Romains 2:17 - New Testament in Mitsogo

¹⁷ Ivô me navovo n’ewe ôakuméda mbe: Me Môjuif. Môtémoo wetso ôndé gôékenea migemie ga meba magô ôvéé. Na ônyemôga gô Nzambéne éoo.

Romains 2:17 ပူးပေါင်းရင်းမြစ်များ

Matthieu 3:9

Anye nôanyepeda anyene mbe: we te ana aAbraham. Nônatasa gô éne. Okô Nzambé anyôngéyiô ana aAbraham, andé na ngudi yekoa mataé mema maka ana aAbraham.

LUC TSANGO EAMOSOBA EMATENDA 10:28

Jésus angô mbe: Oaabéyi te kuanakue. Indaka te nane. Ongaba na monyo.

Jean 5:39

Anye nôvasa Matendeo MaNzambé, nôbuta édiia monyoe amôbô na môbô ôtasanye mbe ôndé gô mangô. Tambô mangô te mbangi énigôa gôndé me.

Jean 5:45

Kaka me nanganôsunda va mbene aTéta. One anganôsundani te Moïse, ône atanganédanye mbe tsoongone éasô te angô.

Jean 7:19

Nômatsikéô na Moïse ndongi na mitôma na mige miaNzambé ?kaka nane-a? Ivô gôndé anye, ta na môvo agobeda miangô. ?Anye nônyôngéô éyôha me gôndé?

Jean 8:33

Ajuif amatôna mbe: We kaka avéga. We te ana aAbraham na we tôsookô mbe tômadigaa g’ôvéga. ?Oénda we mbe: nôngoobou g’ôvéga nayee?

Jean 8:41

Anye nôénda gameenda tétee yanyô. Ajuif amasiia mbe: ?Ewe ômenya mbe we te ana amabôtu gô gésundi-a? We kaka ane amabôtu gô gésundi. Tôsaba na tétee diyekani. Tétene éasô te amuene Nzambé.

Romains 2:23

Ewe ôkuméda mitômamie na migemie, ivô ôkô ôsagobeda miangô ôndé gôéenza Nzambé ône amakitsa miangô.

Romains 3:27

?Gôndé wa n’anyô oma tôndé na mitayi gôényemôga mbe nandé kuanakue, môma amavôma-a? Aé, tôsoongôa évovo nane. ?Gôndé? ?Te gôgobeda we mige na mitôma miaNzambé-a? Aé, ébégôe ésaba gô mayanza na gô mige. Endé te gôétsa môma Jésus môtémedi wetso.

Romains 9:32

?Gôndé? Gôébégô ahsimenye éwesea na gôndé Nzambé gôémôétsa mitéma miaô gébé na buétsé. Ahmakanéga éanyepeda anguene va mbene aNzambé gô mayanzame. Amooka ébaku étaé épôngéda oma. Te gatônigôu na Matendeo MaNzambé mbe:

II Corinthiens 11:22

?Ane asingana n’anye te asi ôgi aHébreu‐a? Me dôta tsavovo gémbéta, me to môsi ôgi aHébreu. ?Ahngô te asi éongo éaIsraël‐a? Me dôta te môsi éongo éaIsraël. ?Tétaô te Abraham‐a? Na me muetso, téta te Abraham.

Galatie 2:15

Wa n’anyô tômabôtu gô éongo éAjuif tôsaba g’ane abévie ahmabôtu gô mavo mongo. Mavo mongo ékegea mbe ane ahsavamba na Nzambé.

Ephésiens 2:11

Me Paul navovo n’anye nôsibôtu gô éongo éAjuif. Te anye nôtetu n’Ajuif mbe: nôndé te ane asigeetuni, na anguene te ane amageetuni. Avovo nane te gô gémbégéa gékitsô gô yôtô yaô. Bangôani anyene éne émabakanye mbeego.

Gétsutsuéô 2:9

Angô mbe: me tsabômu magugame meenanye. Tsabômu n’osugee ôndé n’anye tambô, nôndé n’okiti. Me tsabômu mane matsuavô anye n’ane eenda mbe: Me te Môjuif. Tambô angô kaka Môjuif. Ahndé aneegedi aSatan.

Gétsutsuéô 3:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Sardes. Oôkéôni ndongiye divovo Kumu éedidi tsambué éaNzambé. Te ône asimbéda minanga tsambué. Angô mbe: Metso mane meendanye, me tsabômu mangô. Namookô tsangô mbe anye nôdônga gô mabégô maNzambé, tambô nôka ti gôpégôpé n’owa.

Gétsutsuéô 3:9

Oôkôni éne éngeenda me ane andé aneegedi aSatan. Ahngô apatie eenda mbe: We te Ajuif, tambô kaka Ajuif. Nangatsôpa ahngô nakudéga ahngô gôésiba mabongome va mbene anyô gôénôneegeda. Ahkinéyee. Gô éne ahngeena gootéa me ényôngéô anye.