Romains 2:1 - New Testament in Mitsogo

¹ ?Ewe ôeséda akoo éwe ndaa? Omuene gébé na mitayi. Veeséda éwe akoo, éwe dôta ôénda te mônongovo ga ahngô, ôndé gôéasiséda ômuene tsôgôô.

Romains 2:1 ပူးပေါင်းရင်းမြစ်များ

LUC TSANGO EAMOSOBA EMATENDA 12:14

Jésus ameevôa angô mbe: ?Mômôgôô nôo ône asôi me mbe môtômi anye na môkabine anyô indaa?

LUC TSANGO EAMOSOBA EMATENDA 19:22

Môtômine amamôsemba mbe: Ewe môyanzi môbévani. Ogi ôvovi éwe te ône ôsoseda éwe. Osibômu mbe me te môma môdagani. Nabongo te éne ésivumbé me. Naa môyakô me gépangé égaaba.

LUC TSANGO EAMOSOBA EMATENDA 6:37

Nômbiatsuava akanyô kabaga anye nôtsundédu na Nzambé. Nômbieeséda akanyô, kabaga Nzambé anôeséda. Singéani akanyô kokoo, na Nzambé anganôsingéa dôta kokoo.

Romains 14:22

Ene émani éwe évamba na Nzambé gô ébégôe édué, kenea éangô ômuene, anye na Nzambé gô môtémoo. Ti gô gényônga géndé n’one aseesédu vatsundédu angô na môtémedi amuene.

Romains 2:2

Tôsabômu mbe Nzambé asatatôa oma na asapenganéda éne éeséda angô abévie, ane agônga Nzambé na disôba yaô.

Romains 2:3

Ewe ôséda akoo, na éwe ôgônga Nzambé na ôsôbee woo mônongovo geenda akoo. ?Otasa mbe n’ewe ôngabusuga géesédéô saNzambé-a?

Romains 3:9

Ovénga. ?Tambô wa n’anyô Ajuif tôôtéa ényepa n’akasô-a? Gôsaba. Me Paul namani énônigôa mbe Ajuif, n’oma muetso tôndé te mônongovo. Na tôndé muetso gô tsina otômu amabégô mabévani.

Romains 9:20

Ovénga éwe ndaa ômavangôni? ?Ewe ôsemba Nzambé nayee? Gépedee sakiekie géyanzô na môma géngasemba môyanzine atotone mbe: ?Oyanzi me nane nayee?

I Corinthiens 4:5

T’ebandô nanôbeenda mbe nômbiayavôga éeséda môma, ndéône émasevoa Nzambé madeo ésibuéa. Tôenékéni ngu na vangaviga Kumu asô n’anyô. Amuene angakuséda na v’ekanga mane mamasuégu v’esooe. Angatsutsuéda na matasame mav’esooe mandé gô tsina amôtéma amôma. Vane môma na môma angakumédu na Nzambé kumane éndé kuanakue n’edi.

I Corinthiens 7:16

Môgeto, éwe môma aChrist nagôbeenda mbe tôsamenya mavooe mômioo asangasinga Jésus buéyé mbe éwe ôkina vapatsô éwe n’edi. Na éwe mômôgôô môma aChrist, nagôbeenda mbe tôsamenya mavooe môgayoo asangasinga Jésus buéyé mbe éwe ôsasinga vakinô éwe n’edi.

Jacques 2:20

?Ewe ôgétsumaka paga? ?Onyôngéô me nagôpandoéda‐a? Bonokoye. One eetsa Nzambé môtémedi gémôtsumé paga ivô asaba na ésima ényôngéô Nzambé, angô dôta asaba na tsoongo gôndé Nzambé.

Jacques 4:11

Ana aTéta agô mbumu éaNzambé nônatsuavana anyene n’anyene. One eeséda muana aTétee n’edi na atsuava angô, eeséda Matendeo MaNzambé na atsuava mangô. Menya mbe éwe ôtsuava Matendeome éwe ôsaba môneegedi amangô ivô éwe te môkékôyi amangô.