Romains 16:2 - New Testament in Mitsogo

² Vangatsigangô na gôndé anye, keneani angô gô ina aKumu geenda wa n’anyô gô mbumu éaNzambé. Wedéani angô gô mabégô metso manganyôngeô angô. Amuene amawedéa oma ayekani, ti gandé me.

Romains 16:2 ပူးပေါင်းရင်းမြစ်များ

Matthieu 25:40

Kumu amanigôa ahngô mbe: Kuka yetso veendéa anye mabégôme mane gôndé ane amavamba n’ami béyé mbe ti vianéngé, ti eembe nôéndéyi te me.

Mayanzame 9:13

Ananias amatsunda na Kumu mbe: Ivô Kumu, oma ayekani amanigôa me mane mamômôgôô nône. Me tsabômu mane mabévani metso mameendangô omee woo gô Jérusalem.

Mayanzame 9:15

Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi.

Mayanzame 9:36

Gô môsenge aJoppé gômabaka g’ôtangôe aneengie môgeto inedi Tabitha. (G’ôgi aGrec te Dorcas. G’ôgi aGétsogo te Tsetsi.) Amayanza na pitsi n’omanda gôéénda akedi mabégô mamisôba, na gôéwedéa misuga.

Mayanzame 9:39

Pierre amayavôga ékea na ane amaviga na môkudégee. Vamatsigahngô gô Joppé amakea na Pierre na gô tsongone éagô ngongo eba. Mikué muetso amaweséa na vandé Pierre ahdéa. Agetoe ane ahmamôtubéda édénga na ngoyiye dimatuba Dorcas vamabangô agédôngaka.

Mayanzame 9:41

Pierre amamôtsôpa g’ôgogo na amamôwedéa gôétema môtie. Pierre amabambéa ane ameetsa Jésus mitémamie mbe: Ingéani. Nôeni gôkundugi môkanyô.

Romains 15:7

Vambani na gényônga anyene n’anyene gô mbumu éaNzambé mônongovo gamavamba Christ n’anyô gôékuméda Nzambé.

Romains 16:15

Kômbôani gô inami Philologue na Julie, na Nérée na kayedi Olympas, na asi mbumu éaNzambé andé vavo n’ahngô.

Romains 16:23

Gaïus, kumu eba ôdigaa me, na ôwanya we asi mbumu éaNzambé anôkômbôa. Na Eraste môkenene adodeye yamôsenge ôdôô anôkômbôa. Na dôta muana aTétee Quartus anôkômbôa. [

Romains 16:6

Kômbôani Marie gô inami. Amayanzéa anye pepe.

Romains 16:9

Kômbôani gô inami Urbain, wa n’edi ayanzi aChrist na dôta kômbôani wee ami Stachys.

Ephésiens 5:3

Anye asi mbumu éaNzambé, nônasinga mbe gésasô n’esima éasangô na onzôô okiti éôkanô va gatse anyô.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Philippiens 2:29

Tambô keneani angô n’ekasôga, gakeneo ana aTéta agô mbumu éaKumu Nzambé. Buedi mbe nômôtubéda egôba, angô n’akedi andé g’angô.

Colosses 4:10

Aristarque, ône andé n’ami gô eba atsôgôô, anôkômbôa. Na Marc muanaya aBarnabas anôkômbôa. Namani énôtenda ébégô éaMarc. Okô avigi na gôndé anye, vambani n’edi.

I Timothée 2:10

Nanyôngéô mbe môgeto andé môgobedi aNzambé amenyanganô kaka go maduani, ivô te gô mayanza na gô môdigedi edi amôsôba.

II Timothée 1:18

Nanyôngéô mbe Kumu Jésus amôsingéa gôédiia ôkitie aKumu ôngakabô gô nyoo ône ôvôni. Ewe Timothée, ôsabômu metso mamisôba mameendéangô me gô Ephèse.

Tite 2:3

Obeenda peeye yageto te mônongovo. Beenda ahngô mbe: Digaani pitsi yetso gô mônongo ageto amatsimamani. Beenda ahngô mbe: Nômbiakea nôgiangana. Nômbiadigaa g’ôvéga amaduku. Buedi mbe agetoe ane oongô akaô ndongi yamisôba.

Philémon 1:12

Angô te gandé géeme gévo sagô ôtôe wami. Nagôkudégéa angô.

Philémon 1:17

Okô mbe wa n’oo tôndé n’evamba, tambô kenea Onesime ti eembe te me.

II Jean 1:10

Okô aviga na gôndé anye gétsué meekédu mema, nômbiasinga angô eengéa na gôndé anye gôésambanéa n’angô.