma agéneenga gévôni ômasuéga mangô.

Romains 2:19

Ondé n’etasa mbe: Me te môtévédi anzéa gôndé asi pogu. Me te gévede sane adigaa gô évitsi.

Romains 3:31

Tambô veetsa môma Jésus môtémedi wetso gébé na paga ?éndé te mbe migemie na mitômamie miaNzambé misabadô na tsoongo-a? Aé, kaka nane. Migemie na mitômamie mindé na nyene tsoongo éapie.

Romains 6:17

Tôneegedekeni Nzambé. Va mbeego nômabaka g’ôvéga gôétômu na mabégô mabévani. Ivô ndéô nedué nômeetsa mitéma mianyô pepe gôégôbeda meekédu maNzambé mane mamadiianye.

I Corinthiens 3:1

Na gô pie ana aTéta asi mbumu éaNzambé, me Paul tsiôngôé évovo n’anye gandé oma ahndé na Gédidi SaNzambé gô mitéma miaô. Ti anye gôsiôkô anye tambô navovo n’anye ga oma abôtu gô tsengene. Navovo n’anye nôndé g’anéngé avembo abôtiô na Christ madeo asiditéga mane meetsi ahngô mitémamie.

II Timothée 1:13

Ewe Timothée, bangôa mavovia mami mapie mbe te mônongoe ôngadeka éwe gôéékéda. Sipa na bôkédé gô nzéa éaJésus étôkeani édué na gô étondo éedi étôdiia gô vitoone éndé wa n’anyô na Jésus‐Christ.

II Timothée 3:5

Gô ndéôye dine, oma angagésangana gô gésôga ti eembe andé gôégobeda Nzambé tambô asavamba na ngudi yedi. Kina évamba n’omee amônongoe ône.

Tite 1:16

Eenda mbe: We tôsabômu Nzambé, tambô. Esimee na mayanza maô matubéda mônongoe waô ôsavambangô na Nzambé. Andé ga sôma gébooni sambônga ébévani. Akina Nzambé. Na asoongôa éyanza ta n’ebégô évo éamôsôba.

Hébreux 5:13

One anyua ôbuba te muana av’ebene. Asamenya éne éngeendangô gôésevoa mane mamisôba na mane mabévani.

Jacques 3:1

Ana aTéta agô mbumu éaNzambé mbe gôsibaké va gatse anyô ayekani eetsi andongi. Nôsabômu mbe, we eekédi, môtsundue asô ôngavasô gô mabégô metso.

I Pierre 2:2

Ganyôngéô muana av’ebene anyôngéô ôbuba, anye nyôngéôni mônongovo mabégô maNzambé metsimama gômbe vanganyua anye mangô nôngavunda gô géôbogeo.