Romains 2:12 - New Testament in Mitsogo

¹² Muetso ane eenda mabégô mabévani gémenye ndongi na mige na mitôma mimatsikéô we na Moïse, angawa gétsundédu gô miangô. Na gôndé muetso ane eenda mabégô mabévani amamana éôkô ndongi na migemie na mitômamie ahngatsundédu gô miangô.

Romains 2:12 ပူးပေါင်းရင်းမြစ်များ

Matthieu 11:22

T’ebandô nanôevéda mbe gô nyaa amôtsundu gésisédéôge sanyô géngootéa na géne sasi Tyr n’asi Sidon.

Matthieu 11:24

T’ebandô nanôevéda mbe gô nyaa amôtsundu gésisédéôge sanyô géngootéa géne sasi Sodome.

Jean 19:11

Jésus amanigôa angô mbe: Mbeka Nzambé agôétsa ényanga éviga g’ôba, éwe mbe ôsoongôa étôma me. T’ebandô ône akabi me na gô mogo moo, ébévee éedi éotéa n’ene éoo.

Mayanzame 2:23

Jésus madeo asibôtu, Nzambé amamenya mbe oma angamôkaba. Te ône amakomedanye va gésumu sowa. Nômamôyôhéda na mogo moma asagô.

Romains 1:32

Asabômu mbe gôndé môtsundu owa va mbene aNzambé gô mabégô mayanzahngô mabévani. Buéyé nane, oomba te éénda mayanzame maô masagô. Na va ngongone vane atsôkéa vadiiangô môma gôéyanza mane mabévani meendahngô anguene.

Romains 4:15

Menyani mbe mige na mitôma miaNzambé mibuéda ôpisa na gôndé oma. Okô gôsaba mige na mitôma gôsaba dôta gékékôéô.

Romains 8:3

Migemie mimatsikéô we na Moïse misibé na ngudi gôndé oma gamabôtu angô gôébégô ébéva éamitéma mioma émamiyungéda. Ene ésiôngôé mige éyanza, amuene Nzambé amayanza éangô. Amakudéga Muanedi amagono na wa n’anyô oma abévani gôétônôtôa ébévee éamitéma miasô n’anyô émabôtu na môma. Na ameeséda éangô.

I Corinthiens 9:21

Te mônongovo vadigaa me va gatse ane asamenya mige miaMoïse me dôta tsamikenea gômbe nangaweseda omeaa na gôndé Nzambé. Kaka mbe nakina égobeda mige miaNzambé. Nagobeda mitôma miamuene Jésus‐Christ.

Galatie 3:10

Avo ahmenya mbe étsimamee éami éenanô me na Nzambé te gô gékeneo samige miaNzambé. Tambô andéké amakôkôuni. Matendeo meevéda mbe: Môkokou gôndé môma na môma asagobeda pitsi yetso na ngaangaa, éetso ématenduni gô miganda miamige miaNzambé.

Galatie 3:22

Ivô Matendeo MaNzambé matônigôa mbe: Tsinane nyetso éndé gô tsina éangudi yamabégô mabévani, buta mbe ôvanga ôngadugédu gôndé ane eetsa Jésus‐Christ mitéma miaô gébé na paga.

Jacques 2:10

One akenea mitôma na mige miaNzambé mietso ivô amôkuua ti môge ôvo, andé n’oési gô mitôma na mige mietso.