Romains 2:15 - New Testament in Mitsogo

¹⁵ Gôwanya mine miamôma na mine miaNzambé mitubéda mbe Nzambé amatenda ndongi na mitôma na mige miedi gô môtéma amôma mbe angamimenya, angô gébeendu miangô. Buéyé na muanga amôtéma amôma, ône ôtsundéda angô gô môtéma amuene, ôwanya na migemie na te angô ôeséda môma ôési, vo ôétsa môma mitayi.

Romains 2:15 ပူးပေါင်းရင်းမြစ်များ

Jean 8:9

Vamookô amôgôô ôgie ône, mianga miamitéma miaô mimeeséda ahngô. Ahmakusa gô eba aNzambé môvo môvo, mapangame te pene. Môgetone amasanéa môtie va mbene aJésus.

Mayanzame 23:1

Paul amabono asi kundu épôni éAjuif gébé na tsoyi. Amavovo mbe: Ana aTétee n’ami, vatsundédu me na muanga amôtémami, ôseeséda me va mbene aNzambé ngu na deo noo.

Mayanzame 24:16

T’ebandô nagényôga gôédigaa kuanakue va mbene aNzambé na va gatse oma kabaga vatsundédu me na muanga amôtémami mbe ôeséda me.

Romains 2:14

Gôndé ane asibôtu gô éongo éAjuif na asamenya mitôma na mige mindé n’Ajuif, ivô ahngô akitsa mige mianguene na miangô miwanya na mine miAjuif. Andéké na migemie miakuanakue buéyé mbe misikitsô na Nzambé ga mine miAjuif.

Romains 2:27

Menyani mbe mômôgôône asigeetuni ône akenea migemie angagôeséda, éwe ôsakenea migemie, buéyé mbe ôndé na miangô mimatenduni na ôndé ômageetuni gô gésôgage.

Romains 9:1

Ene évovo me Paul tsapata. Me te môma aJésus-Christ. Muanga amôtémami ôtsundéda me memuene na ôwanyéda moonga na Gédidi SaNzambé gôétubéda me mbe tsapata.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

II Corinthiens 5:11

Wa n’anyô tôsabômu égobeda Kumu na gomo. T’ebandô tôtévéda oma mbe akoa matasa maô. Nzambé asabômu we v’ebandô na v’ekôdéô. Me Paul naténdéda mbe gô mitéma mianyô anye dôta nôsabômu me.

I Timothée 4:2

Angasinga étévédu nyene nzéa n’ôma enyepa éamiônya na apatie. Gômekaganô atévie ane na mabégô madiboe, mitéma maô mimamana éoodo ga mataé na misatsundéda ahngô go diboeye yaô.

Tite 1:15

One andé na môtéma ômagôgéani, mane medi metso te mamagôgéani. Géé ône andé na môtéma apaga ôsigôgéni, mane medi metso te masigôgéni. Gôébégô muangee amôtémedi ôndé gô évitsi ôsoongôa émôtsundéda.