Romains 2:14 - New Testament in Mitsogo

¹⁴ Gôndé ane asibôtu gô éongo éAjuif na asamenya mitôma na mige mindé n’Ajuif, ivô ahngô akitsa mige mianguene na miangô miwanya na mine miAjuif. Andéké na migemie miakuanakue buéyé mbe misikitsô na Nzambé ga mine miAjuif.

Romains 2:14 ပူးပေါင်းရင်းမြစ်များ

Mayanzame 10:35

Môma te môma, éongo te éongo, ôkô môma ookô Nzambé gomo na éénda éne ényôngéô amuene Nzambé, angô anyônganéô na Nzambé.

Mayanzame 14:16

Va mbeego Nzambé amatsika oma muetso gémôanza gôékea gô nzéaye dimanyôngéô ahngô.

Mayanzame 17:30

Nzambé asabonodô ndéône émabaka môma g’ôdungé, angô gébeendu. Deo noo Nzambé abambéa oma muetso asi tsengeye yetso mbe: Koani mitéma mianyô gôéba wene mônongo.

Romains 1:32

Asabômu mbe gôndé môtsundu owa va mbene aNzambé gô mabégô mayanzahngô mabévani. Buéyé nane, oomba te éénda mayanzame maô masagô. Na va ngongone vane atsôkéa vadiiangô môma gôéyanza mane mabévani meendahngô anguene.

Romains 2:12

Muetso ane eenda mabégô mabévani gémenye ndongi na mige na mitôma mimatsikéô we na Moïse, angawa gétsundédu gô miangô. Na gôndé muetso ane eenda mabégô mabévani amamana éôkô ndongi na migemie na mitômamie ahngatsundédu gô miangô.

Romains 2:15

Gôwanya mine miamôma na mine miaNzambé mitubéda mbe Nzambé amatenda ndongi na mitôma na mige miedi gô môtéma amôma mbe angamimenya, angô gébeendu miangô. Buéyé na muanga amôtéma amôma, ône ôtsundéda angô gô môtéma amuene, ôwanya na migemie na te angô ôeséda môma ôési, vo ôétsa môma mitayi.

Romains 2:27

Menyani mbe mômôgôône asigeetuni ône akenea migemie angagôeséda, éwe ôsakenea migemie, buéyé mbe ôndé na miangô mimatenduni na ôndé ômageetuni gô gésôgage.

I Corinthiens 11:14

Gabôtu wa n’anyô oma, tôsabômu mbe te tsoyi gôndé mômôgôô gôédigaa na tsôgé ditongoni.

I Corinthiens 9:21

Te mônongovo vadigaa me va gatse ane asamenya mige miaMoïse me dôta tsamikenea gômbe nangaweseda omeaa na gôndé Nzambé. Kaka mbe nakina égobeda mige miaNzambé. Nagobeda mitôma miamuene Jésus‐Christ.

Ephésiens 2:12

Gô ndéô nene nômabaka gôdagôda na Nzambé. Anye na Nzambé nôsimenyangané, nômabaka agenda. Nôsindenganô va gatse ane amasevou na Nzambé. Gô évamba émavamba Nzambé n’omedi gô ngudi yovanga ôvôni, anye nômabaka nômatatôuni. Nômadigaa gô monyo atsengene gébé na ébégô éeténdéda, na gémenye Nzambé.

Ephésiens 2:3

Wa n’anyô muetso tômabaka gandé ane akékôani. Tômadigaa gadigaahngô gôédugéda manyima mabévani mamabôtu na yôtô yasô n’anyô. Tômayanza mane mamatômu we na yôtô yasô n’anyô na édidi éasô n’anyô éasagô. Vamabaka we tôgébaka gamabôtu we, tômabaka gô tsina opisa aNzambé gôésisédu n’edi gandé akasô, ane agébaka wangô.

Philippiens 4:8

Endé te nane, ana aTétee. Bakani matasa manyô metso gô mane mamisôba na gô mane makumédu na Nzambé, na gô mane mapie, na mane meegoba, na mane metsimama, na mane mamagôgéani, na mane manyônganéôni na gô mane mandé kuanakue.